News Continuous Bureau | Mumbai
Star Plus New Show । સ્ટાર પ્લસ (Star Plus) એકવાર ફરી પોતાના નવા ફિક્શન શોને લઈને ચર્ચામાં આવી ગયું છે. હાલમાં ચેનલ તરફથી આ પ્રોજેક્ટની કોઈ સત્તાવાર જાહેરાત (Official Announcement) કરવામાં આવી નથી, તેમ છતાં શોની સ્ટાર કાસ્ટને લઈને સોશિયલ મીડિયા અને ટીવી ઇન્ડસ્ટ્રીમાં અટકળો તેજ થઈ ગઈ છે. શોમાં મુખ્ય ભૂમિકા ભજવવા માટે ટેલિવિઝનની બે સૌથી લોકપ્રિય અને આઇકોનિક જોડીઓના નામ સામે આવી રહ્યા છે.
ફરી ધમાલ મચાવી શકે છે હર્ષદ ચોપડા અને જેનિફર વિંગેટની જોડી!
‘મીડિયા ના એક અહેવાલ અનુસાર, સ્ટાર પ્લસના આ આગામી શોમાં એકવાર ફરી હર્ષદ ચોપડા (Harshad Chopda) અને જેનિફર વિંગેટ (Jennifer Winget) ની જોડી જોવા મળી શકે છે. આ બંને કલાકારો અગાઉ સુપરહિટ ટીવી શો ‘બેપનાહ’ (Bepannah) માં સાથે કામ કરી ચૂક્યા છે. ઓન-સ્ક્રીન તેમની કેમિસ્ટ્રી અને દમદાર એક્ટિંગના લાખો ફેન્સ છે. જો મેકર્સ આ જોડીને ફાઇનલ કરશે તો ટીવીના પડદા પર મોટો ધમાકો થઈ શકે છે.
શ્વેતા તિવારી અને રોનિત રોયના નામ પર પણ વિચારણા
બીજી તરફ, ટીવી ઇન્ડસ્ટ્રીના સૌથી અનુભવી અને લોકપ્રિય ચહેરાઓ એવા શ્વેતા તિવારી (Shweta Tiwari) અને રોનિત રોય (Ronit Roy) ની જોડીને લઈને પણ ચર્ચાઓ જોરશોરથી ચાલી રહી છે. આ જોડીએ વર્ષો પહેલાં આઇકોનિક શો ‘કસોટી ઝિંદગી કી’ (Kasautii Zindagii Kay) માં ‘પ્રેરણા અને મિસ્ટર બજાજ’ તરીકે દર્શકોના દિલ જીત્યા હતા. લાંબા સમય પછી આ બંનેને ફરી એકસાથે સ્ક્રીન શેર કરતા જોવા માટે પણ ચાહકો ખૂબ જ ઉત્સુક છે.
મેકર્સ અને ચેનલનું સત્તાવાર મૌન
હવે જોવાનું એ રહેશે કે મેકર્સ આ બંનેમાંથી કઈ ધુરંધર જોડી પર પસંદગીનો કળશ ઢોળે છે. હાલ પૂરતું આ બાબતે ચેનલ કે શોના પ્રોડ્યુસર્સ તરફથી કોઈ સત્તાવાર નિવેદન બહાર આવ્યું નથી.
