ન્યુઝ કન્ટિન્યુઝ બ્યુરો
મુંબઈ, ૮ જૂન ૨૦૨૧
મંગળવાર
ઇંગ્લૅન્ડના ફાસ્ટ બોલર ઓલી રોબિન્સન પર ઇંગ્લૅન્ડ ઍન્ડ વેલ્સ ક્રિકેટ બોર્ડે કડક કાર્યવાહી કરી છે. સાત વર્ષ પહેલાંઓલી રોબિન્સનેકરેલી જૂની આપત્તિજનક પોસ્ટ મામલે તપાસનું પરિણામ ન આવે ત્યાં સુધી ઇન્ટરનૅશનલ ક્રિકેટમાંથીતેને સસ્પેન્ડ કરાયો છે. રોબિન્સને ૨૦૧૨ અને ૨૦૧૩માં તેના ટ્વીટ પર ન્યૂ ઝીલૅન્ડ વિરુદ્ધની પહેલી ટેસ્ટ મૅચ દરમિયાન માફી માગી હતી.
રોબિન્સને ૭ વર્ષ અગાઉ ટ્વિટર પર લિંગભેદ અને રંગભેદ પર વિવાદિત ટિપ્પણી કરી હતી. તેણે ડેબ્યૂ ટેસ્ટમાં શાનદાર પ્રદર્શન કરી પહેલી જ વારમાં ૭૫ રનમાં ૪ વિકેટ લીધી હતી. ત્યાર બાદ પાંચમા ક્રમે બૅટિંગમાં આવીને નિર્ણાયક ૪૨ ૨ન પણ ફટકાર્યા હતા.
ઉલ્લેખનીય છે કે ઇસીબીએ તેને તત્કાલ અસરથી સસ્પેન્ડ કરી દીધો હોવાથી તે ૧૦ જૂનથી એજબેસ્ટનમાં બીજા ટેસ્ટના સિલેક્શનમાં નહીં હોય. આથી રોબિન્સને તરત ઇંગ્લૅન્ડની ટીમ છોડી છે અને તેની કાઉન્ટી ટીમ સાથે ફરી જોડાયો છે.
ક્રિકેટપ્રેમીઓ માટે સારા સમાચાર ; IPL ની બાકી મેચો આ તારીખથી થશે શરૂ
આ વિશે ભારતીય ક્રિકેટર અશ્વિન રવિએ ટ્વિટર પર પોતાની પ્રતિક્રિયા આપતાં લખ્યું છે કે “હું વર્ષો પહેલાં ઓલી રોબિન્સને જે કર્યું તેના પ્રત્યેની નકારાત્મક લાગણીઓને હું સમજી શકું છું, પરંતુ તેની કારકિર્દીની પ્રભાવશાળી શરૂઆત પછી તેને સસ્પેન્ડ કરવામાં આવ્યો હોવાથી મને ખરેખર દુ:ખ થયું છે.
