News Continuous Bureau | Mumbai
NEET Paper Leak Case। દેશભરની મેડિકલ કોલેજોમાં પ્રવેશ માટે લેવામાં આવતી નીટ (NEET) પરીક્ષા અત્યારે પેપરલીક વિવાદના વમળમાં ફસાઈ છે. આ પ્રકરણમાં નાસિકના શુભમ ખૈરનારની સંડોવણી સામે આવતા સીબીઆઈ (CBI) એ તેની ધરપકડ કરી છે. મધ્યરાત્રીએ સીબીઆઈની ટીમ શુભમને લઈને મુંબઈ જવા રવાના થઈ હતી. પ્રાથમિક તપાસમાં બહાર આવ્યું છે કે આ પેપર લીક કરવા માટે પુણે અને નાસિકના યુવકોએ મોટું આર્થિક કાવતરું રચ્યું હતું.
૧૦ લાખમાં સોદો અને ૧૫ લાખમાં વેચાણ
તપાસ એજન્સીઓના જણાવ્યા અનુસાર, નાસિકના શુભમ ખૈરનાર અને પુણેના ધનંજયે આ પેપર લીક કરવાનો પ્લાન બનાવ્યો હતો. ધનંજયે કથિત રીતે નીટનું પેપર શુભમને ૧૦ લાખ રૂપિયામાં વેચ્યું હતું. ત્યારબાદ પોતાની મેડિકલ કાઉન્સેલિંગ એજન્સી ચલાવતા શુભમે નફો કમાવવાના હેતુથી આ જ પેપર ટેલિગ્રામ અને ઇન્સ્ટાગ્રામ જેવા સોશિયલ મીડિયા પ્લેટફોર્મ દ્વારા ૧૫ લાખ રૂપિયામાં વેચ્યું હતું. આ પેપર હરિયાણા સુધી મોકલવામાં આવ્યું હોવાનું પણ ખુલ્યું છે.
સીબીઆઈ પાસે ૧૫૦ વિદ્યાર્થીઓ અને ૭૦ વાલીઓની યાદી
આ કેસની તપાસ કરી રહેલી એસઓજી (SOG) એ સીબીઆઈને ૧૫૦ વિદ્યાર્થીઓ અને ૭૦ વાલીઓની એક મોટી યાદી સોંપી છે, જેમને કથિત રીતે આ લીક થયેલું પેપર મળ્યું હતું. આ ઉપરાંત, ૧૩ એમબીબીએસ કાઉન્સેલર્સને પણ સીબીઆઈના હવાલે કરવામાં આવ્યા છે. એવું માનવામાં આવે છે કે શુભમ અને ધનંજયે જે પેપર ફોરવર્ડ કર્યું હતું તે અંદાજે ૮૦ ટકા સચોટ હતું, જેના કારણે પરીક્ષાની ગોપનીયતા જોખમાઈ છે.
પુણે કનેક્શન અને વિદ્યાર્થીઓમાં ચિંતાનું વાતાવરણ
પુણે પોલીસ અત્યારે શુભમના સાથી ધનંજયની શોધ કરી રહી છે, જેનો મોબાઈલ મંગળવાર બપોરથી બંધ છે. બીજી તરફ, ૩ મેના રોજ લેવાયેલી નીટ પરીક્ષા રદ થવાના સમાચારોથી વિદ્યાર્થીઓમાં ભારે રોષ અને તણાવ જોવા મળી રહ્યો છે. અનેક વિદ્યાર્થીઓ પરીક્ષા આપીને વેકેશન માણવા બહાર ગયા હતા, પરંતુ હવે ફરીથી પરીક્ષા આપવાની નોબત આવતા ભવિષ્ય અંગે અનિશ્ચિતતા સર્જાઈ છે.
👉 આ સમાચાર વાચો:
Gold Silver Price Hike May 2026| બજારમાં ભૂકંપ સોનુંચાંદી આભને આંબ્યા! એક જ દિવસમાં ચાંદી ૨૭,૭૦૦ મોંઘી, સોનાના ભાવમાં પણ રેકોર્ડબ્રેક વધારો
