News Continuous Bureau | Mumbai
Russia India Promise વૈશ્વિક ભૌગોલિકરાજકીય તણાવ અને પશ્ચિમી દેશોના દબાણ વચ્ચે રશિયાએ (Russia) ફરી એકવાર ભારતનો સાચો અને વિશ્વાસપાત્ર સાથી હોવાનો પુરાવો આપ્યો છે. રશિયાના રાષ્ટ્રપતિ વ્લાદિમીર પુતિને (Vladimir Putin) નવી દિલ્હીને ખાતરી આપી છે કે મુશ્કેલ સમયમાં પણ ભારતને અવિરત કાચું તેલ (Crude Oil), ગેસ અને રાસાયણિક ખાતરનો (Fertiliser) પુરવઠો કોઈપણ અવરોધ વગર પૂરો પાડવામાં આવશે. મોસ્કોમાં ભારતીય વિદેશ મંત્રી એસ. જયશંકર (S. Jaishankar) સાથેની ઉચ્ચ સ્તરીય મુલાકાત દરમિયાન પુતિને આ મહત્વનું નિવેદન આપ્યું હતું.
Russia India Promise -ભારતીય કૃષિ ક્ષેત્ર અને ખેડૂતો માટે ખાતરની નિકાસ વધારવાની તૈયારી
રશિયન રાષ્ટ્રપતિ વ્લાદિમીર પુતિને સ્પષ્ટ કર્યું કે રશિયા માત્ર ઊર્જા ક્ષેત્રે જ નહીં પરંતુ ભારતના કૃષિ ક્ષેત્ર માટે પણ મોટો ટેકો બનવા તૈયાર છે. તેમણે જણાવ્યું હતું કે, “અમે ભારતીય ખેડૂતોની જરૂરિયાતો પૂરી કરવા માટે દરેક સંભવ પ્રયાસ કરી રહ્યા છીએ. ભારત માટે ખાતરની સપ્લાય વધારવામાં આવી રહી છે અને ભવિષ્યમાં પણ તેને વધારવા માટે અમે તૈયાર છીએ.” ઉલ્લેખનીય છે કે ભારતમાં ખેતી માટે રશિયા સૌથી મોટો ફર્ટિલાઇઝર સપ્લાયર દેશ બનીને ઉભર્યો છે.
Russia India Promise – પશ્ચિમી પ્રતિબંધો વચ્ચે એનર્જી સિક્યોરિટીની ખાતરી
વૈશ્વિક ઊર્જા બજારમાં ચાલી રહેલી અસ્થિરતા અને ક્રૂડ ઓઇલના સંકટ વચ્ચે રશિયાએ ભારતના વધતા અર્થતંત્ર માટે અવિરત ઇંધણ સપ્લાય (Uninterrupted Fuel Supply) ચાલુ રાખવાની પ્રતિબદ્ધતા દર્શાવી છે. અમેરિકા અને યુરોપિયન દેશોના વિવિધ નિયંત્રણો છતાં ભારત પોતાની ઊર્જા સુરક્ષા માટે રશિયા પાસેથી રાહત દરે તેલ ખરીદી રહ્યું છે. પુતિને જણાવ્યું કે બંને દેશો વચ્ચેનો દ્વિપક્ષીય વેપાર સતત વધી રહ્યો છે અને ૨૦૩૦ સુધીમાં ૧૦૦ અબજ ડૉલરના ટાર્ગેટ તરફ આગળ વધી રહ્યો છે.
Russia India Promise – વ્યૂહાત્મક ભાગીદારી અને આગામી વૈશ્વિક સમિટ પર નજર
આ બેઠક દરમિયાન ન્યુક્લિયર એનર્જી, હાઇ-ટેક સેક્ટર અને લોજિસ્ટિક્સ ક્ષેત્રે સહયોગ વધારવા અંગે પણ સકારાત્મક ચર્ચા થઈ હતી. વિદેશ મંત્રી એસ. જયશંકરે વડાપ્રધાન નરેન્દ્ર મોદીનો વિશેષ સંદેશો પુતિન સુધી પહોંચાડ્યો હતો. આગામી દિવસોમાં એસસીઓ (SCO) અને બ્રિક્સ (BRICS) સમિટ દરમિયાન પીએમ મોદી અને પુતિનની સંભવિત બેઠક અંગે પણ આશાવાદ વ્યક્ત કરવામાં આવ્યો છે, જે ભારત-રશિયા વચ્ચેના સંબંધોને નવી ઊંચાઈએ લઈ જશે.
👉 આ સમાચાર વાચો:
Mumbai Auto Driver Attacked ભાષા વિવાદ કે જૂની અદાવત? મુંબઈમાં મરાઠી બોલતા ઓટો રિક્ષા ચાલક પર હુમલો, પોલીસે ગણતરીના કલાકોમાં આરોપીઓની કરી ધરપકડ
