News Continuous Bureau | Mumbai
Maharashtra Rain Updates 2026 મહારાષ્ટ્રમાં વિતેલા ચારથી પાંચ દિવસના વિરામ બાદ હવે ફરી એકવાર ચોમાસું (Monsoon) સક્રિય થવા જઈ રહ્યું છે, જેને પગલે રાજ્યના અનેક વિસ્તારોમાં સવારથી જ વાદળછાયું વાતાવરણ જોવા મળી રહ્યું છે. ભારતીય હવામાન વિભાગ (IMD) ના જણાવ્યા અનુસાર, અરબી સમુદ્રમાં અફઘાનિસ્તાન તરફથી આવતા પવનોને કારણે ચોમાસાની પ્રગતિ અટકી પડી હતી, પરંતુ હવે ફરી વરસાદ માટે સાનુકૂળ વાતાવરણ સર્જાયું છે. આજે મધ્ય મહારાષ્ટ્ર, કોંકણ અને મરાઠવાડાના કેટલાક ભાગોમાં વીજળીના કડાકાભડાકા અને જોરદાર પવન સાથે મુસળધાર વરસાદ પડવાની સંભાવના છે.
Maharashtra Rain Updates 2026 – મુંબઈ, પુણે અને રાયગઢ સહિતના ૧૨ જિલ્લાઓમાં વિજળીના કડાકા સાથે વરસાદની આગાહી
હવામાન વિભાગના તાજા બુલેટિન અનુસાર, મહારાષ્ટ્રના રાયગઢ, પુણે, બીડ, ઠાણે, મુંબઈ (Mumbai), નંદુરબાર, ધુળે, જળગાંવ, સાતારાનો ઘાટ વિસ્તાર, પરભણી, નાંદેડ અને હિંગોલી જિલ્લામાં આગામી કલાકોમાં વાવાઝોડા અને ભારે વિજળીના કડાકા સાથે વરસાદ પડવાનો અંદાજ છે. જૂના અંતમાં અને જુલાઈના પ્રથમ સપ્તાહમાં સારો વરસાદ થયા બાદ ખેડૂતોએ વાવણીનું કામ પૂર્ણ કરી લીધું છે, પરંતુ હવે પાકને બચાવવા માટે મોટા વરસાદની આતુરતાપૂર્વક રાહ જોવાઈ રહી છે. હવામાન વિભાગના મતે ૨૦ જુલાઈ ૨૦૨૬ પછી સમગ્ર રાજ્યમાં ચોમાસું પૂર્ણપણે રૌદ્ર સ્વરૂપ ધારણ કરશે.
Maharashtra Rain Updates 2026 – પુણેમાં પાણી કાપનો નિર્ણય રદ, ખડકવાસલા ડેમમાં ૫૮% જળસંગ્રહ
વરસાદની આ ખેંચ વચ્ચે પુણેના (Pune) નાગરિકો માટે એક રાહતના સમાચાર આવ્યા છે. પુણે મહાનગરપાલિકા દ્વારા શહેરમાં લાગુ થનારો સંભવિત પાણી કાપ હાલ પૂરતો મુલતવી રાખવામાં આવ્યો છે. પાલિકા પ્રશાસન અગાઉ એક દિવસ છોડીને પાણી પુરવઠો આપવાનું વિચારી રહ્યું હતું, પરંતુ વિતેલા દિવસોમાં ખડકવાસલા ડેમની (Khadakwasla Dam) આસપાસના કેચમેન્ટ વિસ્તારમાં થયેલા સારા વરસાદને કારણે ડેમની સપાટીમાં નોંધપાત્ર વધારો થયો છે. હાલમાં ખડકવાસલા ડેમ સિરીઝમાં ૫૮ ટકા જેટલો પાણીનો સંગ્રહ થઈ ચૂક્યો હોવાથી શહેરીજનો પરથી જળ સંકટ ટળ્યું છે.
Maharashtra Rain Updates 2026 – અકોલા જિલ્લામાં વરસાદના અસમાન વિતરણથી પાક સુકાવા લાગ્યા, સ્પ્રિંકલરનો સહારો
બીજી તરફ, વિદર્ભના અકોલા (Akola) જિલ્લામાં ચોમાસાએ ફરી એકવાર લાંબો વિરામ લેતા સ્થાનિક ખેડૂતોની ચિંતામાં મોટો વધારો થયો છે. ચોમાસાની મુખ્ય સીઝન ચાલી રહી હોવા છતાં જિલ્લાના અનેક ભાગોમાં પૂરતો વરસાદ ન થવાને કારણે સોયાબીન અને કપાસ સહિતના ખરીફ પાકો સુકાવા લાગ્યા છે. પાકને બચાવવા માટે ખેડૂતોએ હવે મોંઘા ખર્ચે સ્પ્રિંકલર (Sprinkler – ફુવારા પદ્ધતિ) દ્વારા સિંચાઈ આપવાની ફરજ પડી રહી છે. સરકારી આંકડામાં ભલે વરસાદ સામાન્ય શ્રેણીમાં દેખાતો હોય, પરંતુ વરસાદનું અસમાન વિતરણ થવાના કારણે ખેતીવાડીને મોટું નુકસાન થવાની ભીતિ સેવાઈ રહી છે.
👉 આ સમાચાર વાચો:
US Iran War Updates 2026 ગમે ત્યારે ફાટી નીકળશે મહાયુદ્ધ? ઈરાન પર ટ્રમ્પની સૌથી મોટી આર્થિક સ્ટ્રાઈક, વૈશ્વિક સ્તરે હલચલ!
