News Continuous Bureau | Mumbai
Akashdeep Saigal Kyunki 2 Exit Lock Upp 2 સ્ટાર પ્લસના આઇકોનિક શો ‘ક્યોંકિ સાસ ભી કભી બહૂ થી ૨’ ને લઈને એક ચોંકાવનારા સમાચાર સામે આવ્યા છે. શોમાં રિયોનું દમદાર પાત્ર ભજવનાર જાણીતા અભિનેતા આકાશદીપ સેહગલ હવે આ ડેઇલી સોપને અલવિદા કહેવા જઈ રહ્યા છે. જો કે, તેઓ એકતા કપૂરનો સાથ છોડી રહ્યા નથી, પરંતુ તેમના જ સૌથી ચર્ચિત અને વિવાદાસ્પદ રિયાલિટી શો ‘લોક અપ સીઝન ૨’ ના કેદી બનવાની તૈયારી કરી રહ્યા છે.
Akashdeep Saigal Kyunki 2 Exit Lock Upp 2 – ૧૦ વર્ષના લીપ બાદ રિયો અને પાર્થના પાત્રનો આવશે અંત
સૂત્રો પાસેથી મળતી માહિતી મુજબ, ‘ક્યોંકિ ૨’ ની વાર્તામાં ખૂબ જ ટૂંક સમયમાં ૧૦ વર્ષનો એક મોટો લીપ આવવાનો છે. આ લીપની સાથે જ મેકર્સ શોના બે સૌથી મહત્વના કિરોદારોની સફર હંમેશા માટે ખતમ કરવાના છે. વાર્તાને નવો વળાંક આપવા માટે રિયો અને પાર્થના પાત્રોને હંમેશા માટે સમાપ્ત કરી દેવામાં આવશે. લીપના તરત જ બાદ એક મોટા હાઈ-વોલ્ટેજ ડ્રામાની વચ્ચે આ બંને પાત્રોના મોતનો ટ્રેક બતાવવામાં આવશે, જેની સાથે જ બંને કલાકારોની શોમાંથી વિદાય થઈ જશે.
Akashdeep Saigal Kyunki 2 Exit Lock Upp 2 – ‘ક્યોંકિ ૨’ માંથી સીધા ‘લોક અપ ૨’ ની જેલમાં એન્ટ્રી
આ સમગ્ર મામલામાં સૌથી રસપ્રદ બાબત આકાશદીપ સેહગલનું આગામી પગલું છે. ‘ક્યોંકિ ૨’ માં તેમના મોતના ટ્રેકને તેમના નવા રિયાલિટી શો સાથે જોડીને જોવામાં આવી રહ્યો છે. ચર્ચા છે કે આકાશદીપ સીધા ‘લોક અપ સીઝન ૨’ માં સ્પર્ધક તરીકે જોવા મળી શકે છે અને આ માટે મેકર્સ સાથે તેમની વાતચીત અંતિમ તબક્કામાં છે. જો કે હજુ સુધી સત્તાવાર કરાર સાઇન થવાનો બાકી છે. ‘લોક અપ’ શો પણ એકતા કપૂરની કંપની બાલાજી ટેલિફિલ્મ્સ જ સંભાળે છે, તેથી મેકર્સ માટે આકાશદીપને એક શોમાંથી બીજા રિયાલિટી શોમાં શિફ્ટ કરવાનું આયોજન ચાલી રહ્યું છે.
Akashdeep Saigal Kyunki 2 Exit Lock Upp 2 – શોમાં થશે નવા ચહેરાઓની એન્ટ્રી
જો કે આ એક્ઝિટ અને મોતના ટ્રેકને લઈને હજુ સુધી મેકર્સ કે કલાકારો તરફથી કોઈ સત્તાવાર નિવેદન સામે આવ્યું નથી. પરંતુ એવું માનવામાં આવે છે કે આ બે મુખ્ય પાત્રોના મોત બાદ શોમાં કેટલાક નવા ચહેરાઓની એન્ટ્રી થશે અને બાકી બચેલા પાત્રો વચ્ચે એક અલગ જ જંગ શરૂ થઈ જશે. આ લીપ બાદ શોનો આખો ટ્રેક બદલાઈ જશે, જે દર્શકો માટે ભારે રોમાંચક સાબિત થઈ શકે છે.
👉 આ સમાચાર વાચો:
Shakti Shalini Leaked Video સોશિયલ મીડિયા પર ધમાકો ‘શક્તિ શાલિની’ના શૂટિંગ દરમિયાન કેમેરામાં કેદ થઈ અનીતવિશાલની રોમેન્ટિક કેમિસ્ટ્રી; વીડિયો વાયરલ
