‘ધ કાશ્મીર ફાઇલ્સ’ ના ડિરેક્ટર વિવેક અગ્નિહોત્રીને આપવામાં આવી આ શ્રેણીની સુરક્ષા; જાણો વિગત

News Continuous Bureau | Mumbai

બોલિવૂડ ફિલ્મ નિર્માતા અને 'ધ કાશ્મીર ફાઇલ્સ'ના નિર્દેશક વિવેક અગ્નિહોત્રીને 'વાય' શ્રેણીની સુરક્ષા પૂરી પાડવામાં આવી છે. તેમની સુરક્ષા માટે ચારથી પાંચ સશસ્ત્ર કમાન્ડો તૈનાત કરવામાં આવ્યા છે. ભારતભરમાં તેમના રોકાણ અને પ્રવાસ દરમિયાન CRPF દ્વારા તેમની સુરક્ષા કરવામાં આવશે.તમને જણાવી દઈએ કે વિવેક અગ્નિહોત્રીએ 1990ના દાયકામાં કાશ્મીરી પંડિત સમુદાયના નરસંહારનો ભોગ બનેલા પ્રથમ પેઢીના વીડિયો ઈન્ટરવ્યુ પર આધારિત 'ધ કાશ્મીર ફાઇલ્સ' બનાવી છે.

બોક્સ ઓફિસ પર 100 કરોડનો આંકડો પાર કરી ચૂકેલી આ ફિલ્મને દેશભરમાં જોરદાર સમર્થન મળ્યું છે. વડા પ્રધાન નરેન્દ્ર મોદી અને કેન્દ્રીય ગૃહ પ્રધાન અમિત શાહે પણ કાશ્મીરી પંડિતોના સંઘર્ષ અને દર્દને દર્શાવવા માટે ફિલ્મ અને નિર્દેશક વિવેક અગ્નિહોત્રીની પ્રશંસા કરી છે. જો સૂત્રોનું માનીએ તો, કેન્દ્રીય ગુપ્તચર એજન્સીઓએ, ધમકીની અપેક્ષા રાખીને, ભલામણ કરી હતી કે કાશ્મીર ફાઇલ્સના ડિરેક્ટર વિવેક અગ્નિહોત્રીને VIP સુરક્ષા આપવામાં આવે.

આ સમાચાર પણ વાંચો:IMDb પર અચાનક ઘટી ગયું ‘ધ કાશ્મીર ફાઇલ્સ’નું રેટિંગ, ફિલ્મના ડિરેક્ટર ઉઠાવ્યા સવાલ; સાઇટે રેટિંગ ઘટવાનું જણાવ્યું આ કારણ

ભારતમાં સુરક્ષાનો દરજ્જો ખતરાના સ્તરની સાથે સાથે દરજ્જો પણ માનવામાં આવે છે. ઈન્ટેલિજન્સ બ્યુરો (IB)ની ભલામણ પર કેન્દ્રીય ગૃહ મંત્રાલય દર વર્ષે ચોક્કસ લોકોની સુરક્ષાની સમીક્ષા કરે છે. જોખમના સ્તરના આધારે, ભદ્ર અને ખૂબ જ વિશેષ લોકોને વિવિધ સ્તરનું રક્ષણ આપવામાં આવે છે.દેશમાં VIP સુરક્ષાને ધ્યાનમાં રાખીને તેમને અલગ-અલગ શ્રેણીની સુરક્ષા આપવામાં આવે છે. સરકારને એ નક્કી કરવાનો અધિકાર છે કે તે મોટા નેતાઓ અને અધિકારીઓને કેવા પ્રકારની સુરક્ષા આપશે.તમને જાણવી દઈએ કે ધ કાશ્મીર ફાઇલ્સ દેશ ના ઘણા રાજ્યો માં ટેક્સ ફ્રી કરી દેવામાં આવી છે.