News Continuous Bureau | Mumbai
NEET Paper Leak Case દેશભરમાં ચર્ચાસ્પદ બનેલા NEETUG પેપર લીક (Paper Leak) અને પરીક્ષા માળખામાં સુધારાના મામલામાં સુપ્રીમ કોર્ટ (Supreme Court) દ્વારા કડક વલણ અપનાવવામાં આવ્યું છે. અદાલતે કેન્દ્ર સરકાર અને નેશનલ ટેસ્ટિંગ એજન્સી (NTA) ને પરીક્ષા પ્રક્રિયામાં પારદર્શિતા લાવવા અને ભવિષ્યમાં આવી ઘટનાઓ અટકાવવા માટે લેવાયેલા પગલાં અંગે વિસ્તૃત એફિડેવિટ (Affidavit) રજૂ કરવાનો આદેશ આપ્યો છે. કોર્ટે ભારપૂર્વક જણાવ્યું કે માત્ર કામચલાઉ અથવા તત્કાલિન (Adhoc) પગલાં પૂરતા નથી, પરંતુ કાયમી અને મજબૂત સંસ્થાકીય સુધારા અનિવાર્ય છે.
NEET Paper Leak Case – સુપ્રીમ કોર્ટની કડક નોંધ અને ‘એડ-હોકિઝમ’ પર પ્રહારો
સુનાવણી દરમિયાન જસ્ટિસ પી. એસ. નરસિમ્હા અને જસ્ટિસ આલોક અરાધેની બેન્ચે ટકોર કરી હતી કે પરીક્ષા સુરક્ષિત રાખવા માટે ભારતીય વાયુસેના (Indian Air Force) ની મદદ લેવી જેવા પગલાં માત્ર તાત્કાલિક વ્યવસ્થા હોઈ શકે, તે કાયમી ઉકેલ નથી. કોર્ટે સ્પષ્ટ શબ્દોમાં કહ્યું કે વર્ષોથી ચાલતી આવતી કામચલાઉ પદ્ધતિઓ હવે બંધ થવી જોઈએ અને NTA ની ક્ષમતા વધારવા માટે નક્કર આયોજન થવું જોઈએ.
NEET Paper Leak Case – એફિડેવિટમાં કયા મુખ્ય મુદ્દાઓ આવરી લેવા સૂચના?
સર્વોચ્ચ અદાલતે સોલિસિટર જનરલ તુષાર મહેતાને નિર્દેશ આપ્યો છે કે કેન્દ્ર સરકાર દ્વારા દાખલ કરવામાં આવનાર નવા એફિડેવિટમાં રાધાકૃષ્ણન સમીતિની ભલામણોની અમલવારી, ડિજિટલ ઇન્ફ્રાસ્ટ્રક્ચર (Digital Infrastructure), સુરક્ષા વ્યવસ્થા અને પ્રશ્નપત્રોની છાપાઈ તથા હેરફેર અંગેની માહિતી સ્પષ્ટ કરવી. આ ઉપરાંત કમ્પ્યુટર-બેઝ્ડ ટેસ્ટ (CBT) તરફ આગળ વધવાની યોજના અને તેના ડેટા સુરક્ષા સુરક્ષા કવચ વિશે પણ વિસ્તૃત વિગતો માંગવામાં આવી છે.
NEET Paper Leak Case – આખું વર્ષ દેખરેખ રાખશે સુપ્રીમ કોર્ટ
વિદ્યાર્થીઓના ભવિષ્ય સાથે જોડાયેલા આ સંવેદનશીલ મુદ્દે કોર્ટે ખાતરી આપી છે કે સંસ્થાકીય સુધારાઓ (Institutionalisation) ની પ્રક્રિયા યોગ્ય રીતે થાય છે કે નહીં તે જોવા માટે અદાલત આખું વર્ષ આ મામલા પર સતત નજર રાખશે. આ કેસની આગામી સુનાવણી ઓગસ્ટ મહિનાના પ્રથમ સપ્તાહમાં હાથ ધરવામાં આવશે, જે પરથી આગામી સમયમાં પરીક્ષા વ્યવસ્થામાં મોટા ફેરફારો જોવા મળી શકે છે.
👉 આ સમાચાર વાચો:
CJI Surya Kant Clarification વિદ્યાર્થીઓ પર પોલીસ કાર્યવાહીની સુનાવણી પર CJI સૂર્યકાંતનું નિવેદન, ‘કોર્ટમાં કોઈ ઔપચારિક રિટ અરજી દાખલ જ નહોતી થઈ’
