News Continuous Bureau | Mumbai
Top 10 Serials TRP Report બ્રોડકાસ્ટ ઓડિયન્સ રિસર્ચ કાઉન્સિલ (BARC) દ્વારા આ અઠવાડિયાની ટીઆરપી (TRP) યાદી જાહેર કરવામાં આવી છે. આ અઠવાડિયાના અહેવાલમાં ટીવી સિરિયલોના રેટિંગમાં મોટો ઉલટફેર જોવા મળ્યો છે. એક સમયે ટીઆરપી ચાર્ટમાં સતત નંબર ૧ પર રાજ કરતો સ્ટાર પ્લસનો પ્રખ્યાત શો ‘અનુપમા’ આ વખતે ઘણો નીચે સરકી ગયો છે, જ્યારે કેટલાક અન્ય શોના નસીબ ચમક્યા છે.
Top 10 Serials TRP Report – જી ટીવીના શોઝનો દબદબો, ‘ગંગા મા કી બેટિયાં’ નંબર ૧ પર
આ અઠવાડિયાની યાદીમાં પણ જી ટીવી (Zee TV) ના શોઝે પોતાનું વર્ચસ્વ જાળવી રાખ્યું છે. ‘ગંગા મા કી બેટિયાં’ સિરિયલ ૧.૯ ના રેટિંગ સાથે સતત પહેલા સ્થાને યથાવત છે. બીજા નંબરે પણ જી ટીવીનો જ શો ‘વસુધા’ ૧.૮ રેટિંગ સાથે બીજા સ્થાને રહ્યો છે (જે ગયા અઠવાડિયે ૧.૯ હતો). જ્યારે ત્રીજા સ્થાને ૧.૮ રેટિંગ સાથે જી ટીવીનો જ લોકપ્રિય શો ‘તુમ સે તુમ તક’ પોતાનું સ્થાન ટકાવી રાખવામાં સફળ રહ્યો છે.
Top 10 Serials TRP Report – ‘નાગિન ૭’ ની લાંબી છલાંગ અને ‘અનુપમા’ ની પીછેહઠ
કલર્સ ટીવીના સુપરનેચરલ શો ‘નાગિન ૭’ ની કિસ્મત આ અઠવાડિયે ચમકી છે. આ શો ગયા અઠવાડિયે ૧૨મા સ્થાનેથી સીધો જ ચોથા સ્થાને આવી ગયો છે અને તેની ટીઆરપી ૧.૫ નોંધાઈ છે. પાંચમા નંબરે સ્ટાર પ્લસનો શો ‘ક્યોંકી સાસ ભી કભી બહૂ થી ૨’ ૧.૫ રેટિંગ સાથે યથાવત છે. સૌથી મોટો ઝટકો ‘અનુપમા’ (Anupamaa) શોને લાગ્યો છે, જે ૧.૪ ની ટીઆરપી સાથે સીધો છઠ્ઠા ક્રમે ધકેલાઈ ગયો છે. કલર્સનો રિયાલિટી શો ‘લાફ્ટર શેફ્સ અનલિમિટેડ’ પણ ૧૪મા સ્થાનેથી સીધો સાતમા નંબરે (૧.૪ રેટિંગ) પહોંચી ગયો છે.
Top 10 Serials TRP Report – ટોપ ૧૦ માં સામેલ અન્ય મુખ્ય શોઝની યાદી
ટીઆરપી ચાર્ટના ટોપ ૧૦ માં સ્થાન મેળવનારા અન્ય શોઝની વાત કરીએ તો, આઠમા નંબરે ‘જગદ્ધાત્રી’ ૧.૪ રેટિંગ સાથે યથાવત છે. સ્ટાર પ્લસના લોકપ્રિય અને લાંબા સમયથી ચાલતા શો ‘યે રિશ્તા ક્યા કહલાતા હે’ ને પણ નુકસાન થયું છે અને તે સાતમા સ્થાનેથી ઘટીને ૧.૩ રેટિંગ સાથે નવમા સ્થાને પહોંચી ગયો છે. જ્યારે દસમા સ્થાને સ્ટાર પ્લસની જ સિરિયલ ‘ઉડને કી આશા – સપનોં કા સફર’ ૧.૨ ની ટીઆરપી સાથે ટોપ ૧૦ ની યાદી પૂર્ણ કરે છે. આ અઠવાડિયે ‘તારક મહેતા કા ઉલ્ટા ચશ્મા’ શોને રેટિંગમાં મોટો આંચકો લાગ્યો છે.
👉 આ સમાચાર વાચો:
Welcome To The Jungle Cameo અક્ષય કુમારની ‘વેલકમ ટુ ધ જંગલ’માં આ સુપરસ્ટાર નો કેમિયો? કૃષ્ણા અભિષેકે સોશિયલ મીડિયા પર મચાવ્યો હડકંપ
