News Continuous Bureau | Mumbai
Mumbai AI Trading Scam શેરબજારમાં આર્ટિફિશિયલ ઇન્ટેલિજન્સ (AI) આધારિત ટ્રેડિંગ દ્વારા ઊંચા વળતરની લાલચ આપીને ખાનગી કંપનીના નિવૃત્ત મહિલા સિનિયર વાઇસ પ્રેસિડેન્ટ પાસેથી ₹૩૧.૫૦ લાખ પડાવી લેવાના હાઈપ્રોફાઈલ સાયબર ફ્રોડ કેસમાં મુંબઈ પોલીસના સાયબર સેલે (Mumbai Cyber Cell) મોટી સફળતા મેળવી છે. પોલીસે તપાસનો વ્યાપ વધારીને કુર્લા વિસ્તારમાંથી ટોળકીના ચોથા સાગરિતની ધરપકડ કરી છે.
Mumbai AI Trading Scam – બોગસ વોટ્સએપ ગ્રૂપ અને નફાના ફેક સ્ક્રીનશોટ્સ બતાવી વિશ્વાસ કેળવ્યો
મળતી સત્તાવાર વિગતો અનુસાર, સાયબર ગઠિયાઓએ અજાણ્યા નંબર પરથી મેસેજ મોકલીને મહિલા અધિકારીનો સંપર્ક સાધ્યો હતો. ત્યારબાદ તેમને એક નકલી વોટ્સએપ ગ્રૂપમાં (Fake WhatsApp Group) એડ કરવામાં આવ્યા હતા, જ્યાં અન્ય સભ્યોના નામે મોટા નફાના બોગસ સ્ક્રીનશોટ્સ શેર કરવામાં આવતા હતા. મહિલાને AI ટ્રેડિંગ અલ્ગોરિધમથી ગેરંટીડ નફો થવાનો વિશ્વાસ અપાવીને તબક્કાવાર વિવિધ બેંક ખાતાઓમાં ₹૩૧.૫૦ લાખ ટ્રાન્સફર કરાવી લીધા હતા.
Mumbai AI Trading Scam – સાયબર સેલની ટેકનિકલ તપાસમાં બદલાપુર, બોરીવલી અને મલાડમાંથી ત્રણ ઝડપાયા હતા
છેતરપિંડીની જાણ થતાં જ મહિલાએ સાયબર પોલીસ સ્ટેશનમાં ફરિયાદ નોંધાવી હતી. પોલીસે ટેકનિકલ સર્વેલન્સ, આઈપી એડ્રેસ અને ડિજિટલ ફૂટપ્રિન્ટ્સના આધારે સઘન તપાસ હાથ ધરીને અગાઉ બદલાપુર, બોરીવલી અને મલાડ વિસ્તારમાંથી ત્રણ મુખ્ય આરોપીઓને દબોચી લીધા હતા. તેમની કડક પૂછપરછમાં મળેલી કડીઓના આધારે કુર્લા ખાતે છાપો મારીને ચોથા આરોપીની ધરપકડ કરવામાં આવી હતી.
Mumbai AI Trading Scam – સાયબર માફિયાઓને ડમી અને મ્યુલ બેંક એકાઉન્ટ પૂરા પાડતી હતી ગેંગ
પોલીસ તપાસમાં ચોંકાવનારો ખુલાસો થયો છે કે આ ટોળકી સાયબર ક્રિમિનલ્સ માટે વિવિધ બેંકોમાં ડમી અને બનાવટી (Mule Bank Accounts) ખાતાઓ ખોલાવીને કમિશન પર પૂરા પાડતી હતી. છેતરપિંડીની રકમ આ ખાતાઓમાં જમા કરાવીને તાત્કાલિક રોકડમાં ઉપાડી લેવાતી હતી. પોલીસે સામાન્ય નાગરિકોને અજાણ્યા ગ્રૂપ્સમાં શેરબજારની ટિપ્સ કે એઆઈ ટ્રેડિંગના નામે નાણાંનું રોકાણ ન કરવા સાવચેત કર્યા છે.
👉 આ સમાચાર વાચો:
MTNL Cable Theft કાંદિવલીમાં MTNL ના અંડરગ્રાઉન્ડ કેબલ ચોરતી ગેંગ ઝડપાઈ, સમતા નગર પોલીસે ૧૩ આરોપીઓની કરી ધરપકડ
