અદાણીને આ અમેરિકન ફર્મનો મળ્યો સાથ, ખરીદ્યા 15000 કરોડના શેર, ડીલ પાછળ છે ખાસ કનેક્શન

News Continuous Bureau | Mumbai

હિડનબર્ગની રિસર્ચ રિપોર્ટ આવ્યા બાદ અદાણી ગ્રુપના શેરોમાં સતત ઘટાડો જોવા મળ્યો છે. જોકે છેલ્લા થોડાક દિવસોમાં અદાણી ગ્રુપ સાથે જોડાયેલી કંપનીઓના શેરોમાં રિકવરી દેખાઈ રહી છે. દરમિયાન રોકડ એકત્ર કરવા માટે, અદાણી જૂથે ગુરુવાર, માર્ચ 2, 2023 ના રોજ સેકન્ડરી માર્કેટમાં તેની ચાર કંપનીઓના શેર વેચ્યા છે. આ બ્લોક ડીલમાં અદાણી જૂથે ચાર કંપનીઓના શેર વેચીને કુલ રૂ. 15,446 કરોડ એકત્ર કર્યા છે. કંપનીએ આ શેર અમેરિકન પ્રાઈવેટ ઇક્વિટી ફર્મ GQG પાર્ટનર્સને બ્લોક ડીલમાં વેચ્યા છે.

અદાણી ગ્રૂપે માહિતી આપી છે કે ગ્રૂપની ચાર સબસિડિયરી કંપનીઓ અદાણી પોર્ટ્સ એન્ડ સ્પેશિયલ ઇકોનોમિક ઝોન લિમિટેડ, અદાણી ગ્રીન એનર્જી, અદાણી ટ્રાન્સમિશન અને અદાણી એન્ટરપ્રાઇઝિસના શેર રૂ. 15446 કરોડના બ્લોક ડીલમાં GQG પાર્ટનર્સને વેચવામાં આવ્યા છે. ગ્રૂપે એક નિવેદનમાં જણાવ્યું હતું કે GQG પાર્ટનર્સ ભારતના ખૂબ જ ખાસ ઈન્ફ્રાસ્ટ્રક્ચરના વિકાસમાં રોકાણ કર્યા પછી ખૂબ જ મહત્વપૂર્ણ રોકાણકાર બની ગયા છે.

આ સમાચાર પણ વાંચો  : G20માં LACની સ્થિતિનો મુદ્દો ગરમાયો, જાણો એસ જયશંકરે ચીનના વિદેશ મંત્રી ચિન ગેંગને શું કહ્યું?

મીડિયા રિપોર્ટ મુજબ રોકાણ અંગે ટિપ્પણી કરતાં, GQG પાર્ટનર્સના ચેરમેન અને CIO રાજીવ જૈને જણાવ્યું હતું કે, “અમે માનીએ છીએ કે આ કંપનીઓ માટે લાંબા ગાળાની વૃદ્ધિની નોંધપાત્ર સંભાવના છે, અને અમે આ કંપનીઓમાં રોકાણ કરીને અત્યંત ખુશ છીએ જે લાંબા ગાળે તેમના ઉર્જા સંક્રમણ સહિત ભારતના અર્થતંત્ર અને ઉર્જા માળખાને ચલાવવામાં મદદ કરશે. આ પ્રસંગે બોલતા, અદાણી ગ્રૂપના ગ્રૂપ સીએફઓ, જુગશિન્દર સિંઘે જણાવ્યું હતું કે, આ વ્યવહાર અદાણી કંપનીઓના પોર્ટફોલિયો વિકાસ, ગવર્નન્સ અને મેનેજમેન્ટ પ્રેક્ટિસમાં વિશ્વભરના રોકાણકારોના સતત વિશ્વાસને દર્શાવે છે.

આ ડીલને કારણે ગુરુવારે અદાણી ગ્રુપના તમામ શેરમાં વધારો જોવા મળ્યો હતો. અદાણી ટ્રાન્સમિશન, અદાણી ગ્રીન એનર્જી, અદાણી વિલ્મર, અદાણી પાવર 5 ટકા વધ્યા છે. અદાણી પોર્ટ્સ પણ 3.45 ટકાના વધારા સાથે બંધ રહ્યો હતો. અદાણી જૂથની કંપનીઓનું માર્કેટ કેપ 7.86 લાખ કરોડ રૂપિયા પર પહોંચી ગયું છે.

અગાઉ, અદાણી એન્ટરપ્રાઇઝિસે, સ્ટોક એક્સચેન્જોને આપેલા તેના ખુલાસામાં, સોવરિન ફંડમાંથી $3 બિલિયનની લોન લેવાના સોદાના અહેવાલને અફવા ગણાવ્યો હતો. બુધવારે આ સમાચાર સામે આવ્યા બાદ સ્ટોક એક્સચેન્જોએ અદાણી એન્ટરપ્રાઈઝ પાસેથી સ્પષ્ટતા માંગી હતી, જેના પર કંપનીએ રેગ્યુલેટરી ફાઈલિંગમાં આ માહિતી આપી હતી. તો હિંડનબર્ગના રિપોર્ટ બાદ સુપ્રીમ કોર્ટે અદાણી ગ્રૂપના શેરોમાં હેરાફેરીના આરોપની તપાસ માટે એક સમિતિની રચના કરી છે.

આ સમાચાર પણ વાંચો  :  BEST પ્રશાસનની નવી પહેલ.. કફ પરેડ બાદ હવે અહીંથી મુંબઈ એરપોર્ટ સુધી માટે શરૂ કરી પ્રીમિયમ બસ સેવા.. જાણો કેટલું હશે ભાડું અને રૂટ..