243
ન્યૂઝ કંટીન્યુઝ બ્યૂરો
મુંબઈ
11 ફેબ્રુઆરી 2021
મુંબઈ મહાનગરપાલિકાએ હાલમાં એક મહત્વપૂર્ણ નિર્ણય કર્યો છે.આ નિર્ણય દરેક મુંબઈ વાસીઓ માટે પૈસા બચાવનારો તેમજ પર્યાવરણની જાળવણી કરનારો છે.મુંબઈ મહાનગરપાલિકાએ એવી સ્કિમ જાહેર કરી છે કે જે હાઉસિંગ સોસાયટીમાં ભીનો અને સૂકો કચરો અલગ કરવામાં આવશે તે સોસાયટીને પ્રોપર્ટી ટેક્સમાં 10% સુવલત આપવામાં આવશે.
ઉલ્લેખનીય છે કે વર્ષ 2017 થી મુંબઈ મહાનગરપાલિકાએ એવો કાયદો બનાવ્યો છે કે દરેક હાઉસિંગ સોસાયટી એ પોતાનો કચરો ભીનો અને સૂકો એમ બે ભાગમાં વિભક્ત કરવો જોઈએ.જોકે હાઉસિંગ સોસાયટી આ સંદર્ભે કોઇ પગલાં લેતી નથી આથી લોકોને આર્થિક લાભ પહોંચાડવાના ઉદ્દેશ્યથી મુંબઈ મહાનગરપાલિકાએ આ નવો નિર્ણય લીધો છે.
આ સ્કીમની સંપૂર્ણ માહિતી માટે હાઉસિંગ સોસાયટીના અધિકારીઓએ સ્થાનિક વોર્ડ ઓફિસમાં તપાસ કરવાની રહેશે.
You Might Be Interested In
