News Continuous Bureau | Mumbai
India UK CETA Trade Agreement ભારત અને બ્રિટન વચ્ચેના આર્થિક તેમજ વ્યાપારિક સંબંધોમાં આજથી એક સુવર્ણ પ્રકરણની શરૂઆત થઈ છે. બંને દેશો વચ્ચેનો બહુપ્રતીક્ષિત વ્યાપક આર્થિક અને વ્યાપાર કરાર એટલે કે CETA (Comprehensive Economic and Trade Agreement) આજથી સત્તાવાર રીતે લાગુ થઈ ગયો છે. આ નવી વ્યવસ્થા હેઠળ ભારતીય નિકાસકારોને (Indian Exporters) બ્રિટિશ માર્કેટમાં મોટી રાહત મળશે, જ્યારે બ્રિટનથી આયાત થતી ઘણી પ્રીમિયમ ચીજવસ્તુઓ પર પણ આયાત શુલ્ક તબક્કાવાર ઘટાડવામાં આવશે. આ ડીલને છેલ્લા કેટલાક વર્ષોમાં ભારતની સૌથી મોટી રાજદ્વારી અને આર્થિક જીત માનવામાં આવી રહી છે.
India UK CETA Trade Agreement – વડાપ્રધાન નરેન્દ્ર મોદીના કાર્યકાળનો આ છઠ્ઠો મુક્ત વ્યાપાર કરાર (FTA)
વાણિજ્ય સચિવ રાજેશ અગ્રવાલના જણાવ્યા અનુસાર, વડાપ્રધાન નરેન્દ્ર મોદીના (PM Narendra Modi) નેતૃત્વમાં લાગુ થનારો આ છઠ્ઠો ફ્રી ટ્રેડ એગ્રીમેન્ટ (FTA) છે. આ પૂર્વે ભારત મોરિશિયસ, યુએઈ (UAE), ઓસ્ટ્રેલિયા, ઈએફટીએ (EFTA) અને ઓમાન સાથે સફળતાપૂર્વક આવા વ્યાપારિક કરારો અમલી બનાવી ચૂક્યું છે. આ સીઇટીએ (CETA) કરારથી ભારતના આશરે ૯૯ ટકા નિકાસ ઉત્પાદનોને બ્રિટિશ બજારમાં સંપૂર્ણપણે ડ્યુટી-ફ્રી એટલે કે શૂન્ય કસ્ટમ ડ્યુટી સાથે એન્ટ્રી મળશે, જેનાથી ભારતીય કાપડ, ફૂટવેર અને પ્રોસેસ્ડ ફૂડ ઉદ્યોગોની વૈશ્વિક સ્પર્ધાત્મકતામાં જબરદસ્ત વધારો થશે.
India UK CETA Trade Agreement – બ્રિટિશ કાર પરનો ૧૧૦% ટેક્સ ઘટીને ૧૦% થશે, સ્કોચ વ્હિસ્કી પણ સસ્તી થશે
આ ઐતિહાસિક કરાર હેઠળ ભારતે પ્રથમ વખત બ્રિટનમાં બનેલી સંપૂર્ણ તૈયાર કાર (CBU) અને ટ્રકો પર મોટી કસ્ટમ ડ્યુટી રાહત આપી છે. બ્રિટિશ લક્ઝરી કાર પરનો આયાત વેરો ૧૧૦ ટકાથી તબક્કાવાર ઘટાડીને માત્ર ૧૦ ટકા કરવામાં આવશે, જેના કારણે રોલ્સ રોયસ અને લેન્ડ રોવર જેવી પ્રીમિયમ કારો ભારતમાં ૧ થી ૩ કરોડ સુધી સસ્તી થઈ શકે છે. જો કે, ભારતીય ઈવી (EV) ઉદ્યોગના રક્ષણ માટે ઇલેક્ટ્રિક અને હાઇબ્રિડ કારોને છઠ્ઠા વર્ષથી આ છૂટછાટ મળશે. આ ઉપરાંત સ્કોચ વ્હિસ્કી પરની ૧૫૦ ટકા આયાત ડ્યુટી પણ પ્રથમ તબક્કામાં ઘટાડીને ૭૫ ટકા અને આગામી દસ વર્ષમાં ૪૦ ટકા કરી દેવામાં આવશે.
India UK CETA Trade Agreement – ભારતીય આઈટી (IT) કંપનીઓને સોશિયલ સિક્યોરિટી ટેક્સમાંથી મોટી મુક્તિ
સીઇટીએ કરાર હેઠળ ભારતીય આઈટી વ્યવસાયિકોને એક મોટી રાહત આપતા ‘ડબલ કોન્ટ્રીબ્યુશન કન્વેન્શન’ લાગુ કરાયું છે. આ અંતર્ગત ભારતીય કંપનીઓ દ્વારા બ્રિટન મોકલવામાં આવતા કર્મચારીઓએ શરૂઆતના ૫ વર્ષ સુધી બ્રિટનમાં સામાજિક સુરક્ષા (Social Security) ટેક્સ ચૂકવવો પડશે નહીં. આ કરારમાં કુલ ૩૦ પ્રકરણો સામેલ છે જે ડિજિટલ વ્યાપાર અને બૌદ્ધિક સંપદાના કાયદાઓને સરળ બનાવે છે. જો કે, ભારતે સફરજન, અખરોટ અને સોનાની ઈંટો જેવા સંવેદનશીલ ઉત્પાદનોને કસ્ટમ મુક્તિથી દૂર રાખ્યા છે, જ્યારે બ્રિટને પણ ચોખા અને ખાંડને આ યાદીની બહાર રાખ્યા છે.
👉 આ સમાચાર વાચો:
Sinhagad Fort Poster Controversy સિંહગઢ કિલ્લા પર વિવાદાસ્પદ પોસ્ટરથી ભારે બબાલ! મુસ્લિમોના પ્રવેશબંધીના લખાણથી પંથકમાં ભારે તણાવ, પોલીસ એલર્ટ!
