News Continuous Bureau | Mumbai
Dhurandhar: ડિસેમ્બર 2025 માં રિલીઝ થયેલી આદિત્ય ધરની ફિલ્મ ‘ધુરંધર’ એ બોક્સ ઓફિસ પર એક નવો ઇતિહાસ રચી દીધો છે. રણવીર સિંહ સ્ટારર આ ફિલ્મ હવે ઓનલાઈન ટિકિટિંગ પ્લેટફોર્મ ‘બુક માય શો’ પર સૌથી લાંબો સમય ટ્રેન્ડ થનારી ભારતીય ફિલ્મ બની ગઈ છે. પોઝિટિવ વર્ડ ઓફ માઉથને કારણે આ ફિલ્મે રિલીઝના બે મહિના પછી પણ પોતાની પકડ જાળવી રાખી છે.મીડિયા ના અહેવાલ મુજબ, ફેબ્રુઆરીના મધ્ય સુધીમાં ‘ધુરંધર’ એ બુક માય શો પર સતત 59 દિવસ પૂર્ણ કર્યા છે. આ સાથે તેણે વિક્કી કૌશલની ‘છાવા’ (58 દિવસ) અને બ્લોકબસ્ટર ‘સ્ત્રી 2’ (57 દિવસ) ના રેકોર્ડ તોડી નાખ્યા છે. આ યાદીમાં તે હવે ટોચના સ્થાને પહોંચી ગઈ છે, જ્યારે શાહરૂખ ખાનની ‘જવાન’ 48 દિવસ સાથે સાતમા નંબરે છે.
આ સમાચાર પણ વાંચો : Tu Yaa Main Movie Review: ‘તુ યા મૈં’ રિવ્યુ: નબળો ફર્સ્ટ હાફ અને લોજિક વગરની વાર્તા, આદર્શ-શનાયાની મહેનત પર સ્ક્રિપ્ટે ફેરવ્યું પાણી – જાણો કેવી છે ફિલ્મ
સૌથી વધુ કમાણી કરનારી બીજી બોલિવૂડ ફિલ્મ
‘ધુરંધર’ માત્ર ટ્રેન્ડિંગમાં જ નહીં, પણ કમાણીમાં પણ પાવરફુલ સાબિત થઈ છે. તે અત્યારે બીજી સૌથી વધુ કમાણી કરનારી બોલિવૂડ ફિલ્મ બની ગઈ છે. ફિલ્મમાં રણવીર સિંહની સાથે અક્ષય ખન્ના, સંજય દત્ત, આર. માધવન અને અર્જુન રામપાલ જેવા દિગ્ગજ કલાકારો છે. ખાસ કરીને અક્ષય ખન્નાના અભિનયના ખૂબ જ વખાણ કરવામાં આવ્યા છે, જેના કારણે તેને ફરીથી મોટી ફેમ મળી છે. ‘ધુરંધર’ એ અન્ય ઘણી મોટી ફિલ્મોને પાછળ છોડી દીધી છે. ટ્રેન્ડિંગ લિસ્ટમાં ચોથા નંબરે 53 દિવસ સાથે ‘પુષ્પા 2’ અને ‘પ્રેમલુ’ છે. ત્યારબાદ ‘મંજુમ્મેલ બોયઝ’ (50 દિવસ) અને ‘કલ્કી 2898 AD’ (49 દિવસ) નો નંબર આવે છે. આટલી મજબૂત સ્પર્ધા હોવા છતાં રણવીર સિંહની આ ફિલ્મ ટોપ પર રહેવી એ તેની મોટી સફળતા ગણાય છે.
View this post on Instagram
ફિલ્મની જબરદસ્ત સફળતાને જોતા મેકર્સે તેનો બીજો ભાગ પણ તૈયાર કરી દીધો છે. ‘ધુરંધર 2’ આગામી 19 માર્ચ 2026 ના રોજ રિલીઝ થવાની છે. આ ફિલ્મમાં પણ રણવીર સિંહ જ મુખ્ય ભૂમિકામાં જોવા મળશે. રસપ્રદ વાત એ છે કે બોક્સ ઓફિસ પર આ ફિલ્મનો સીધો મુકાબલો સાઉથ સુપરસ્ટાર યશની ફિલ્મ ‘ટોક્સિક’ (Toxic) સાથે થવાનો છે, જે એક મોટો ક્લેશ સાબિત થશે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
