સ્વાસ્થ્ય જાણકારી: હાઈપરટેન્શન ની સમસ્યા શરીરના આ ભાગોને ખરાબ રીતે કરી શકે છે અસર; જાણો તે અંગો વિશે

News Continuous Bureau | Mumbai

હાયપરટેન્શન(hypertension) એટલે કે બીપીની (blood pressure)સમસ્યામાં શરૂઆતમાં કોઈ પણ પ્રકારના લક્ષણ દેખાતા નથી. જ્યારે તે ગંભીર બને છે, ત્યારે નાકમાંથી લોહી આવવું, ચક્કર આવવા, પેશાબમાં લોહી આવવું, શ્વાસ લેવામાં તકલીફ જેવી સમસ્યાઓ દેખાય છે. વિશ્વભરમાં મૃત્યુનું સૌથી મોટું કારણ હાર્ટ એટેક (heart attack)છે, જેને માટે  હાયપરટેન્શન મોટાભાગે જવાબદાર છે.જ્યારે હૃદયને ધમનીઓ દ્વારા લોહીને ધકેલવા માટે સખત મહેનત કરવી પડે છે, ત્યારે બ્લડ પ્રેશર વધે છે. જ્યારે બ્લડ પ્રેશર ચોક્કસ લેવલ કરતાં વધી જાય તેને હાયપરટેન્શન કહેવાય છે.

આ અંગો હાયપરટેન્શનથી પ્રભાવિત થઈ શકે છે

1. આંખો પર અસર

હાઈ બ્લડ પ્રેશર(high blood pressure) આંખના પાછળના ભાગને રેટિનાની અંદરની અસ્તરને નુકસાન પહોંચાડી શકે છે. તેથી જો રેટિનામાં કોઈ સમસ્યા છે, તો તે હાઈપરટેન્શનનું લક્ષણ છે, તેને ઓળખો. તેનાથી આંખોની રોશની પર અસર થાય છે.

2. હૃદય પર અસર

ધમનીઓમાં પ્રતિકાર વધવાથી અને વાહિનીઓ સાંકડી થવાને કારણે હૃદયને લોહી પંપ કરવા માટે વધુ મહેનત કરવી પડે છે. હૃદયના સ્નાયુઓ જાડા અને કડક બને છે. આ સાથે, હૃદયની ડાબી બાજુ પણ ધીમે ધીમે મોટી થાય છે, જેના કારણે લોહી પંપ કરવામાં મુશ્કેલી પડે છે. જે હૃદયની નિષ્ફળતાનું (heart attack) કારણ બને છે.

3. મગજ પર અસર

હાઈપરટેન્શન એ સ્ટ્રોકનું (stroke) મુખ્ય કારણ છે. હાઈ બ્લડ પ્રેશરને કારણે ધમનીઓની દીવાલો નબળી પડવા લાગે છે, જેના કારણે તે મગજમાં ફૂલી જાય છે. આને એન્યુરિઝમ કહેવામાં આવે છે. હાઈ બ્લડ પ્રેશરને (High BP)કારણે આ એન્યુરિઝમ્સ અચાનક ફાટી જાય છે, જે સ્ટ્રોક તરફ દોરી જાય છે.

4. કિડનીની અસર

હાઈ બ્લડ પ્રેશર કિડનીની (kidney)મીઠાને નિયંત્રિત કરવાની અને શરીરમાં પાણીને પકડી રાખવાની ક્ષમતાને અસર કરે છે, જેનાથી હાઈપરટેન્શનની સમસ્યા વધી જાય છે. હાયપરટેન્શન ક્યારેક કિડનીને નુકસાન પહોંચાડે છે.

આ સમાચાર પણ વાંચો : સ્વાસ્થ્ય જાણકારી: ઉનાળામાં યુરિક એસિડના દર્દીઓએ તેમના આહારમાં કરવો જોઈએ આ વસ્તુઓનો સમાવેશ, રોગ ને નિયંત્રણ માં કરવા કરશે મદદ