News Continuous Bureau | Mumbai

Manipur Violence :  ગત 11 નવેમ્બરના રોજ, મણિપુરના જીરીબામ જિલ્લાના જાકુરાડોર કરોંગ ખાતે સુરક્ષા દળો દ્વારા 10 કુકી આતંકવાદીઓ માર્યા ગયા હતા. આ ઘટના બાદથી ત્રણ મહિલાઓ અને ત્રણ બાળકો ગુમ છે. ઘટનાના બીજા દિવસે પણ બે લોકોના સળગેલા મૃતદેહ મળી આવ્યા હતા. તેના વિરોધમાં 13 નાગરિક અધિકાર સંગઠનોએ ઈમ્ફાલ ઘાટીમાં સંપૂર્ણ બંધનું એલાન આપ્યું છે. જીરીબામ ઘટના પછી, કેન્દ્ર સરકારે મણિપુરમાં આશરે 2 હજાર કર્મચારીઓ સાથે 20 વધારાના CAPF યુનિટ તૈનાત કરવાનો આદેશ જારી કર્યો.

Manipur Violence : મણિપુરમાં સુરક્ષા દળોની 218 ટુકડીઓ તૈનાત

હવે મણિપુરમાં સુરક્ષા દળોની 218 ટુકડીઓ તૈનાત છે. ઇમ્ફાલ ખીણમાં હડતાળનું આહ્વાન કરનાર નાગરિક અધિકાર સંગઠનોમાં ઇન્ટરનેશનલ પીસ એન્ડ સોશિયલ એડવાન્સમેન્ટ, ઓલ ક્લબ ઓર્ગેનાઇઝેશન એસોસિએશન, મીરા પાઇબી લૂપ, ઇન્ડિજિનસ પીપલ્સ એસોસિએશન ઓફ કાંગલીપાક અને કાંગલીપાક સ્ટુડન્ટ્સ એસોસિએશનનો સમાવેશ થાય છે.

આ સમાચાર પણ વાંચો :  ચૂંટણી વચ્ચે અજીત દાદાને મોટો ઝટકો, સુપ્રીમ કોર્ટે શરદ પવારના ફોટો અને પાર્ટીના નામને લઈને આપ્યા આ નિર્દેશો…

Manipur Violence :પાંચ જિલ્લાઓમાં બંધ

બંધથી પ્રભાવિત ખીણના પાંચ જિલ્લાઓમાં ઇમ્ફાલ પૂર્વ, ઇમ્ફાલ પશ્ચિમ, થૌબલ, કકચિંગ અને બિષ્ણુપુર જિલ્લાનો સમાવેશ થાય છે. આ જિલ્લાઓમાં તમામ શાળાઓ, બજારો, જાહેર પરિવહન સંપૂર્ણપણે બંધ છે. બંધ દરમિયાન ઇમ્ફાલ ખીણ શાંતિપૂર્ણ હતી પરંતુ જીરીબામ નજીક નાગા પ્રભુત્વ ધરાવતા તામેંગલોંગ જિલ્લામાં બે ટ્રકોને સળગાવી દેવામાં આવી હતી. એક અધિકારીના જણાવ્યા અનુસાર આ ઘટના જુની કૈફુંડાઈ ખાતે બની હતી. સશસ્ત્ર આતંકવાદીઓએ માલસામાન લઈ જતી ટ્રકને નિશાન બનાવી હતી.