મુંબઈમાં રસીકરણ અભિયાન ને લાગી બ્રેક, હવે આ કારણે શહેરમાં બે દિવસ લાભાર્થીઓને રસી આપવામાં આવશે નહીં ; જાણો વિગતે 

મુંબઈ શહેરમાં આજે અને આવતી કાલે સરકારી તેમજ મુંબઈ મહાનગરપાલિકાના રસીકરણ કેન્દ્ર બંધ રહેશે.

બીએમસીના જણાવ્યાનુસાર રસીની અછતને કારણે શનિવારે અને કર્મચારીઓને સાપ્તાહિક રજા હોવાથી રવિવારે પણ રસીકરણ કેન્દ્ર બંધ રહેશે.

જોકે, રસીનો જથ્થો પૂરતા પ્રમાણમાં ઉપલબ્ધ થતા જ યોગ્ય નિર્ણય લઈ મુંબઈગરાને જાણકારી અપાશે અને રસીકરણ ફરી શરૂ કરાશે.  

આ અગાઉ અભિયાન ગત શુક્રવારે બીએમસી અને મહારાષ્ટ્ર સરકારના રસીકરણ કેન્દ્રો બંધ રહ્યા હતા. 

ઉલ્લેખનીય છે કે કેન્દ્ર સરકાર તરફથી ઉપલબ્ધ રસીના અપર્યાપ્ત સ્ટોકને કારણે આ અઠવાડિયામાં મુંબઇમાં રસીકરણ અભિયાન ધીમું થયું છે.

મુંબઈમાં હાલમાં 401 સક્રિય રસીકરણ કેન્દ્રો છે, જેમાં BMC ના 283, મહારાષ્ટ્ર સરકારના 20 કેન્દ્રો અને 98 ખાનગી કેન્દ્રોનો સમાવેશ થાય છે.