News Continuous Bureau | Mumbai
Abhishek-Aishwarya: મુંબઈની ધીરુભાઈ અંબાણી ઇન્ટરનેશનલ સ્કૂલના એન્યુઅલ ફંક્શનમાં આખું બચ્ચન પરિવાર આરાધ્યાને ચીયર કરવા પહોંચ્યું હતું. ૧૮ ડિસેમ્બરના રોજ યોજાયેલા આ કાર્યક્રમમાં અભિષેક બચ્ચન અને ઐશ્વર્યા રાય વચ્ચેના છૂટાછેડાની અફવાઓ પર પૂર્ણવિરામ મુકાયું હોય તેમ લાગ્યું, કારણ કે સોશિયલ મીડિયા પર વાયરલ વીડિયોમાં અભિષેક તેની પત્ની ઐશ્વર્યાનો હાથ પકડીને ચાલતો જોવા મળ્યો હતો.
આ સમાચાર પણ વાંચો : Kumar Sanu : કુમાર સાનુ આરપારના મૂડમાં! એક્સ વાઈફ રીતા ભટ્ટાચાર્યને ફટકારી લીગલ નોટિસ, બદનક્ષી બદલ માંગી અધધ આટલી રકમ
બચ્ચન પરિવારનો શાહી અંદાજ
આરાધ્યા બચ્ચનના એન્યુઅલ ફંક્શનમાં બચ્ચન પરિવારનો શાહી અને સ્ટાઇલિશ અંદાજ જોવા મળ્યો હતો. સોશિયલ મીડિયા પર વાયરલ થયેલા વીડિયોમાં અમિતાભ બચ્ચન બ્લેક સૂટ અને બ્લેઝરમાં અત્યંત પ્રભાવશાળી લાગી રહ્યા હતા, જ્યારે ઐશ્વર્યા રાયે બ્લેક આઉટફિટ પર સુંદર બનારસી દુપટ્ટો ધારણ કર્યો હતો, જે તેના લુકને ચાર ચાંદ લગાવી રહ્યો હતો. અભિષેક બચ્ચન પણ બ્લુ કેઝ્યુઅલ આઉટફિટમાં હેન્ડસમ દેખાઈ રહ્યો હતો. આ ખાસ પ્રસંગે ઐશ્વર્યાના માતા વૃંદા રાય પણ બચ્ચન પરિવાર સાથે જોવા મળ્યા હતા, જે પરિવારની એકતાનો પુરાવો આપે છે.
View this post on Instagram
View this post on Instagram
View this post on Instagram
છેલ્લા ઘણા સમયથી ઐશ્વર્યા અને અભિષેક વચ્ચે અણબનાવ હોવાની ચર્ચાઓ ચાલતી હતી, પરંતુ આ ઈવેન્ટમાં તેમની પ્રેમભરી કેમેસ્ટ્રીએ તમામ અફવાઓ પર વિરામ મૂકી દીધો છે. વીડિયોમાં સ્પષ્ટ જોઈ શકાય છે કે અભિષેક અને ઐશ્વર્યા એકબીજા સાથે વાતચીત કરતા અને હસતા-રમતા વેન્યુની અંદર પ્રવેશ્યા હતા. ખાસ કરીને જ્યારે અભિષેકે ઐશ્વર્યાનો હાથ પકડ્યો, ત્યારે ફેન્સ માટે તે સૌથી રાહતના સમાચાર સાબિત થયા હતા. આ દ્રશ્યોએ સાબિત કરી દીધું છે કે સોશિયલ મીડિયા પર થતી અટકળો માત્ર પાયાવિહોણી હતી.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
