News Continuous Bureau | Mumbai
NATO Mega Defense Plan રશિયા, ચીન, ઉત્તર કોરિયા અને ઈરાનની વધતી મજબૂત ભાગીદારી સામે ટક્કર આપવા માટે નાટો (NATO) એ અત્યાર સુધીનો સૌથી મોટો સંરક્ષણ પ્લાન લોન્ચ કર્યો છે. વર્ષ ૨૦૨૬ ની અંકારા સમિટમાં જાહેર કરાયેલા આ પ્લાન અંતર્ગત જમીન, સમુદ્ર અને આકાશ ઉપરાંત હવે સ્પેસ (Space) અને સપ્લાય ચેઈન મોરચે પણ કિલ્લાબંધી મજબૂત કરવામાં આવશે. આ વ્યુહરચનાને ભવિષ્યના હાઇબ્રિડ યુદ્ધ (Hybrid Warfare) ની મોટી તૈયારી માનવામાં આવી રહી છે.
NATO Mega Defense Plan – ચીનના ‘રેયર અર્થ’ એકાધિકારને તોડવા નાટોની વિશેષ વ્યુહરચના
આધુનિક શસ્ત્રો, રડાર અને મિસાઈલ ગાઈડન્સ સિસ્ટમ બનાવવા માટે રેયર અર્થ એલિમેન્ટ્સ (Rare Earth Elements) અને ગેલિયમ જેવા મહત્વના ખનિજો અનિવાર્ય છે, જેના વૈશ્વિક સપ્લાયના ૯૦% હિસ્સા પર હાલ ચીનનો કબજો છે. ચીનના આ આર્થિક ચક્રવ્યૂહને તોડવા માટે નાટોએ ૧૨ સભ્ય દેશો સાથે મળીને ‘ડિફેન્સ ક્રિટિકલ રો મટીરિયલ્સ’ (Defense Critical Raw Materials) પહેલ શરૂ કરી છે. G7 દેશોએ પણ નક્કી કર્યું છે કે વર્ષ ૨૦૩૦ સુધીમાં આ ખનિજો માટે ચીન પરની નિર્ભરતા ઘટાડીને ૬૦% થી ઓછી અને ત્યારબાદ ૫૦% સુધી લાવવામાં આવશે.
NATO Mega Defense Plan – ડ્રોન ટેકનોલોજી માટે ૪૦ અબજ ડૉલરનું મોટું બજેટ અને મિસાઈલ શીલ્ડ
યુક્રેન અને મિડલ ઈસ્ટના યુદ્ધોથી પાઠ શીખીને નાટોએ ‘ડ્રોન એજ ઇનિશિયેટિવ’ (Drone Age Initiative) લોન્ચ કરી છે. આ પ્રોજેક્ટ હેઠળ આગામી ૫ વર્ષમાં ડ્રોન ટેકનોલોજી અને માનવરહિત વાહનો (UAVs) પાછળ ૪૦ અબજ ડૉલરનું ભારે રોકાણ કરવામાં આવશે. આ સાથે જ દુશ્મન દેશના ડ્રોનને તોડી પાડવા કાઉન્ટર-ડ્રોન સિસ્ટમ મજબૂત કરાશે. આ ઉપરાંત, ૮ નાટો દેશોએ સાથે મળીને હવાઈ સુરક્ષા અભેદ્ય બનાવવા માટે ‘ઇન્ટિગ્રેટેડ એર એન્ડ મિસાઇલ ડિફેન્સ’ (Integrated Air and Missile Defense) માં ૨૬.૩ અબજ ડૉલરના રોકાણની જાહેરાત કરી છે.
NATO Mega Defense Plan – સ્પેસમાં ‘HALO’ નેટવર્ક અને વર્ષ ૨૦૩૫ સુધીમાં ડિફેન્સ બજેટ વધારવાનો લક્ષ્ય
નાટોનું ફોકસ હવે માત્ર પૃથ્વી પૂરતું મર્યાદિત નથી પરંતુ અંતરિક્ષ સુધી પહોંચ્યું છે. ‘HALO’ (Hybrid Alliance Layered Operations in Space) પહેલ હેઠળ લશ્કરી સેટેલાઇટ્સનું એક મોટું નેટવર્ક તૈયાર કરવામાં આવી રહ્યું છે, જેથી સંચાર અને દેખરેખ વધુ સચોટ બની શકે. નાટોના સેક્રેટરી જનરલ (Secretary General) માર્ક રુટે જણાવ્યું કે રશિયા અને ચીનના છુપા પરમાણુ વિસ્તાર સામે લડવા સભ્ય દેશો આગામી ૨૦૩૫ સુધીમાં પોતાના જીડીપી (GDP) ના ૫% રકમ સંરક્ષણ પાછળ ખર્ચ કરશે. હથિયારોનું ઉત્પાદન રેકોર્ડ સ્તરે લઈ જવા માટે ‘નાટો એન્જિન’ (NATO Engine) નામનું નવું પ્રોડક્શન નેટવર્ક પણ શરૂ કરાયું છે.
👉 આ સમાચાર વાચો:
Matcha Tea Side Effects બધા માટે ફાયદાકારક નથી ‘માચા ટી’, આ લોકો ભૂલથી પણ ન પીવે નહીંતર થશે મોટું નુકસાન
