News Continuous Bureau | Mumbai
દિલ્હી હાઈકોર્ટે(Delhi High court) રણબીર કપૂર અભિનીત ફિલ્મ 'શમશેરા'ને OTT પ્લેટફોર્મ (OTT platform)પર રિલીઝ કરવાની મંજૂરી આપી છે, પરંતુ શરત સાથે અને એ શરત એ છે કે, યશ રાજ ફિલ્મ્સ તેની રજિસ્ટ્રીમાં 1 કરોડ રૂપિયા જમા કરાવવા પડશે.મીડિયા રિપોર્ટ્સ અનુસાર, બિક્રમજીત સિંહ ભુલ્લર નામના વ્યક્તિએ ફિલ્મ પર કોપીરાઈટ એક્ટ (copyright act)હેઠળ આરોપો લગાવ્યા છે. જસ્ટિસ જ્યોતિ સિંહે બિક્રમજીત સિંહ ભુલ્લર દ્વારા તેમની સાહિત્યિક કૃતિ 'કબૂ ના છેડે ખેત'માં ફિલ્મ નિર્માતાઓ દ્વારા કોપીરાઈટના ઉલ્લંઘનનો આરોપ લગાવતા મુકદ્દમા પર આદેશ આપ્યો હતો.
18 ઓગસ્ટના આદેશમાં ન્યાયાધીશે જણાવ્યું હતું કે ફિલ્મ ગયા મહિને સિનેમાઘરોમાં રિલીઝ થઈ હતી. તે શુક્રવારે OTT પ્લેટફોર્મ પર રિલીઝ થવાની હતી, તેથી પક્ષકારો વચ્ચે ઇક્વિટીને સંતુલિત કરવા માટે, રિલીઝને (release)મંજૂરી આપવી યોગ્ય રહેશે.વધુમાં, કોર્ટે એમ પણ કહ્યું હતું કે જો આ દંડ જમા નહીં કરવામાં આવે તો ફિલ્મ લાંબા સમય સુધી OTT પર દર્શાવી શકાશે નહીં. કોર્ટના આદેશમાં વધુમાં કહેવામાં આવ્યું છે કે ફિલ્મ OTT પ્લેટફોર્મ પર આવતાની સાથે જ નિર્માતાઓએ 22 ઓગસ્ટ સુધીમાં 1 કરોડ રૂપિયા(one crore) જમા કરાવવા પડશે. જો પૈસા સમયસર જમા નહીં થાય તો 23 ઓગસ્ટથી OTT પ્લેટફોર્મ પર ફિલ્મનું વધુ પ્રસારણ બંધ કરી દેવામાં આવશે.
આ સમાચાર પણ વાંચો : સો મીડિયા પર આ ભૂલ કરી બેઠા રામાયણ ફેમ દીપિકા ચિખલિયા- થવા લાગ્યા ટ્રોલ- જાણો શું છે સમગ્ર મામલો
તમને જણાવી દઈએ કે 'શમશેરા' ગયા મહિને 22 જુલાઈએ સિનેમાઘરોમાં રિલીઝ(cinema release) થઈ હતી. આ ફિલ્મ બોક્સ ઓફિસ પર સફળતા મેળવી શકી નથી. જે પછી નિર્માતાઓએ એક મહિનાની અંદર ફિલ્મને OTT પર સ્ટ્રીમ(stream) કરવાનો નિર્ણય કર્યો. જે પછી 'શમશેરા'ને એમેઝોન પ્રાઇમ પર 19 ઓગસ્ટે સ્ટ્રીમ કરવામાં આવી હતી. ઉલ્લેખનીય છે કે, 'શમશેરા'માં સંજય દત્ત ફરી એકવાર વિલનની ભૂમિકામાં જોવા મળી રહ્યો છે. બીજી તરફ રણબીર કપૂરે પિતા અને પુત્રનો ડબલ રોલ કર્યો છે.
