News Continuous Bureau | Mumbai
સ્ટોક માર્કેટ(Stock Market)માં લિસ્ટેડ ફૂડ ડિલિવરી ચેઈન કંપની(food delivery company) ઝોમેટોનો સ્ટોક જાેરદાર ધોવાઈ રહ્યો છે. આ સપ્તાહે સતત બીજા ટ્રેડિંગ સેશનમાં લિસ્ટેડ ફૂડ ડિલિવરી ચેઈન કંપની Zomatoના શેરમાં ભારે ઘટાડો જોવા મળી રહ્યો છે. મંગળવારના ટ્રેડિંગ સેશનમાં Zomatoના શેરમાં 12 ટકાનો ઘટાડો જોવા મળી રહ્યો છે. Zomato શેરનો ભાવ 12 ટકાથી વધુ ઘટીને રૂ. 41.40 થયો હતો. હાલમાં આ શેર 11.55 ટકાના ઘટાડા સાથે રૂ. 42.10 પર ટ્રેડ કરી રહ્યો છે. અગાઉ સોમવારે પણ શેરમાં 14 ટકાથી વધુનો ઘટાડો થયો હતો. છેલ્લા બે દિવસમાં Zomatoનો સ્ટોક 23 ટકા ઘટ્યો છે.
જાે ઝોમેટોના સ્ટોકમાં ઘટાડાના કારણો પર નજર કરીએ તો તેના બે મુખ્ય કારણો જણાવવામાં આવી રહ્યા છે. 1. ઝોમેટોએ શેરબજારમાં લિસ્ટ થયાનું એક વર્ષ પૂર્ણ કર્યું છે. અને રોકાણકારો કે જેમના શેર એક વર્ષના લોક-ઇન સમયગાળામાં હતા તેઓ હવે આ બોન્ડમાંથી મુક્ત છે અને જો તેઓ ઇચ્છે તો શેર વેચી શકે છે. શેરના નોન-પરફોર્મન્સના કારણે બજારને ડર છે કે આ રોકાણકારો વેચી શકે છે, તેથી શેરમાં ઘટાડો જોવા મળી રહ્યો છે.
આ સમાચાર પણ વાંચો : શેરબજારમાં સતત બીજા દિવસે કડાકો- સેન્સેક્સ 500 અંક નજીક ગગડ્યો- મંદીના માહોલમાં પણ આ શેરના ભાવ ઉછળ્યા
બીજી તરફ, જુબિલન્ટ ફૂડવર્કસ, જે દેશમાં ડોમિનોઝ અને ડંકિન ડોનટ્સ રિટેલ ચેન ચલાવે છે, તે ઝોમેટો અને સ્વિગીની ઓનલાઈન એપ્સ પરથી ઓર્ડર લેવાનું બંધ કરી શકે છે. આ ખુલાસો જુબિલન્ટ ફૂડવર્કસ દ્વારા જ કોમ્પિટિશન કમિશન ઓફ ઈન્ડિયાને સુપરત કરવામાં આવેલી ગોપનીય ફાઈલીંગમાં કરવામાં આવ્યો છે. એટલે કે, તમને ઓનલાઇન ફૂડ ડિલિવરી કંપની ઝોમેટો એપ પર ડોમિનોઝ પિઝા નહીં મળે. આ કારણે ઝોમેટોના સ્ટોકમાં પણ મોટો ઘટાડો જોવા મળી રહ્યો છે.
તમને જણાવી દઈએ કે ઝોમેટોનો સ્ટોક રૂ. ૧૬૯ના સર્વોચ્ચ સ્તરથી ૭૩ ટકા જેટલો તૂટ્યો છે. જ્યારે ઝોમેટોનો સ્ટોક રૂ. ૧૬૯ પર હતો ત્યારે તેનું માર્કેટ કેપ રૂ. ૧.૩૩ લાખ કરોડની નજીક હતું. એટલે કે આ સ્તરેથી માર્કેટ કેપમાં રૂ. ૯૬,૦૦૦ કરોડનો ઘટાડો થયો છે.
