News Continuous Bureau | Mumbai
US Navy Indian Ocean Action અમેરિકાએ હિંદ મહાસાગરમાં વેનેઝુએલાના તેલના વેપાર પર સીધી કાર્યવાહી કરીને આંતરરાષ્ટ્રીય સ્તરે ચર્ચા જગાવી છે. અમેરિકન નૌકાદળ દ્વારા ‘વેરોનિકા III’ નામના તેલ ટેન્કરને અટકાવી તેના પર નિયંત્રણ મેળવી લેવામાં આવ્યું છે. પેન્ટાગોન દ્વારા સોશિયલ મીડિયા પર આ કાર્યવાહીની પૃષ્ટિ કરવામાં આવી છે. આ જહાજનો કેરેબિયન સમુદ્રથી જ પીછો કરવામાં આવી રહ્યો હતો અને અંતે હિંદ મહાસાગરમાં તેને આંતરવામાં આવ્યું છે.અમેરિકાના જણાવ્યા મુજબ, આ ટેન્કર પનામાનો ધ્વજ લગાવીને આંતરરાષ્ટ્રીય પ્રતિબંધોમાંથી બચવાનો પ્રયાસ કરી રહ્યું હતું. આ જહાજ ઈરાન અને વેનેઝુએલા વચ્ચેના તેલના ગેરકાયદે વેપાર સાથે સંકળાયેલું હોવાનો આક્ષેપ છે. તાજેતરમાં વેનેઝુએલાના રાષ્ટ્રપતિની ધરપકડ બાદ ત્યાંના તેલના કૂવાઓ પર અમેરિકાએ સંપૂર્ણ અંકુશ મેળવ્યો હોવાનું પણ માનવામાં આવે છે.
રશિયાની કલેબંધી અને તેલની રમત
અમેરિકા અત્યારે રશિયાને આર્થિક રીતે નબળું પાડવા માટે વેનેઝુએલાના તેલનો વિકલ્પ વિશ્વના દેશો સામે મૂકી રહ્યું છે. રશિયા પાસેથી સસ્તું તેલ ખરીદતા ભારત જેવા દેશો પર અમેરિકાએ ભારે ટેરિફ લાદીને દબાણ ઊભું કરવાનો પ્રયાસ કર્યો હતો. હવે અમેરિકા ઈચ્છે છે કે ભારત અને અન્ય દેશો રશિયાને બદલે વેનેઝુએલાનું તેલ ખરીદે, જેના પર અત્યારે અમેરિકાનું જ સીધું નિયંત્રણ છે.
જહાજ પ્રતિબંધો તોડી રહ્યું હોવાનો પેન્ટાગોનનો દાવો
પેન્ટાગોનના અધિકારીઓએ સ્પષ્ટતા કરી છે કે આંતરરાષ્ટ્રીય જળસીમામાં કોઈ પણ ગેરકાયદે પ્રવૃત્તિને ચલાવી લેવામાં આવશે નહીં. ‘વેરોનિકા III’ તેલ ટેન્કર રાષ્ટ્રપતિના આદેશ મુજબ લાદવામાં આવેલા આર્થિક પ્રતિબંધોનું ઉલ્લંઘન કરી રહ્યું હતું. આ કાર્યવાહીથી અમેરિકાએ સ્પષ્ટ સંકેત આપ્યો છે કે વેનેઝુએલાના તેલ સંસાધનો પર તેમની પકડ યથાવત રાખવા તેઓ ગમે ત્યાં સૈન્ય કાર્યવાહી કરી શકે છે.
આ સમાચાર પણ વાંચો : Gold Silver Rate Today 16 February 2026: સોના-ચાંદીના ભાવમાં ધરખમ ઘટાડો, ચાંદી ₹૮,૦૦૦ સુધી સસ્તી થઈ; તમારા શહેરના આજના ભાવ તપાસો
ભારતની ભૂમિકા પર સૌની નજર
ભારત અત્યારે રશિયા પાસેથી મોટા પાયે તેલની આયાત કરે છે. અમેરિકાએ આ બાબતે અગાઉ નારાજગી વ્યક્ત કરી છે. વેનેઝુએલામાં થયેલી સત્તાપલટા જેવી ઘટનાઓ અને હવે હિંદ મહાસાગરમાં આ ટેન્કરની જપ્તી બાદ ભારત શું વલણ અપનાવે છે તે જોવું મહત્વનું રહેશે. જો ભારત અમેરિકાના દબાણમાં આવીને વેનેઝુએલા પાસેથી તેલ ખરીદવાનું શરૂ કરે છે, તો રશિયા સાથેના સંબંધોમાં તણાવ આવી શકે છે.
Join Our WhatsApp Community