News Continuous Bureau | Mumbai
BKC Metro Russell’s Viper મુંબઈમાં ચોમાસાના ધમાકેદાર પ્રારંભની સાથે જ નદીનાળા અને જળાશયોની આસપાસ રહેતા ઝેરી સરીસૃપો રહેણાંક અને જાહેર અવરજવરવાળા વિસ્તારોમાં ઘુસી આવવાની ઘટનાઓ ચિંતાજનક રીતે વધી રહી છે. મુંબઈના સૌથી મોટા અને વ્યસ્ત કોમર્શિયલ હબ ગણાતા બાંદ્રાકુર્લા કોમ્પ્લેક્સના (BKC) ભૂગર્ભ (અંડરગ્રાઉન્ડ) મેટ્રો૩ સ્ટેશનના બેઝમેન્ટમાંથી અત્યંત ઝેરી અને જીવલેણ ગણાતો આશરે ૨ થી ૨.૫ ફૂટ લાંબો ‘ઘોણસ’ (Russell’s Viper) સાપ મળી આવતાં મેટ્રો કર્મચારીઓ અને મુસાફરોમાં ભારે ગભરાટ અને ફફડાટ વ્યાપી ગયો હતો.
BKC Metro Russell’s Viper – મેટ્રો લાઇન ૩ ના ગેટ નંબર ૫-એ ના બેઝમેન્ટમાં કૂકડું વાળીને બેઠો હતો કાળ
મુંબઈ મેટ્રો રેલ કોર્પોરેશન (MMRC) તરફથી મળતી સત્તાવાર માહિતી અનુસાર, આ ચોંકાવનારી ઘટના અંડરગ્રાઉન્ડ મેટ્રો ૩ લાઇન પર આવેલા બીકેસી મેટ્રો સ્ટેશનના ગેટ નંબર ૫-એ ના બેઝમેન્ટ એરિયામાં બની હતી. વહેલી સવારે જ્યારે મેટ્રોના સિક્યુરિટી અને ટેકનિકલ કર્મચારીઓ પોતાની નિયમિત ડ્યુટી પર હાજર હતા, ત્યારે તેમનું ધ્યાન બેઝમેન્ટના અંધારા ખૂણામાં કૂકડું વાળીને બેઠેલા એક સાપ પર ગયું હતું. અતિશય ભીડભાડવાળા જાહેર પરિવહન મથકે ઝેરી સાપ હોવાની ખબર પડતાં જ તંત્ર હરકતમાં આવ્યું હતું અને મુસાફરોની સુરક્ષા માટે તે વિસ્તારને કોર્ડન કરી દેવાયો હતો.
BKC Metro Russell’s Viper – વાઇલ્ડ લાઇફ એસોસિએશન અને વન વિભાગે હાથ ધર્યું સંયુક્ત રેસ્ક્યુ ઓપરેશન
સ્ટેશન પ્રશાસને તાત્કાલિક ધોરણે ‘વાઇલ્ડ લાઇફ એનિમલ પ્રોટેક્શન એન્ડ રેસ્ક્યુ એસોસિએશન’ નામની વન્યજીવ સંસ્થા અને મુંબઈ વન વિભાગનો (Mumbai Forest Department) સંપર્ક સાધ્યો હતો. માહિતી મળતાની સાથે જ સંસ્થાના નિષ્ણાત સર્પમિત્રો અને ફોરેસ્ટ ગાર્ડ્સ ખાસ રેસ્ક્યુ કીટ સાથે મેટ્રો સ્ટેશન પર ધસી ગયા હતા. સર્પમિત્રોએ નજીક જઈને બારીકાઈથી તપાસ કરતાં જાણવા મળ્યું હતું કે આ સાપ ભારતની ચાર સૌથી વધુ ઝેરી અને ખતરનાક સાપની પ્રજાતિઓ પૈકીનો એક એવો રસલ્સ વાઇપર એટલે કે ‘ઘોણસ’ સાપ છે, જે કરડ્યાના ગણતરીના સમયમાં જ માણસનું મોત નીપજી શકે છે.
BKC Metro Russell’s Viper – ૨.૫ ફૂટ લાંબા સાપને પકડી કુદરતી આવાસમાં સુરક્ષિત છોડાયો
રેસ્ક્યુ ટીમે મુસાફરો અને સ્ટેશન પર તૈનાત સ્ટાફની સુરક્ષાને સર્વોચ્ચ અગ્રિમતા આપીને અત્યંત સાવચેતીપૂર્વક સ્પેશિયલ સ્નેક કેચિંગ સ્ટિકની મદદથી આશરે ૨ થી ૨.૫ ફૂટ લાંબા સાપને કોઈ પણ ઈજા પહોંચાડ્યા વિના સુરક્ષિત રીતે ડબ્બામાં પૂરી દીધો હતો. સાપ પકડાઈ જતાં મેટ્રો સત્તાધીશો અને મુસાફરોએ રાહતનો શ્વાસ લીધો હતો. વન વિભાગના નિયમો અનુસાર, આ સાપની તબીબી તપાસ કર્યા બાદ વન રક્ષકોની સીધી દેખરેખ હેઠળ મુંબઈ નજીકના સંજય ગાંધી નેશનલ પાર્કના સુરક્ષિત કુદરતી આવાસમાં (Natural Habitat) મુક્ત કરવામાં આવ્યો છે.
👉 આ સમાચાર વાચો:
Remedies for Mangal Dosha મંગળદોષને કારણે લગ્નમાં વિલંબ? આ ૫ અચૂક ઉપાયોથી દૂર થશે વિવાહના અવરોધો
