News Continuous Bureau | Mumbai
Nirmala Sitharaman Viral Video કેન્દ્રીય બજેટ 2026 રજૂ થયા બાદ મધ્યમ વર્ગમાં ટેક્સ સ્લેબમાં કોઈ ફેરફાર ન થવાને કારણે ભારે નિરાશા જોવા મળી રહી છે. આ દરમિયાન બજેટ બાદ યોજાયેલી પ્રેસ કોન્ફરન્સમાં જ્યારે એક પત્રકારે નાણામંત્રી નિર્મલા સીતારમણને સીધો સવાલ પૂછ્યો કે, “બજેટ 2026 માં મધ્યમ વર્ગ માટે શું છે?” ત્યારે નાણામંત્રીએ જે રીતે પ્રતિક્રિયા આપી તેનાથી સોશિયલ મીડિયા પર ચર્ચાનો વિષય બન્યો છે. તેમના જવાબ કરતા પણ તેમના ચહેરાના હાવભાવ અત્યારે વધુ વાયરલ થઈ રહ્યા છે.
સવાલ મધ્યમ વર્ગનો અને જવાબ શિક્ષણનો!
વાયરલ થઈ રહેલા વીડિયોમાં જોઈ શકાય છે કે પત્રકારના સવાલ પર નાણામંત્રીએ કોઈ સીધો જવાબ આપવાને બદલે વાતને બીજી દિશામાં વાળી દીધી હતી. જ્યારે મધ્યમ વર્ગ માટેની જાહેરાતો વિશે પૂછવામાં આવ્યું, ત્યારે નાણામંત્રી એજ્યુકેશન સેક્ટર અને સરકારની અન્ય યોજનાઓ વિશે વાત કરવા લાગ્યા. પત્રકારો અને સોશિયલ મીડિયા યુઝર્સનું માનવું છે કે નાણામંત્રી પાસે મધ્યમ વર્ગ માટે કોઈ સ્પષ્ટ રોડમેપ કે રાહતની વાત નહોતી, તેથી તેમણે ગોળ-ગોળ જવાબ આપ્યો હતો.
સોશિયલ મીડિયા પર લોકોએ કર્યા આકરા પ્રહાર
આ વીડિયો પર લોકોએ અનેક પ્રકારના કોમેન્ટ્સ કર્યા છે. ઘણા યુઝર્સે લખ્યું છે કે, “પૂછાયું શું હતું અને જવાબ શું મળી રહ્યો છે!” કેટલાક લોકોએ એવી પણ પ્રતિક્રિયા આપી કે સરકાર હવે મધ્યમ વર્ગ પાસેથી માત્ર ટેક્સ અને એડજસ્ટમેન્ટની અપેક્ષા રાખે છે. એક યુઝરે તો ત્યાં સુધી લખ્યું કે, “લાગે છે કે મધ્યમ વર્ગના વોટની હવે જરૂર નથી, એટલે જ આવું રિએક્શન આપવામાં આવ્યું છે.”
Reporter: “People are asking what’s there for the middle class in this budget?”
Nirmala Sitharaman: HOOOOOOOOOO 😵
Bro I swear this isn’t satire 😭😭
This actually happened.#Budget2026 #MiddleClass pic.twitter.com/6kD2tb56Bq— Pushpendra Singh (@pushpendrakum) February 2, 2026
આ સમાચાર પણ વાંચો : Balochistan Terror Attack: બલૂચિસ્તાનમાં આતંકી હુમલામાં 50 ના મોત, BLA એ હુમલામાં સામેલ બે મહિલા આત્મઘાતી હુમલાખોરોની તસવીરો કરી વાયરલ
મધ્યમ વર્ગની અવગણનાનો આક્ષેપ
બજેટ 2026 માં ઇન્કમ ટેક્સ સ્લેબમાં કોઈ ફેરફાર કરવામાં આવ્યો નથી, જેના કારણે સામાન્ય નોકરિયાત વર્ગ પોતાને નજરઅંદાજ અનુભવી રહ્યો છે. પ્રેસ કોન્ફરન્સમાં નાણામંત્રીના વાયરલ એક્સપ્રેશને આ આક્રોશમાં વધારો કર્યો છે. સોશિયલ મીડિયા પર લોકો આ વીડિયોને શેર કરી રહ્યા છે અને સરકાર પાસે મધ્યમ વર્ગ માટે ચોક્કસ જાહેરાતોની માંગ કરી રહ્યા છે. હવે જોવાનું એ રહેશે કે શું સરકાર આગામી દિવસોમાં આ અંગે કોઈ સ્પષ્ટતા કરે છે કે કેમ.
