News Continuous Bureau | Mumbai
China Naval Strength ચીન દ્વારા સમુદ્રમાં પોતાની લશ્કરી તાકાત અને યુદ્ધ જહાજોની સંખ્યામાં ભારે વધારો કરવામાં આવ્યો છે, જેણે વૈશ્વિક સ્તરે સુરક્ષા ચિંતાઓ ઊભી કરી છે.
China Naval Strength – ચીનની વધતી દરિયાઈ તાકાત અને અમેરિકાની ચિંતાઓમાં વધારો
ચીન છેલ્લા કેટલાક દિવસોથી સમુદ્રમાં પોતાની સૈન્ય તાકાત મોટા પાયે વધારી રહ્યું છે. એશિયાના દરિયાઈ માર્ગો પર દરરોજ અંદાજે ૧૦૦ ચીની નૌકાદળની નાની-મોટી બોટ અને જહાજો સક્રિય રહે છે. ચીનની આ વધતી દરિયાઈ તાકાત અમેરિકા માટે મોટી મુશ્કેલી બની ગઈ છે અને યુએસ સૈન્ય નિષ્ણાતોએ આ અંગે ગંભીર ચિંતા વ્યક્ત કરી છે. મિડિયા રિપોર્ટ અનુસાર, ચીન પાસે હાલ ૪૦0 થી વધુ યુદ્ધ જહાજો અને સબમરીન છે અને તે જહાજ નિર્માણના ક્ષેત્રમાં અમેરિકા કરતા પણ ૩૫ ટકા આગળ નીકળી ગયું છે, કારણ કે ચીન આજે વિશ્વનો સૌથી મોટો જહાજ બનાવનાર દેશ બની ગયો છે.
China Naval Strength – દક્ષિણ ચીન સમુદ્ર, તાઈવાન અને પ્રશાંત મહાસાગરમાં ચીનની આક્રમક ગતિવિધિઓ
ચીનની નૌકાદળની હોડીઓ અને જહાજો દક્ષિણ ચીન સમુદ્ર, તાઈવાનની આસપાસ, ફિલિપાઇન્સના પૂર્વના જળક્ષેત્રમાં અને જાપાનના દક્ષિણ કિનારા નજીક સતત સક્રિય છે. પ્રશાંત મહાસાગરમાં પણ ચીન પોતાનું વર્ચસ્વ વધારી રહ્યું છે. તાજેતરમાં તાઈવાનના અધિકારી દ્વારા શેર કરાયેલા નશા મુજબ, ત્યાં ૫૩ ચીની જહાજો જોવા મળ્યા હતા, જેમાં ૩૪ નૌકાદળની યુદ્ધનાવ સામેલ હતી. વિમાનવાહક જહાજ ‘લિયોનિંગ’ અને તેના કાફલાને ફિલિપાઇન્સની પૂર્વમાં તૈનાત કરવામાં આવ્યું છે, જ્યારે જાપાની સુરક્ષા એજન્સીઓ પણ આ ગતિવિધિઓ પર સતત નજર રાખી રહી છે.
China Naval Strength – ભારત અને ચીન વચ્ચેના સંબંધો તેમજ સરહદી તણાવની સ્થિતિ
તાઈવાન અને દક્ષિણ ચીન સમુદ્ર મામલે આ ક્ષેત્રમાં સતત તણાવ વધતો જાય છે. ભારત અને ચીન વચ્ચે હાલ સંબંધો સુધારવાના પ્રયાસો ચાલી રહ્યા છે, પરંતુ સરહદી મુદ્દાઓ અને અરુણાચલ પ્રદેશના કેટલાક હિસ્સાઓમાં હજુ પણ તણાવ જોવા મળે છે. ચીનની આ અનિયંત્રિત લશ્કરી વૃદ્ધિ માત્ર અમેરિકા જ નહીં પરંતુ એશિયાના અન્ય પડોશી દેશો માટે પણ સુરક્ષાની દ્રષ્ટિએ મોટો પડકાર બની રહી છે, જેના પર આંતરરાષ્ટ્રીય સ્તરે નજર રાખવામાં આવી રહી છે.
👉 આ સમાચાર વાચો:
Gold and Silver Price Hike સરાફા બજારમાં મોટો ઉછાળો દિવાળીના બીજા જ દિવસે સોનામાં 700 અને ચાંદીમાં 1000 રૂપિયાનો વધારો
