News Continuous Bureau | Mumbai

Instagram Plus Launch। સોશિયલ મીડિયા માર્કેટમાં અને યુવાનોમાં ભારે ખળભળાટ મચાવતા મેટા કંપનીની માલિકીના લોકપ્રિય પ્લેટફોર્મ ઇન્સ્ટાગ્રામ દ્વારા સત્તાવાર રીતે ‘ઇન્સ્ટાગ્રામ પ્લસ’ (Instagram Plus) લોન્ચ કરી દેવામાં આવ્યું છે. શનિવાર, ૬ જૂન ૨૦૨૬ ના રોજ સામે આવેલા સત્તાવાર અહેવાલો અનુસાર, આ એક નવો પ્રીમિયમ પેઇડ સબસ્ક્રિપ્શન પ્લાન (Paid Subscription Plan) છે, જેના દ્વારા યુઝર્સને અત્યાર સુધીના સૌથી એડવાન્સ અને એક્સક્લુઝિવ ફીચર્સનો લાભ મળશે. આ સમાચાર સોશિયલ મીડિયા પર વાયરલ થતાં જ સામાન્ય યુઝર્સમાં ફફડાટ વ્યાપી ગયો હતો કે શું હવે ઇન્સ્ટાગ્રામ વાપરવા માટે ફરજિયાત પૈસા આપવા પડશે? જો કે, કંપનીએ આ મૂંઝવણ દૂર કરતા સ્પષ્ટ કર્યું છે કે જે લોકો મફત (Free) ઇન્સ્ટાગ્રામ વાપરે છે, તેમની એપ્લિકેશન અને ખાતાઓ પર આની કોઈ નકારાત્મક અસર નહીં થાય.

શું સામાન્ય યુઝર્સ માટે ઇન્સ્ટાગ્રામ બંધ થઈ જશે?

ઇન્સ્ટાગ્રામ પ્લસના વૈશ્વિક લોન્ચિંગ પછી સામાન્ય જનતામાં સૌથી મોટો પ્રશ્ન એ ઉભો થયો હતો કે શું હવે રીલ્સ અને મેસેજ જોવા માટે પણ ચાર્જ ચૂકવવો પડશે? કંપનીના મેનેજમેન્ટે સ્પષ્ટ કર્યું છે કે વર્તમાન સામાન્ય ઇન્સ્ટાગ્રામ પ્લેટફોર્મ પહેલાની જેમ જ સંપૂર્ણપણે ફ્રી રહેશે. યુઝર્સે સામાન્ય પોસ્ટ્સ, સ્ટોરીઝ, રીલ્સ (Reels), ડાયરેક્ટ મેસેજિંગ (DM) અને અન્ય કાયમી ફીચર્સ માટે કોઈ પણ પ્રકારનો આર્થિક ચાર્જ કે ફી આપવાની રહેશે નહીં. ઇન્સ્ટાગ્રામ પ્લસ એ માત્ર એક વૈકલ્પિક (Optional) પ્રીમિયમ સેવા છે. જે યુઝર્સને પોતાના એકાઉન્ટ પર વધુ કંટ્રોલ, સિક્યોરિટી અને વધારાના કસ્ટમાઇઝેશન ફીચર્સ જોઈએ છે, તેઓ જ આ પેઇડ સબસ્ક્રિપ્શન ખરીદી શકે છે. જે લોકોને પૈસા ખર્ચવા નથી તે પહેલાની જેમ જ આજીવન ફ્રી ઇન્સ્ટાગ્રામ માણી શકશે.

૨૪ ના બદલે ૪૮ કલાક સુધી લાઈવ રહેશે સ્ટોરી

આ નવા ‘ઇન્સ્ટાગ્રામ પ્લસ’ પ્લાનમાં યુઝર્સને સોશિયલ મીડિયાનો અનુભવ બદલી નાખે તેવા ઘણા ક્રેઝી પ્રીમિયમ ફીચર્સ આપવામાં આવ્યા છે. જેમાં મુખ્યત્વે ‘સ્ટોરી એક્સટેન્ડ’ (Story Extend) ફીચર સામેલ છે, જેના દ્વારા યુઝર્સની સ્ટોરી ૨૪ કલાકના બદલે ૪૮ કલાક સુધી લાઈવ રહેશે. આ ઉપરાંત ‘સ્ટોરી સ્પોટલાઇટ’ ફીચર દ્વારા તમારી સ્ટોરી મિત્રોના હોમ ફીડમાં સૌથી ટોચ પર (પ્રાધાન્ય) દેખાશે. આ પ્લાનમાં ‘સુપર હાર્ટ્સ’ (Super Hearts) નું ફીચર પણ છે, જેના દ્વારા મિત્રોની પોસ્ટ પર ખાસ એનિમેટેડ રિએક્શન મોકલી શકાશે. સૌથી આકર્ષક ફીચર ‘સ્ટોરી રિવૉચ ઇનસાઇટ્સ’ (Story Rewatch Insights) છે, જે તમને ચોક્કસ વિગત આપશે કે તમારી સ્ટોરી કયા ફોલોઅરે કેટલી વાર ફરી-ફરીને (Rewatch) જોઈ છે. આ સિવાય વ્યુઅર લિસ્ટમાં સર્ચ બાર અને સ્ટોરી પ્રીવ્યુ જોવાની સુવિધા પણ મળશે.

પ્રોફાઇલ લુક બદલાઈ જશે, ૩ ના બદલે ૬ પોસ્ટ પિન કરવાની મળશે સત્તાવાર મંજૂરી

ઇન્સ્ટાગ્રામ પ્લસમાં યુઝર્સના પ્રોફાઇલ કસ્ટમાઇઝેશન પર ખૂબ જ મોટું ધ્યાન આપવામાં આવ્યું છે. પેઇડ યુઝર્સ હવે મોબાઈલની હોમ સ્ક્રીન પર ઇન્સ્ટાગ્રામ એપ્લિકેશનનો આઇકોન (Custom App Icons) પોતાની મરજી મુજબ બદલી શકશે. આ સાથે જ પ્રોફાઇલ બાયો (Bio) ને આકર્ષક બનાવવા માટે અલગ-અલગ કસ્ટમ ફોન્ટ સ્ટાઈલ પણ ઉપલબ્ધ કરાવાશે. ટેકનિકલ દ્રષ્ટિએ બીજો મોટો ફેરફાર એ છે કે અત્યાર સુધી પ્રોફાઇલ ગ્રીડ પર માત્ર ૩ પોસ્ટ જ પિન (Pin) કરી શકાતી હતી, પરંતુ હવે પ્રીમિયમ યુઝર્સ પોતાની મુખ્ય ૬ પોસ્ટ્સ સુધી ટોપ પર પિન કરી શકશે. આ સિવાય ફોલોઅર્સના હોમ ફીડમાં બતાવ્યા વગર કોઈપણ ફોટો કે વીડિયો સીધો પ્રોફાઇલ અથવા હાઇલાઇટ્સમાં પોસ્ટ (Post Directly to Profile) કરવાનો ઓપ્શન અને બિઝનેસ ગ્રોથ માટે એડવાન્સ કન્ટેન્ટ ઇનસાઇટ્સ જેવા પાવરફુલ ટૂલ્સ આ પ્લાનનો મુખ્ય હિસ્સો છે.

👉 આ સમાચાર વાચો:
Mumbai Hawkers ID Card। મુંબઈના રાજકારણમાં મોટો ભૂકંપ! ફેરિયાઓના QR કોડ આઈડી કાર્ડ મુદ્દે ભાજપશિવસેના સામસામે; મહાયુતિમાં કેમ સર્જાયો આકરો વિવાદ?