News Continuous Bureau | Mumbai
Father Throws 9MonthOld Son Off Ghatkopar Skywalk મુંબઈના પૂર્વીય ઉપનગર ઘાટકોપર રેલવે સ્ટેશન પરિસરમાં એક અત્યંત અમાનવીય અને કાળજું કંપાવી દેતી ઘટના સામે આવી છે. પત્ની સાથે થયેલી ઉગ્ર બોલાચાલી અને ઝઘડા બાદ આવેશમાં આવીને ૨૩ વર્ષીય પિતાએ પોતાના જ નવ મહિનાના માસૂમ દીકરાને સ્કાયવૉક પરથી સીધો નીચે જમીન પર ફેંકી દીધો હતો. ઊંચાઈ પરથી નીચે પટકાયેલા માસૂમ બાળકને ગંભીર ઈજાઓ પહોંચતાં હાલ સાયન હોસ્પિટલના આઈસીયુમાં તેની સ્થિતિ અત્યંત નાજુક હોવાનું જાણવા મળ્યું છે. આ હૃદયદ્રાવક ઘટનાને પગલે સમગ્ર વિસ્તારમાં ભારે અરેરાટી અને રોષનો માહોલ વ્યાપી ગયો છે.
Father Throws 9-Month-Old Son Off Ghatkopar Skywalk – નશાની લત અને ઘરકંકાસ વચ્ચે સ્કાયવૉક પર સર્જાયો ખૂની ખેલ
પોલીસ પાસેથી મળતી વિગતો અનુસાર, ઘાટકોપર પશ્ચિમના સર્વોદય નગરમાં રહેતા આ દંપતીના લગ્ન બે વર્ષ પૂર્વે થયા હતા. કપડાં વેચવાનો ધંધો કરતો ૨૩ વર્ષીય પતિ દારૂ અને નશાની લતે ચડી ગયો હોવાથી ઘરમાં નિયમિતપણે તકરાર અને ઘરેલુ હિંસા થતી હતી. ઘટનાના દિવસે ૨૨ વર્ષીય માતા પોતાના ૯ મહિનાના બાળકના રક્ષણ માટે ઘર છોડીને ઘાટકોપર પૂર્વના સ્કાયવૉક તરફ જઈ રહી હતી. તે દરમિયાન નશાખોર પતિ પીછો કરતાં ત્યાં પહોંચ્યો હતો અને જાહેરમાં પત્ની સાથે ફરી ઉગ્ર બોલાચાલી શરૂ કરી દીધી હતી.
Father Throws 9-Month-Old Son Off Ghatkopar Skywalk – માતા પાસેથી બાળક છીનવી ઊંચાઈ પરથી નિર્દયતાપૂર્વક નીચે પટક્યું
પ્રત્યક્ષદર્શીઓના જણાવ્યા મુજબ, ઉશ્કેરાયેલો પિતા માતાના ખોળામાંથી માસૂમ બાળકને બળજબરીપૂર્વક છીનવવાનો પ્રયાસ કરી રહ્યો હતો. માતાએ પોતાના બાળકના બચાવ માટે ઉગ્ર પ્રતિકાર કરતાં ગુસ્સામાં પાગલ બનેલા પિતાએ માનવતાની તમામ હદો વટાવી દીધી હતી અને માસૂમ બાળકને પકડીને સ્કાયવૉકની રેલિંગ પરથી સીધું નીચે રોડ પર ફેંકી દીધું હતું. આ ભયાનક દ્રશ્ય જોઈને સ્કાયવૉક પર હાજર મુસાફરો અને રાહદારીઓ સ્તબ્ધ થઈ ગયા હતા અને ચારે તરફ ચીસાચીસ મચી ગઈ હતી.
Father Throws 9-Month-Old Son Off Ghatkopar Skywalk – બાળકની હાલત નાજુક, પોલીસે ગણતરીના કલાકોમાં આરોપીને ઝડપ્યો
લોહીલુહાણ હાલતમાં પડેલા માસૂમ બાળકને સ્થાનિક લોકો અને રાહદારીઓની મદદથી તાત્કાલિક રાજાવાડી હોસ્પિટલમાં ખસેડવામાં આવ્યો હતો. જોકે, માથા તેમજ શરીરના અન્ય ભાગોમાં ગંભીર આંતરિક ઈજાઓ હોવાના કારણે બાળકની સ્થિતિ નાજુક જણાતાં તેને વધુ સારવાર માટે સાયન હોસ્પિટલના ICU વોર્ડમાં શિફ્ટ કરવામાં આવ્યો છે. બીજી તરફ, ઘટનાની ગંભીરતાને ધ્યાને લઈને ઘાટકોપર પોલીસે માતાની ફરિયાદના આધારે નિર્દય પિતા વિરુદ્ધ ભારતીય ન્યાય સંહિતા (BNS) ની કલમ હેઠળ હત્યાના પ્રયાસ (Attempt to Murder) નો ગુનો નોંધીને ગણતરીના કલાકોમાં જ આરોપીની ધરપકડ કરી લીધી છે.
👉 આ સમાચાર વાચો:
Thane Railway Ticket Checking Drive થાણે રેલવે સ્ટેશન પર રેલવેની મેગા ટિકિટ ચેકિંગ ડ્રાઈવ ૬૫૭ વગર ટિકિટના પ્રવાસીઓ ઝડપાયા, ₹૩.૭૯ લાખથી વધુનો દંડ વસૂલાયો
