News Continuous Bureau | Mumbai
ED Attaches ₹510 Crore Assets Reliance ADA Group દેશના મોટા બેંકિંગ ફ્રોડ કેસોમાં એન્ફોર્સમેન્ટ ડિરેક્ટોરેટે (ED) અનિલ અંબાણીની માલિકી ધરાવતા રિલાયન્સ એડીએ ગ્રૂપ (Reliance ADA Group) વિરુદ્ધ કાર્યવાહી વધુ કડક બનાવી છે. કેન્દ્રીય તપાસ એજન્સીએ પ્રિવેન્શન ઓફ મની લોન્ડરિંગ એક્ટ (PMLA) હેઠળ રિલાયન્સ કોમ્યુનિકેશન્સ (RCOM) અને રિલાયન્સ હોમ ફાઇનાન્સ/રિલાયન્સ કોમર્શિયલ ફાઇનાન્સ (RHFL/RCFL) બેંક છેતરપિંડી કેસમાં ₹૫૧૦ કરોડની કિંમતી અસ્કયામતો કામચલાઉ ધોરણે ટાંચમાં લીધી છે. આ તાજી કાર્યવાહી સાથે રિલાયન્સ ગ્રૂપ સામે જોડાયેલા વિવિધ કેસોમાં ઈડી દ્વારા અત્યાર સુધીમાં જપ્ત કરાયેલી કુલ સંપત્તિઓનો આંકડો અધધધ ₹૨૩,૧૦૦ કરોડ પર પહોંચી ગયો છે.
ED Attaches ₹510 Crore Assets Reliance ADA Group – ૨ એરક્રાફ્ટ, ૬ જમીનો અને ૨ વિન્ડમિલ સહિતની સ્થાવર-જંગમ મિલકતો સીઝ
ઈડી દ્વારા જારી કરાયેલા આદેશ મુજબ, જપ્ત કરવામાં આવેલી સંપત્તિઓમાં લક્ઝુરિયસ ૨ ખાનગી એરક્રાફ્ટ, વિવિધ પ્રાઈમ લોકેશન્સ પર આવેલા ૬ જમીનના પ્લોટ, કોમર્શિયલ ઓફિસ પરિસર તેમજ ૨ વિશાળ વિન્ડમિલનો (પવનચક્કી) સમાવેશ થાય છે. આ સિવાય તપાસ એજન્સીએ કંપનીઓ સાથે જોડાયેલા બેંક ખાતાઓમાં જમા બેલેન્સ અને ફિક્સ્ડ ડિપોઝિટ્સ (FDs) પણ ફ્રીઝ કરી દીધી છે. જપ્ત કરાયેલી કુલ ₹૫૧૦ કરોડની મિલકતો પૈકી RCOM કેસ હેઠળ ₹૨૪૭.૧૨ કરોડ અને RHFL/RCFL કેસ અંતર્ગત ₹૨૬૩.૦૫ કરોડની અસ્કયામતો પર ટાંચ મૂકવામાં આવી છે.
ED Attaches ₹510 Crore Assets Reliance ADA Group – બેંક લોન કૌભાંડ અને શેલ કંપનીઓ મારફતે નાણાંની હેરાફેરી
એજન્સી દ્વારા હાથ ધરવામાં આવેલી તપાસમાં બહાર આવ્યું છે કે વિવિધ સરકારી અને ખાનગી બેંકો પાસેથી લોન પેટે મેળવેલા હજારો કરોડ રૂપિયાના પબ્લિક ફંડનો ઉપયોગ નિર્ધારિત હેતુ માટે કરવાને બદલે શેલ કંપનીઓ અને ગ્રૂપની અન્ય સહયોગી કંપનીઓમાં ડાયવર્ટ કરવામાં આવ્યો હતો. બેંકો સાથે થયેલી આ તોતિંગ છેતરપિંડીના આધારે સીબીઆઈ (CBI) દ્વારા નોંધાયેલી વિવિધ એફઆઈઆરના પગલે ઈડીએ મની લોન્ડરિંગનો ગુનો નોંધી તપાસ હાથ ધરી હતી. ફોરેન્સિક ઓડિટમાં પણ નાણાંના ગેરકાયદેસર વ્યવહારો અને નિયમોના ઉલ્લંઘનના પુરાવા સામે આવ્યા હતા.
ED Attaches ₹510 Crore Assets Reliance ADA Group – રિલાયન્સ એડીએ ગ્રૂપ સામે કુલ જપ્તી ₹૨૩,૧૦૦ કરોડે પહોંચી
રિલાયન્સ એડીએ ગ્રૂપની વિવિધ કંપનીઓ સામે લાંબા સમયથી ચાલી રહેલી આ તપાસમાં એજન્સી દ્વારા સતત ગાળિયો કસવામાં આવી રહ્યો છે. અગાઉ પણ દેશ-વિદેશમાં આવેલી આલીશાન ઇમારતો, પ્રમોટર્સના શેર્સ અને મૂલ્યવાન મિલકતો જપ્ત કરવામાં આવી હતી. આ નવીનતમ એટેચમેન્ટ સાથે ગ્રૂપ સામે કુલ ગુનાહિત કમાણી (Proceeds of Crime) વસૂલવાની કવાયતમાં જપ્ત કરાયેલી અસ્કયામતોનું કુલ મૂલ્ય આશરે ₹૨૩,૧૦૦ કરોડ થઈ ગયું છે. ઈડીના અધિકારીઓએ સંકેત આપ્યા છે કે આગામી દિવસોમાં આ મામલે કોર્ટમાં પૂરક ચાર્જશીટ પણ રજૂ કરવામાં આવી શકે છે.
👉 આ સમાચાર વાચો:
Today’s Horoscope : આજનો દિવસ: ૪ નવેમ્બર ૨૦૨૬, બુધવાર, જાણો આપનું રાશિફળ
