News Continuous Bureau | Mumbai
દૂધના ભાવમાં(milk prices) વધારો થયા બાદ હવે ડુંગળી(onion) રડાવવા તૈયાર છે. દેશભરમાં ડુંગળીના ભાવમાં ઉછાળો આવ્યો છે. ધ ફ્રી પ્રેસ જર્નલના(The Free Press Journal) એક અહેવાલ અનુસાર, છેલ્લા સપ્તાહમાં આવશ્યક ચીજવસ્તુઓના ભાવમાં લગભગ 60-80%નો વધારો જોવા મળ્યો છે. ગયા અઠવાડિયે, દેશની બે સૌથી મોટી દૂધ બ્રાન્ડ અમૂલ અને મધર ડેરીએ(Amul and Mother Dairy) ઈનપુટ કોસ્ટમાં(input cost) વધારાને કારણે ફુલ ક્રીમ દૂધના(full cream milk) ભાવમાં પ્રતિ લિટર રૂ. 2નો વધારો કર્યો હતો.
નવો પાક ન આવે ત્યાં સુધી રાહત નહીં મળે
નવેમ્બરના પ્રથમ સપ્તાહ સુધીમાં બજારમાં તાજો પાક ન આવે ત્યાં સુધી ભાવમાં ઉછાળો ચાલુ રહેશે. સમાચાર અનુસાર, ઘણી જગ્યાએ ડુંગળીની છૂટક કિંમત રૂ.40 પ્રતિ કિલોને પાર થઈ ગઈ છે. વેપારીઓનું(merchants) કહેવું છે કે ડુંગળી ટૂંક સમયમાં રૂ. 50 પ્રતિ કિલોને પાર કરી શકે છે. ઓક્ટોબરની શરૂઆતમાં, છૂટક બજારમાં ડુંગળી 15 થી 25 રૂપિયા પ્રતિ કિલોના ભાવે ઉપલબ્ધ હતી.
એક સપ્તાહમાં ડુંગળીના ભાવમાં આટલો વધારો થયો છે
સ્ટોક આઉટ (Stock out) (વેરહાઉસ) ડુંગળીની ખરીદ કિંમત પખવાડિયા પહેલાની સરખામણીએ લગભગ 30-40% વધારે છે. તેથી, ડુંગળીની ખરીદ કિંમત રૂ. 15 થી રૂ.30 પ્રતિ કિલોની વચ્ચે હોય છે. એક વેપારીએ જણાવ્યું હતું કે રવિ પાક પછી ભાવ સ્થિર થશે. ડુંગળીના કુલ ઉત્પાદનમાં રવિ ડુંગળીનો ફાળો 70% છે.
માત્ર 1499 રૂપિયામાં હવાઈ મુસાફરી કરો- આ એરલાઇન્સનો ધમાકેદાર ફેસ્ટિવલ સેલ- જલ્દી કરાવો બુકિંગ
દૂધના ભાવમાં પણ વધારો થયો છે
ગુજરાત કોઓપરેટિવ મિલ્ક માર્કેટિંગ ફેડરેશન(Gujarat Cooperative Milk Marketing Federation) (GCMMF) એ ગુજરાત સિવાયના તમામ બજારોમાં અમૂલ ગોલ્ડ (ફુલ ક્રીમ) અને ભેંસના દૂધના ભાવમાં લિટર દીઠ રૂ. 2નો વધારો કર્યો છે. અમૂલ ગોલ્ડનો દર રૂ.61 થી વધારીને ₹63 પ્રતિ લિટર કરવામાં આવ્યો છે, જ્યારે અડધા લિટરના પેકની કિંમત રૂ. 31 થી વધીને રૂ.32 થઈ ગઈ છે. ભેંસના દૂધની કિંમત 63 રૂપિયા પ્રતિ લિટરથી વધારીને 65 રૂપિયા પ્રતિ લિટર કરવામાં આવી છે.
