News Continuous Bureau | Mumbai
Allu Arjun Raaka Movie: સાઉથ સુપરસ્ટાર અલ્લુ અર્જુન અને બોલિવૂડ ક્વીન દીપિકા પાદુકોણ ની આગામી ફિલ્મ ‘રાકા’ ને લઈને એક અત્યંત રોમાંચક સમાચાર સામે આવ્યા છે. અહેવાલો અનુસાર, આ ફિલ્મમાં બોલિવૂડના બાદશાહ શાહરૂખ ખાન એક શાનદાર કેમિયો કરતા જોવા મળશે. નિર્દેશક એટલી કુમાર સાથે ‘જવાન’ ની ભવ્ય સફળતા બાદ શાહરૂખ ફરી એકવાર તેમની સાથે આ બિગ બજેટ ફિલ્મમાં જોડાવા જઈ રહ્યો છે.
આ સમાચાર પણ વાંચો : Project Hail Mary: હોલીવુડમાં ‘જાદુ’ની એન્ટ્રી? ‘પ્રોજેક્ટ હેલ મેરી’ પર ‘કોઈ મિલ ગયા’ના સીન્સ કોપી કરવાનો લાગ્યો આરોપ, સોશિયલ મીડિયા પર ફેન્સે લીધો ઉધડો
‘રાકા’ માં શાહરૂખ ખાનનો હશે મહત્વનો રોલ
મીડિયા રિપોર્ટ્સ મુજબ, શાહરૂખ ખાને એટલી કુમારની આ ફિલ્મમાં કેમિયો કરવા માટે સંમતિ આપી દીધી છે. સૂત્રોના જણાવ્યા અનુસાર, આ માત્ર નાનો રોલ નહીં પરંતુ વાર્તામાં એક મહત્વનો વળાંક લાવનારું પાત્ર હશે. શાહરૂખ અને એટલીની જોડીએ અગાઉ 2023માં ‘જવાન’ દ્વારા બોક્સ ઓફિસ પર ધૂમ મચાવી હતી, ત્યારે હવે અલ્લુ અર્જુન અને શાહરૂખ ખાનને એક જ ફિલ્મમાં સાથે જોવા એ ચાહકો માટે કોઈ મોટી ભેટથી ઓછું નથી.
View this post on Instagram
‘રાકા’ એક મેગા બજેટ ફિલ્મ છે, જેનું નિર્માણ સન પિક્ચર્સ કરી રહ્યું છે. અલ્લુ અર્જુન અને દીપિકા પાદુકોણ ઉપરાંત આ ફિલ્મમાં રશ્મિકા મંદાના, મૃણાલ ઠાકુર અને જ્હાન્વી કપૂર જેવી અભિનેત્રીઓ પણ મહત્વના રોલમાં જોવા મળશે. અલ્લુ અર્જુન આ ફિલ્મમાં અત્યાર સુધીના સૌથી અલગ અવતારમાં જોવા મળવાનો છે, જેનું ફર્સ્ટ લુક તાજેતરમાં જ રિલીઝ કરવામાં આવ્યું હતું. ફિલ્મનું શૂટિંગ ટૂંક સમયમાં મુંબઈના સ્ટુડિયોમાં શરૂ થવાની સંભાવના છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
