News Continuous Bureau | Mumbai
Mumbai Weather Update: મુંબઈમાં આજે ભારે વરસાદ પડી રહ્યો છે. અંધેરી, કાંદિવલી, જોગેશ્વરી, બોરીવલી, બાંદ્રા, મલાડ અને સાંતાક્રુઝના ઘણા વિસ્તારોમાં ભારે વરસાદ ( heavy rain ) જોવા મળી રહ્યો છે. તેથી હવામાન વિભાગના જણાવ્યા અનુસાર મહારાષ્ટ્રમાં આજે આગામી 3 થી 4 કલાકમાં મુંબઈ, થાણે, પાલઘર, રાયગઢ અને રત્નાગીરમાં ભારે વરસાદની સંભાવના ( Rain Forecast ) છે. આજે અહીં હાઇ ટાઇડ પણ આવવાની શક્યતા છે. જેનો સમય સવારે 10:25નો છે. આ સમયગાળા દરમિયાન દરિયામાં લગભગ 4 મીટર ઊંચા મોજાં ઉછળવાની શક્યતા છે. જો ભારે ભરતી વખતે પણ વરસાદ આમ જ ચાલુ રહેશે તો અનેક વિસ્તારોમાં પાણી ભરાઈ જવાની સ્થિતિ પણ સર્જાઈ શકે છે.
ચોમાસાના આગમન છતાં મુંબઈ છેલ્લા એક સપ્તાહથી દુષ્કાળનો સામનો કરી રહ્યું હતું. પરંતુ હવે અહીં ભારે વરસાદ શરૂ થયો છે. આજે મુંબઈના ( Mumbai Rain ) ઘણા વિસ્તારોમાં ભારે વરસાદ પડી રહ્યો છે અને આગામી ત્રણથી ચાર કલાક સુધી વરસાદ પડવાની સંભાવના છે. હવામાન વિભાગના ( IMD ) જણાવ્યા અનુસાર બુધવારથી મુંબઈમાં ગરમીનો અંત આવવાની સંભાવના છે.તો 20 જૂન સુધીમાં મુંબઈમાં સંપુર્ણ પણ વરસાદ ચાલુ થઈ જશે અને 21 જૂનથી ભારે વરસાદ શરૂ થશે. જે બાદ 30 જૂન સુધી ચાલુ રહેવાની આશા છે
આ સમાચાર પણ વાંચો : Ramjanam Yogi: વારાણસીમાં રામજનમ યોગીએ રોકાયા વિના 2 મિનિટ 40 સેકન્ડ સુધી શંખ વગાડ્યો, PM મોદી અને યોગી પણ થયા દિવાના.. જુઓ વિડીયો..
Mumbai Weather Update: આ વખતે ચોમાસું કેરળ પહોંચ્યાના 18 દિવસ બાદ જ મહારાષ્ટ્ર પહોંચ્યું હતું…
આ વખતે ચોમાસું કેરળ પહોંચ્યાના 18 દિવસ બાદ જ મહારાષ્ટ્ર પહોંચ્યું હતું. મુંબઈમાં 11 જૂનથી ચોમાસું શરૂ થવાની સંભાવના હતી. પરંતુ સમય કરતાં ત્રણ દિવસ પહેલાં જ અહીં વરસાદ પહોંચી ગયો હતો. જો કે, ચોમાસાનું વહેલું આગમન થવા છતાં અહીંના લોકોને ગરમીમાંથી રાહત મળી ન હતી. પરંતુ હવે મુંબઈમાં ભારે વરસાદ શરૂ થવાનો છે. જેના કારણે તાપમાનમાં પણ ઘટાડો જોવા મળશે. ગરમીથી પણ લોકો રાહત અનુભવશે.
