News Continuous Bureau | Mumbai
Flipkart Ordered to Pay Rs 1.8 Lakh દેશભરમાં ઓનલાઈન શોપિંગનું ચલણ વધવાની સાથે ઈકોમર્સ પ્લેટફોર્મની મનમાનીના કિસ્સાઓ પણ સામે આવતા રહે છે. મુંબઈમાં ઓનલાઈન શોપિંગ કરનારા ગ્રાહકો માટે એક મહત્વનો કાનૂની ચુકાદો આવ્યો છે. પવઈ (Powai) વિસ્તારમાં રહેતા એક ગ્રાહકે ફ્લિપકાર્ટ (Flipkart) પરથી મોંઘા ભાવનો આઈફોન મંગાવ્યો હતો, પરંતુ ડિલિવરીમાં સ્માર્ટફોનને બદલે દાઢી વધારવાનું તેલ નીકળ્યું હતું. કંપની દ્વારા ગ્રાહકની યોગ્ય સુનાવણી ન કરવાને કારણે મુંબઈ ગ્રાહક અદાલતે ફ્લિપકાર્ટ અને સેલરને વ્યાજ સાથે ૧.૮ લાખ રૂપિયાથી વધુની રકમ ચૂકવવાનો આદેશ આપ્યો છે.
Flipkart Ordered to Pay Rs 1.8 Lakh – આઈફોનને બદલે પાર્સલમાંથી નીકળ્યું તેલ અને પેકિંગ મટિરિયલ
પ્રાપ્ત વિગતો અનુસાર, પવઈના ગ્રાહકે ફ્લિપકાર્ટ પરથી ૧,૧૧,૭૯૩ રૂપિયા ખર્ચીને એપલ આઈફોન ૧૪ પ્રો (iPhone 14 Pro) નો ઓર્ડર કર્યો હતો. જ્યારે પાર્સલની ડિલિવરી મળી અને ગ્રાહકે બોક્સ ખોલ્યું ત્યારે તેને મોટો આંચકો લાગ્યો હતો, કારણ કે અંદર સ્માર્ટફોનને બદલે માત્ર ‘બિયર્ડ ગ્રોથ ઓઈલ’ (Beard Growth Oil) ની શીશી અને કચરો નીકળ્યો હતો. ગ્રાહકે તરત જ આ મા અંગે કંપનીનો સંપર્ક કર્યો હતો, પરંતુ કોઈ જ સંતોષકારક રિફંડ કે રિપ્લેસમેન્ટ આપવામાં આવ્યું નહોતું.
Flipkart Ordered to Pay Rs 1.8 Lakh – ફરિયાદનું નિરાકરણ લાવ્યા વગર જ સિસ્ટમમાં ‘Resolved’ બતાવી દીધું
કંપનીની ગ્રાહક સેવા પ્રત્યેની બેદરકારી અહીં અટકી નહીં, પરંતુ વારંવાર ફરિયાદો અને પુરાવા રજૂ કરવા છતાં ફ્લિપકાર્ટે ગ્રાહકની કોઈ જ મદદ કરી નહોતી. એટલું જ નહીં, કોઈપણ પ્રકારના ઉકેલ વિના જ કંપનીએ પોતાની સિસ્ટમમાં ગ્રાહકની ફરિયાદને આપમેળે “Resolved” (નિરાકરણ આવી ગયું છે) બતાવીને બંધ કરી દીધી હતી. કંટાળીને ગ્રાહકે ન્યાય માટે મુંબઈ ગ્રાહક પંચ (Consumer Court) ના દરવાજા ખખડાવ્યા હતા.
Flipkart Ordered to Pay Rs 1.8 Lakh – અદાલતે સેવામાં ગંભીર ખામી બદલ ફટકાર્યો દંડ
ગ્રાહક અદાલતે સમગ્ર મામલાની ગંભીરતાને ધ્યાનમાં રાખીને ઈ-કોમર્સ પ્લેટફોર્મ ફ્લિપકાર્ટ અને સંબંધિત સેલરને સેવામાં ગંભીર ખામી અને ગેરરીતિ બદલ કસૂરવાર ઠેરવ્યા છે. અદાલતે ફ્લિપકાર્ટ અને સેલરને સંયુક્ત રીતે ઓર્ડરની રકમ ૧,૧૧,૭૯૩ રૂપિયા વાર્ષિક ૯ ટકા વ્યાજ સાથે પરત કરવાનો, માનસિક ત્રાસ માટે ૫૦,૦૦૦ રૂપિયાનું વળતર અને વધારાના ૨૦,૦૦૦ રૂપિયા ખર્ચ પેટે ચૂકવવાનો કડક આદેશ આપ્યો છે.
👉 આ સમાચાર વાચો:
AC Coach Thief Arrested એસી કોચમાં ચોરી કરતો રીઢો ચોર પનવેલ રેલ્વે સ્ટેશનથી ઝડપાયો, ૨૬.૩૧ લાખ રૂપિયાનો મુદ્દામાલ જપ્ત
