News Continuous Bureau | Mumbai
Deepika-Ranveer: બૉલીવુડ અભિનેત્રી દીપિકા પાદુકોણ આ દિવસોમાં પોતાની પ્રેગ્નન્સીને લઈને ચર્ચામાં છે. રિપોર્ટ્સ અનુસાર, દીપિકાની ડિલિવરી આ મહિનાની 28 તારીખે થવાની છે. દીપિકાએ તાજેતરમાં જ તેના પ્રેગ્નન્સી ફોટોશૂટની તસવીરો શેર કરી હતી, જેમાં તેની સાથે રણવીર સિંહ પણ જોવા મળ્યો હતો. દીપિકા ગઈ કાલે પતિ રણવીર સિંહ સાથે સિદ્ધિવિનાયક મંદિરે પણ ગઈ હતી. આ બધાની વચ્ચે અભિનેત્રી વિશે એક નવી માહિતી સામે આવી છે અને ફેન્સ માટે આ સારા સમાચાર હોઈ શકે છે.
View this post on Instagram
Deepika-Ranveer: HN રિલાયન્સ હોસ્પિટલ પહોંચ્યા દીપિકા – રણવીર
હાલમાં સોશિયલ મીડિયા પર એક વીડિયો વાયરલ થઈ રહ્યો છે, જેમાં દીપિકા પાદુકોણ અને રણવીર સિંહની કાર મુંબઈની HN રિલાયન્સ હોસ્પિટલ જતી જોવા મળી રહી છે. આ વીડિયો સામે આવ્યા બાદ લોકો અનુમાન લગાવવા લાગ્યા છે કે કદાચ આજે જ કોઈ સારા સમાચાર આવી શકે છે. આ વીડિયો વાયરલ થયા બાદ લોકોએ સોશિયલ મીડિયા પર કપલને અભિનંદન આપવાનું શરૂ કરી દીધું છે. આ વીડિયો વાઈરલ ભાયાણીના ઈન્સ્ટા પેજ પરથી શેર કરવામાં આવ્યો છે અને કેપ્શનમાં લખ્યું છે કે, ‘દીપિકા પાદુકોણ અને રણવીર સિંહ HN રિલાયન્સ હોસ્પિટલ પહોંચ્યા. સારા સમાચાર આવવાના છે.
Deepika-Ranveer: ચાહકોને ખુશખબરીનો ઇંતેજાર
વાયરલ વીડિયો પર કોમેન્ટ કરતાં એક યુઝરે લખ્યું છે કે, ‘શું તમને લાગે છે કે તે છોકરી હશે કે છોકરો?’ તો અન્ય એક યુઝરે લખ્યું કે, ‘Trending news of the day’. અન્ય એક યુઝરે લખ્યું કે, ‘જે કંઈ પણ હોય, તેમનો જન્મ ગણેશ ચતુર્થી પર થઈ રહ્યો છે. આનાથી મોટી ખુશી શું હોઈ શકે? આ વીડિયો પર આવી ઘણી કોમેન્ટ્સ આવી છે.
Deepika-Ranveer: ગઈકાલે સિદ્ધિવિનાયક મંદિરે પહોંચ્યા હતા
તમને જણાવી દઈએ કે શુક્રવારે જ દીપિકા અને રણવીર પરિવાર સાથે મુંબઈના સિદ્ધિવિનાયક મંદિર પહોંચ્યા હતા. બાળકના આગમન પહેલા બંને ભગવાનના આશીર્વાદ લેવા ગયા હતા. આ દરમિયાન બંનેના ચહેરા પર ખુશી સ્પષ્ટ દેખાતી હતી. આટલું જ નહીં, મંદિરથી પાછા આવ્યા બાદ બંને ત્યાં હાજર લોકોને ખૂબ સારી રીતે મળ્યા. આ દરમિયાન બંને ટ્રેડિશનલ લુકમાં હતાં. રણવીરે ઓફ-વ્હાઈટ કલરનો કુર્તા-પાયજામા પહેર્યો હતો. દીપિકાએ ગ્રીન કલરની સાડી પહેરી હતી.
(News Continuous brings you all the latest breaking news, viral trends and information from social media world, including Twitter, Instagram and Youtube. The above post is embeded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
