News Continuous Bureau | Mumbai
1x Betting case: 1x બેટિંગ એપ મામલે એન્ફોર્સમેન્ટ ડિરેક્ટોરેટ (ED) એ શુક્રવારે મોટું એક્શન લેતા રમતગમત અને બોલિવૂડ જગતના અનેક દિગ્ગજોની કરોડો રૂપિયાની સંપત્તિ જપ્ત કરી છે. EDની આ કાર્યવાહીમાં પૂર્વ ક્રિકેટર યુવરાજ સિંહ, અભિનેતા સોનુ સૂદ અને અભિનેત્રી ઉર્વશી રૌતેલા સહિત અનેક સેલેબ્રિટીઓના નામ સામે આવ્યા છે. તપાસ એજન્સીએ અત્યાર સુધી આ કેસમાં કુલ ૧૯.૦૭ કરોડ રૂપિયાની સંપત્તિ એટેચ કરી છે.
આ સમાચાર પણ વાંચો : KSBKBT 2: કેમ તુલસીએ છોડ્યું શાંતિનિકેતન? KSBKBT 2 માં જબરદસ્ત વળાંક, મિહિર ઉર્ફે અમર ઉપાધ્યાયે વ્યક્ત કર્યું પોતાનું દર્દ
કોની કેટલી સંપત્તિ થઈ જપ્ત?
શુક્રવારે લેવાયેલા એક્શનમાં નીચે મુજબના નામો અને રકમ સામે આવી છે:
- યુવરાજ સિંહ: ૨.૫ કરોડ રૂપિયા
- ઉર્વશી રૌતેલા: ૨.૦૨ કરોડ રૂપિયા (આ મિલકત તેમની માતાના નામે હતી)
- સોનુ સૂદ: ૧ કરોડ રૂપિયા
- નેહા શર્મા: ૧.૨૬ કરોડ રૂપિયા
- રોબિન ઉથપ્પા: ૮.૨૬ લાખ રૂપિયા
- મિમી ચક્રવર્તી: ૫૯ લાખ રૂપિયા
- અંકુશ હજારા: ૪૭.૨૦ લાખ રૂપિયા
View this post on Instagram
બેટિંગ એપ કેસમાં તપાસની આંચ માત્ર ફિલ્મી સિતારાઓ સુધી જ સીમિત નથી, પરંતુ અગાઉ ક્રિકેટ જગતના જાણીતા ચહેરાઓ પર પણ કાયદાકીય ગાજ પડી ચૂકી છે. આ અગાઉની કાર્યવાહીમાં ED દ્વારા શિખર ધવનની 4.55 કરોડ રૂપિયાની અને સુરેશ રૈનાની 6.64 કરોડ રૂપિયાની મિલકતો એટેચ કરવામાં આવી હતી. આજના 7.93 કરોડના નવા એક્શન સાથે, આ હાઈ-પ્રોફાઈલ કેસમાં અત્યાર સુધીની કુલ જપ્તીનો આંકડો 19 કરોડ રૂપિયાને પાર કરી ગયો છે.આ સમગ્ર મામલો 1x બેટિંગ એપ દ્વારા થતા ઓનલાઈન સટ્ટાબાજી અને તેના માધ્યમથી આચરવામાં આવતા મની લોન્ડરિંગ સાથે જોડાયેલો છે. તપાસ એજન્સી મુજબ, આ વિદેશી બેટિંગ એપ ભારતમાં ગેરકાયદેસર રીતે સક્રિય હતી અને તેના પ્રચાર-પ્રસાર માટે જાણીતી સેલિબ્રિટીઓનો ઉપયોગ કરવામાં આવ્યો હતો. આ દિગ્ગજોને પ્રમોશનના બદલામાં જે નાણાં ચૂકવવામાં આવ્યા હતા, તે ‘ક્રાઈમ પ્રોસીડ્સ’ એટલે કે ગુનાહિત પ્રવૃત્તિ દ્વારા મેળવેલી રકમ હોવાની પ્રબળ શંકા છે. આ આર્થિક ગેરરીતિને આધારે જ EDએ સેલેબ્રિટીઓની સંપત્તિઓ ટાંચમાં લેવાની મોટી કાર્યવાહી હાથ ધરી છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
