News Continuous Bureau | Mumbai
Anupama Spoiler: સ્ટાર પ્લસના લોકપ્રિય શો “અનુપમા” માં એક પછી એક ધમાકેદાર ટ્વિસ્ટ જોવા મળી રહ્યા છે. ડાન્સ ફિનાલેના માત્ર 5 મિનિટ બાકી છે અને અનુપમા અચાનક ગાયબ થઈ જાય છે. ગૌતમ ગાંધીના ઇશારે ક્રૂ મેમ્બર દ્વારા અનુપમાને રૂમમાં બંધ કરી દેવામાં આવે છે. આ ઘટનાની વિડિયો ક્લિપ તોષૂ દ્વારા રેકોર્ડ કરવામાં આવે છે, જેને જોઈને શાહ અને કોઠારી હાઉસના લોકો ચોંકી જાય છે.
આ સમાચાર પણ વાંચો : Akshay Kumar Birthday: અક્ષય કુમારે પોતાના 58મા જન્મદિવસે ફેન્સને સમર્પિત કર્યો સંદેશ, સોશિયલ મીડિયા પોસ્ટ માં લખી આવી વાત
અનુપમા ના ગાયબ થવાની પાછળ ગૌતમનો હાથ?
રિપોર્ટ મુજબ ગૌતમની ખુશી જોઈને પરાગને શંકા થાય છે. તે ગૌતમને પ્રશ્ન કરે છે કે તે આટલો ખુશ કેમ છે. ગૌતમ વાત ટાળે છે, પણ પરાગને અંદાજ આવે છે કે અનુપમા ના ગાયબ થવાની પાછળ ગૌતમનો જ હાથ હોઈ શકે છે. અનુપમા રૂમમાં આગ લગાવે છે જેથી ફાયર અલાર્મ વાગે અને પરાગ ધૂમાડો જોઈને તેને બહાર કાઢે છે.અનુપમાને બહાર કાઢ્યા પછી તે ડાન્સ ફિનાલેમાં ભાગ લે છે અને અંતિમ રાઉન્ડ જીતી જાય છે. પરંતુ આ દરમિયાન તેની આંખોમાં જે દવા નાખવામાં આવે છે તેમાં કોઈએ કંઈક મિલાવટ કરી હોય એવું જણાય છે. તેને સ્પષ્ટ દેખાતું નથી, છતાં તે હિંમત રાખીને ડાન્સ કરે છે અને જીત મેળવી લે છે.
આ સ્પોઇલર સામે આવતા જ સોશિયલ મીડિયા પર ફેન્સમાં ચર્ચા શરૂ થઈ ગઈ છે. ઘણા લોકો માનતા હતા કે આ શો હવે વધુ ભાવનાત્મક અને થ્રિલિંગ બની રહ્યો છે. જો અનુપમાની આંખોની રોશની ખરેખર જાય છે, તો આ શો માટે એક મોટો ટર્નિંગ પોઈન્ટ સાબિત થઈ શકે છે.
