News Continuous Bureau | Mumbai
Gold Silver Price વર્ષ ૨૦૨૫ પૂર્ણ થવા જઈ રહ્યું છે ત્યારે કિંમતી ધાતુઓની ચમક અનેકગણી વધી ગઈ છે. આંતરરાષ્ટ્રીય બજારમાં સોના-ચાંદીની સતત ખરીદીને કારણે સ્થાનિક બજારમાં પણ ભાવ આસમાને પહોંચ્યા છે. ૨૬ ડિસેમ્બરની સવારે દિલ્હીથી મુંબઈ સુધી સોના અને ચાંદીના ભાવમાં મોટો ઉછાળો જોવા મળ્યો છે.
સોનાના આજના લેટેસ્ટ ભાવ (પ્રતિ ૧૦ ગ્રામ)
દેશના મુખ્ય શહેરોમાં સોનાના ભાવ નીચે મુજબ નોંધાયા છે:
દિલ્હી: ૨૪ કેરેટ સોનું ₹ ૧,૩૯,૪૧૦ | ૨૨ કેરેટ સોનું ₹ ૧,૨૭,૮૧૦
મુંબઈ: ૨૪ કેરેટ સોનું ₹ ૧,૩૯,૨૬૦ | ૨૨ કેરેટ સોનું ₹ ૧,૨૭,૬૬૦
અમદાવાદ: ૨૪ કેરેટ સોનું ₹ ૧,૩૯,૩૧૦ (અંદાજિત)
ગોલ્ડમેન સેક્સના રિપોર્ટ મુજબ, આવતા વર્ષે સોનું વૈશ્વિક બજારમાં ૪,૯૦૦ ડોલર પ્રતિ ઔંસ સુધી પહોંચી શકે છે.
ચાંદીમાં ૮૦૦૦ રૂપિયાનો તોતિંગ ઉછાળો
ચાંદીના ભાવમાં આજે સૌથી મોટો ઉછાળો જોવા મળ્યો છે. એક જ દિવસમાં ચાંદી ₹ ૮,૪૬૦ મોંઘી થઈને ₹ ૨,૩૨,૭૪૧ પ્રતિ કિલો પર પહોંચી ગઈ છે. આંતરરાષ્ટ્રીય બજારમાં ચાંદી ૭૨.૭૦ ડોલર પ્રતિ ઔંસ પર ટ્રેડ કરી રહી છે. ચાલુ વર્ષે ચાંદીએ રોકાણકારોને આશરે ૧૫૩% જેટલું માતબર વળતર આપ્યું છે.
આ સમાચાર પણ વાંચો : MYUVA Loan Scheme: વ્યાજ વગર અને ગેરંટી વિના 5 લાખની લોન: યુપી સરકારની ‘MYUVA’ યોજનાથી યુવાનો બનશે આત્મનિર્ભર; 8 પાસ પણ લઈ શકે છે લાભ.
ભાવ વધવા પાછળના મુખ્ય કારણો
૧. વૈશ્વિક ખરીદી: વિશ્વભરની સેન્ટ્રલ બેંકો સતત સોનાની ખરીદી કરી રહી છે. ૨. આંતરરાષ્ટ્રીય બજાર: ગ્લોબલ માર્કેટમાં સોનું ૪,૫૨૫ ડોલર પ્રતિ ઔંસની સપાટી વટાવી ચૂક્યું છે. ૩. રોકાણ: અસ્થિર આર્થિક સ્થિતિ વચ્ચે રોકાણકારો સોનાને સૌથી સુરક્ષિત વિકલ્પ માની રહ્યા છે.
