News Continuous Bureau | Mumbai
MEMU Train Engine Derails Bhilad Station દક્ષિણ ગુજરાતના વલસાડ જિલ્લામાં એક મોટી રેલ દુર્ઘટના ટળી હોવાના સમાચાર સામે આવ્યા છે. ઉમરગામ તાલુકામાં આવેલા ભિલાડ રેલવે સ્ટેશન (Bhilad Railway Station) નજીક વિરારથી ભરૂચ તરફ જતી મેમુ (MEMU) ટ્રેનનું એન્જિન અચાનક પાટા પરથી નીચે ઊતરી ગયું (Derailment) હતું. આ ઘટનાને પગલે રેલવે તંત્રમાં ભારે દોડધામ મચી ગઈ હતી અને મુંબઈઅમદાવાદ રેલ વ્યવહાર પર અસર પડી હતી.
MEMU Train Engine Derails Bhilad Station – ભિલાડ સ્ટેશનના આઉટ સિગ્નલ પાસે બની ઘટના
મળતી માહિતી મુજબ, વિરાર-ભરૂચ મેમુ ટ્રેન જ્યારે ભિલાડ રેલવે સ્ટેશને પહોંચી અને આગળ વધી રહી હતી ત્યારે આઉટ સિગ્નલ પાસે ટ્રેનનું એન્જિન અચાનક ખડી પડ્યું હતું. એન્જિન પાટા પરથી ઊતરી જતાં જ જોરદાર આંચકો અનુભવાયો હતો, જેનાથી ટ્રેનમાં સવાર મુસાફરોમાં ગભરાટ અને અફરાતફરીનો માહોલ સર્જાયો હતો. જોકે, ટ્રેનની સ્પીડ ધીમી હોવાના કારણે મોટી હોનારત ટળી ગઈ હતી.
Virar Bharuch MEMU Train Engine Derails Bhilad Station Umargam – રેલવેના ઉચ્ચ અધિકારીઓ સ્થળ પર, ટ્રેન વ્યવહાર ખોરવાયો
ઘટનાની જાણ થતાં જ પશ્ચિમ રેલવેના ઉચ્ચ અધિકારીઓ, રેલવે પ્રોટેક્શન ફોર્સ (RPF) અને ટેકનિકલ ટીમ રાહત કાર્ય માટે ઘટનાસ્થળે પહોંચી ગઈ હતી. એન્જિન પાટા પરથી ઊતરી જવાથી મુંબઈ-અમદાવાદ તરફ જતી કેટલીક પેસેન્જર અને એક્સપ્રેસ ટ્રેનોને નજીકના સ્ટેશનો પર રોકી દેવામાં આવી હતી, જેના કારણે રેલ વાહનવ્યવહાર થોડા સમય માટે પ્રભાવિત થયો હતો.
MEMU Train Engine Derails Bhilad Station – રાહત કામગીરી હાથ ધરાઈ, તપાસના આદેશ
રેલવેની ટેકનિકલ ટીમ દ્વારા હાઇડ્રોલિક ક્રેનની મદદથી પાટા પરથી ઊતરી ગયેલા એન્જિનને ફરીથી ટ્રૅક પર લાવવાની કામગીરી હાથ ધરવામાં આવી હતી. સદનસીબે આ અકસ્માતમાં કોઈ પણ મુસાફરને ઈજા કે જાનહાની થઈ નથી, જેથી તંત્રે રાહતનો શ્વાસ લીધો છે. ટ્રેનનું એન્જિન કયા કારણોસર પાટા પરથી ઊતરી ગયું તે અંગે રેલવે પ્રશાસને ટેકનિકલ તપાસના આદેશ આપ્યા છે.
👉 આ સમાચાર વાચો:
Bihar Assam FIR Withdrawal Update મોદી સરકાર ફરી ઝૂકી, કોકરોચ જનતા પાર્ટીના આંદોલનના એલાન બાદ FIR પર યુ ટર્ન
