News Continuous Bureau | Mumbai
Central Railway 15 Car Local સેન્ટ્રલ રેલવે (Central Railway)એ મુંબઈની મેઈન લાઈન પર ૧૫ ઓગસ્ટથી વધારાની ૨૨ લોકલ સર્વિસને ૧૨ ડબ્બાથી ૧૫ ડબ્બાની બનાવવાનો નિર્ણય લીધો છે. આથી કુલ ૧૫ ડબ્બાની લોકલની સંખ્યા ૫૪ થઈ જશે અને પ્રવાસીઓને ભીડમાંથી રાહત મળશે.
Central Railway 15 Car Local – ૧૫ ઓગસ્ટથી અમલમાં આવશે નવી વ્યવસ્થા
મુંબઈના પ્રવાસીઓ માટે સારા સમાચાર છે. સેન્ટ્રલ રેલવેએ સ્વતંત્રતા દિવસથી મેઈન લાઈન પર ૨૨ વધુ સબર્બન સર્વિસને ૧૨ ડબ્બાથી ૧૫ ડબ્બાની (15-car) બનાવવાનું નક્કી કર્યું છે. આ નિર્ણયથી ૧૫ ડબ્બાની લોકલની કુલ સંખ્યા ૩૨થી વધીને ૫૪ થઈ જશે. દરેક અપગ્રેડેડ સર્વિસની પ્રવાસી ક્ષમતા આશરે ૨૫ ટકા વધશે. આ ફેરફાર ખાસ કરીને અંબરનાથ, બદલાપુર, કરજત અને ખોપોલી જેવા વિસ્તારોના પ્રવાસીઓને ફાયદો પહોંચાડશે.
Central Railway 15 Car Local – પીક આવર્સમાં પણ વધારો
અપગ્રેડ થનારી ૨૨ સર્વિસમાંથી અમુક સવાર અને સાંજના પીક આવર્સ (Peak Hours)માં ચાલશે. ડાઉન દિશામાં દાદર-ખોપોલી, સીએસએમટી-કરજત, કરજત-ખોપોલી સહિતની સર્વિસ ૧૫ ડબ્બાની બનશે. અપ દિશામાં પણ અંબરનાથ-સીએસએમટી, ખોપોલી-કરજત અને અન્ય સર્વિસનો સમાવેશ થાય છે. કેટલીક લેટ-નાઈટ સર્વિસને સ્લોમાંથી ફાસ્ટ બનાવવામાં આવશે અને કેટલીકનું અંતિમ સ્ટેશન દાદર કરવામાં આવશે.
Central Railway 15 Car Local – પ્રવાસીઓને મળશે રાહત
સેન્ટ્રલ રેલવેના જણાવ્યા અનુસાર કુલ સબર્બન સર્વિસની સંખ્યા ૧,૮૨૦ જ રહેશે, પરંતુ હાલની સર્વિસમાં ડબ્બા વધારીને ક્ષમતા વધારવામાં આવી છે. ૧૫ ડબ્બાની લોકલ પહેલીવાર ૨૦૧૨માં શરૂ થઈ હતી અને ધીમે-ધીમે તેની સંખ્યા વધારવામાં આવી રહી છે. આ પગલાથી મેઈન લાઈન પરની ભીડ ઘટાડવામાં મદદ મળશે અને પ્રવાસીઓને વધુ આરામદાયક મુસાફરીનો અનુભવ થશે.
👉 આ સમાચાર વાચો:
Maharashtra Politics મહારાષ્ટ્રમાં મોટો રાજકીય ઉલટફેર અમરાવતીમાં કોંગ્રેસને મોટો ઝટકો ૧૯ કોર્પોરેટરોએ કર્યો એકનાથ શિંદેની શિવસેનામાં પ્રવેશ
