News Continuous Bureau | Mumbai
Foreign Assets Disclosure Scheme ભારત સરકાર હવે દેશની બહાર રહેલી ભારતીય નાગરિકોની સંપત્તિ પર કડક નજર રાખી રહી છે. વિદેશમાં અઘોષિત મિલકતો કે આવક ધરાવતા લોકો માટે સરકારે ‘ફોરેન એસેટ્સ ઓફ સ્મોલ ટેક્સપેયર્સ ડિસ્ક્લોઝર સ્કીમ’ (FASTDS) નામની નવી યોજના જાહેર કરી છે. 1 જુલાઈ 2026 થી શરૂ થનારી આ યોજના હેઠળ, નાના ટેક્સપેયર્સને તેમની છુપાયેલી વિદેશી સંપત્તિ જાહેર કરવા માટે 31 ડિસેમ્બર 2026 સુધીનો 6 મહિનાનો સમય આપવામાં આવ્યો છે.
Foreign Assets Disclosure Scheme – કોના માટે છે આ યોજના?
આ યોજના ખાસ કરીને મધ્યમ વર્ગ અને નાના ટેક્સપેયર્સને ધ્યાનમાં રાખીને લાવવામાં આવી છે. તેમાં મુખ્યત્વે એવા આઈટી પ્રોફેશનલ્સ (IT Professionals) સામેલ છે જેઓ વિદેશી કંપનીઓના ESOP ધરાવે છે, જે ભારતીયો વિદેશથી પરત ફર્યા છે (NRIs) અને એવા વિદ્યાર્થીઓ જેમણે વિદેશમાં અભ્યાસ દરમિયાન બેંક ખાતા અથવા નાની સંપત્તિ બનાવી હતી. સરકારનો મુખ્ય ઉદ્દેશ્ય લોકોને બ્લેક મની એક્ટ (Black Money Act) હેઠળ લાગતા ભારે દંડ અને ફોજદારી કાર્યવાહીથી બચાવવાનો છે.
Foreign Assets Disclosure Scheme – યોજનાની બે મુખ્ય શ્રેણીઓ
FAST-DS યોજના બે અલગ-અલગ કેટેગરીમાં કામ કરશે:
પ્રથમ શ્રેણી: જેમાં 1 કરોડ રૂપિયા સુધીની અઘોષિત વિદેશી સંપત્તિ કે આવકનો સમાવેશ થાય છે. આ મિલકતો જાહેર કરવા પર તમારે તેના બજાર મૂલ્ય (Market Value) ના 60% ટેક્સ ચૂકવવો પડશે.
બીજી શ્રેણી: જેમાં 5 કરોડ રૂપિયા સુધીની વિદેશી સંપત્તિઓ આવશે, જેની આવક ભારતમાં તો દર્શાવી દેવાઈ છે અને ટેક્સ પણ ભરાઈ ગયો છે, પરંતુ ઇન્કમટેક્સ રિટર્નના ‘Schedule FA’ માં તેની વિગતો આપવામાં આવી ન હતી. આવા કિસ્સામાં માત્ર 1 લાખ રૂપિયાની વન-ટાઇમ ફી (One-time fee) ચૂકવવાની રહેશે.
Foreign Assets Disclosure Scheme – શા માટે આ યોજના મહત્વની છે?
ઘણા ટેક્સપેયર્સ અજાણતા કે ટેકનિકલ કારણોસર વિદેશી સંપત્તિની જાણકારી આપવાનું ચૂકી જાય છે. સરકારની આ સ્કીમ તેમને તેમના જૂના રેકોર્ડ્સ સુધારવાની સુવર્ણ તક પૂરી પાડે છે. જો નિર્ધારિત સમય મર્યાદામાં સંપત્તિ જાહેર કરવામાં નહીં આવે, તો બ્લેક મની એક્ટ હેઠળ સખત કાર્યવાહી કરવામાં આવશે. તેથી, ટેક પ્રોફેશનલ્સ અને વિદેશથી પરત ફરેલા ભારતીયો માટે આ સમયમર્યાદામાં પોતાની વિગતો અપડેટ કરવી અત્યંત અનિવાર્ય છે.
