News Continuous Bureau | Mumbai
Apple AirPods Pro 4 Camera એપલ (Apple) પોતાના યુઝર્સ માટે ટેકનોલોજીનો એક એવો અનુભવ લાવવા જઈ રહ્યું છે જેની અત્યાર સુધી કોઈ કંપનીએ કલ્પના પણ કરી નહોતી. રિપોર્ટ્સ મુજબ, આગામી Apple AirPods Pro 4 માં કેમેરા ફિટ કરવામાં આવશે. જોકે, આ કેમેરા ફોટા પાડવા માટે નહીં, પરંતુ યુઝરના હાથના હાવભાવ સમજવા માટે કામ કરશે. પ્રખ્યાત વિશ્લેષક મિંગ-ચી કુઓ અને લીકર કોસુતામી દ્વારા આ ચોંકાવનારી વિગતો સામે આવી છે.
ઇન્ફ્રારેડ ટેકનોલોજી અને વિઝ્યુઅલ ઇન્ટેલિજન્સ
નવા AirPods Pro 4 માં નાના ઇન્ફ્રારેડ (IR) કેમેરા લગાવવામાં આવશે. આ કેમેરા આસપાસના વાતાવરણને જોવા અને હાથના હલનચલનને પારખવામાં સક્ષમ હશે. આ ટેકનોલોજીનો મુખ્ય હેતુ એપલ વિઝન પ્રો હેડસેટના અનુભવને વધુ બહેતર બનાવવાનો છે. આ કેમેરાની મદદથી એરપોડ્સ એક પ્રકારના સેન્સરમાં ફેરવાઈ જશે, જે આસપાસની દુનિયાને સમજીને ઓડિયો અને વિઝ્યુઅલ અનુભવને શ્રેષ્ઠ બનાવશે.
હવામાં હાથ હલાવીને થશે ઓપરેટ
આ ફીચરની સૌથી ખાસ વાત એ છે કે તમારે ફોન કે એરપોડ્સને અડવાની જરૂર નહીં પડે. તમે હવામાં હાથ ઉપર-નીચે કરીને વોલ્યુમ વધારી કે ઘટાડી શકશો અથવા ગીતો બદલી શકશો. માથાના હલનચલનથી સિરી (Siri) ને એક્ટિવેટ કરી શકાશે. જે લોકો એપલનું વિઝન પ્રો હેડસેટ વાપરે છે, તેમના માટે આ એક ખાસ એક્સેસરી તરીકે પણ ઓફર કરવામાં આવી શકે છે, જે ઓડિયો ક્વોલિટીને નવી ઊંચાઈ પર લઈ જશે.
આ સમાચાર પણ વાંચો : Surya Gochar 2026: સૂર્યનું કુંભ રાશિમાં ગોચર ૧૩ ફેબ્રુઆરીથી આ ૩ રાશિઓ માટે શરૂ થશે કપરો સમય! ૧ મહિના સુધી સંભાળીને રહેજો, નહીં તો થઈ શકે છે મોટું નુકસાન
કિંમત અને લોન્ચિંગ વિશેની વિગત
એપલનો ઇતિહાસ દર ત્રણ વર્ષે પ્રોડક્ટ અપડેટ કરવાનો રહ્યો છે. AirPods Pro 2 વર્ષ ૨૦૨૨ માં અને Pro 3 વર્ષ ૨૦૨૫ માં લોન્ચ થયા હતા. તે જોતા, કેમેરાવાળા એરપોડ્સ વર્ષ ૨૦૨૬ ના એપલ ઇવેન્ટમાં રજૂ કરવામાં આવે તેવી પ્રબળ શક્યતા છે. રિપોર્ટ્સ મુજબ, આ મોડેલની કિંમત લગભગ ૨૪૯ ડોલર (આશરે ૨૧,૦૦૦ થી ૨૫,૦૦૦ રૂપિયા) ની આસપાસ હોઈ શકે છે. કેટલાક નિષ્ણાતો તેને AirPods Pro 3 ના પ્રીમિયમ હાઈ-એન્ડ વર્ઝન તરીકે પણ જોઈ રહ્યા છે.
