News Continuous Bureau | Mumbai
Saudi Aramco Houthi Attack પશ્ચિમ એશિયામાં ફરી એકવાર યુદ્ધના ભણકારા વાગ્યા છે. યમનના ઈરાન સમર્થિત હૂતી વિદ્રોહીઓએ સાઉદી અરેબિયાના દક્ષિણી ક્ષેત્ર પર બેલેસ્ટિક મિસાઇલો અને વિસ્ફોટક ડ્રોન વડે ભીષણ શ્રેણીબદ્ધ હુમલા કર્યા છે. આ ભયાનક હુમલામાં સાઉદીની સરકારી તેલ કંપની ‘સાઉદી અરામકો’ (Saudi Aramco) ના પ્લાન્ટ્સ સહિત અનેક આર્થિક અને નાગરિક ઠેકાણાઓને નિશાન બનાવવામાં આવ્યા છે, જેના પગલે તેલ રિફાઇનરી પરિસરમાં વિકરાળ આગ ફાટી નીકળી હતી. સાઉદી ગઠબંધન સેનાના સત્તાવાર નિવેદન અનુસાર, આ હુમલાઓમાં મહિલાઓ અને બાળકો સહિત ઓછામાં ઓછા ૭૩ લોકો ગંભીર રીતે ઘાયલ થયા છે.
Embed https//x.com/Barong369/status/2097269268400267608/video/2
Saudi Aramco Houthi Attack – જાઝાન, અબહા અને નજરાન સહિતના શહેરો પર હુમલાનો મારો
સાઉદી અરેબિયાની સૈન્ય ગઠબંધન ટીમના પ્રવક્તા કર્નલ તુર્કી અલ-મલ્કીએ પુષ્ટિ કરી છે કે હૂતી વિદ્રોહીઓએ દક્ષિણી શહેરો અબહા, ખામીસ મુશૈત, જાઝાન અને નજરાનમાં રહેણાંક અને આર્થિક ઇન્ફ્રાસ્ટ્રક્ચર પર હુમલો કર્યો હતો. આ દરમિયાન અબહા ઇન્ટરનેશનલ એરપોર્ટ અને એરબેઝની સાથે સાથે જાઝાન સ્થિત અરામકો ઓઇલ રિફાઇનરી સંકુલમાં મિસાઇલના ટુકડા પડવાથી ભારે વિસ્ફોટો થયા હતા અને આકાશમાં ધુમાડાના ગોટેગોટા જોવા મળ્યા હતા. સાઉદી ઉર્જા મંત્રાલયના જણાવ્યા અનુસાર, પરિસ્થિતિને કાબૂમાં લેવા માટે ફાયર ફાઇટિંગ ટીમો તૈનાત કરવામાં આવી છે અને કેટલાક પ્લાન્ટ્સમાં કામકાજ અસ્થાયી ધોરણે અટકાવવામાં આવ્યું છે.
Saudi Aramco Houthi Attack – વૈશ્વિક ક્રૂડ ઓઇલ માર્કેટમાં ઉછાળો અને સપ્લાયની ચિંતા
વિશ્વના સૌથી મોટા ક્રૂડ ઓઇલ નિકાસકાર સાઉદી અરેબિયાના તેલ મથકો પર હુમલો થતાં જ આંતરરાષ્ટ્રીય બજારમાં ક્રૂડના ભાવમાં તીવ્ર ઉછાળો જોવા મળ્યો છે. બ્રેન્ટ ક્રૂડના ભાવ પ્રતિ બેરલ ૧ થી ૨ ડોલર સુધી વધી ગયા છે. ભારત જેવા દેશો જે સાઉદી અરેબિયા પાસેથી મોટી માત્રામાં તેલની આયાત કરે છે તેમના માટે લાલ સમુદ્ર અને પર્સિયન ગલ્ફ ક્ષેત્રમાં વધતો તણાવ ચિંતાનો વિષય બન્યો છે. હૂતીઓએ લાલ સમુદ્રમાં સાઉદી વહાણોની અવરજવર રોકવાની પણ ધમકી આપી છે, જેથી ગ્લોબલ એનર્જી સપ્લાય ચેઇન ફરી ખોરવાઈ જવાની આશંકા સેવાઈ રહી છે.
Saudi Aramco Houthi Attack – સાઉદી ગઠબંધન સેનાએ આપી કડક સૈન્ય કાર્યવાહીની ચેતવણી
આ હુમલાને સાઉદી અરેબિયાના સાર્વભૌમત્વનું ઘોર ઉલ્લંઘન ગણાવતાં સાઉદી સંરક્ષણ મંત્રાલયે સ્પષ્ટ કર્યું છે કે દેશ પોતાના નાગરિકો અને રાષ્ટ્રીય સંપત્તિનું રક્ષણ કરવા માટે તમામ જરૂરી પગલાં ભરશે. ગઠબંધન સેનાએ આતંકવાદી હૂતી સંગઠનના લોન્ચપેડ્સ અને મિસાઇલ બેઝ પર નિર્ણાયક હવાઈ હુમલા કરવાની ચેતવણી આપી છે. બીજી તરફ, હૂતી લશ્કરી પ્રવક્તા યાહ્યા સારીએ દાવો કર્યો હતો કે સાઉદી સેના દ્વારા યમનમાં તાજેતરમાં કરાયેલી એરસ્ટ્રાઇકના બદલા તરીકે આ વ્યાપક ઓપરેશન ચલાવવામાં આવ્યું છે. બંને પક્ષો વચ્ચે ફરી ભડકેલી આ હિંસા મધ્ય પૂર્વમાં સંપૂર્ણ યુદ્ધની સ્થિતિ સર્જી શકે છે.
👉 આ સમાચાર વાચો:
Nitesh Rane Meets Sharad Pawar કટ્ટર વિરોધી અચાનક ‘સિલ્વર ઓક’ કેમ પહોંચ્યા? શરદ પવાર અને નિતેશ રાણે વચ્ચે બંધબારણે મુલાકાત, રાજકીય અટકળો તેજ
