News Continuous Bureau | Mumbai
Gold ETF flows : મે મહિનો સોના માટે ઉતાર-ચઢાવથી ભરેલો રહ્યો. સ્થાનિક અને આંતરરાષ્ટ્રીય બજારોમાં કિંમતો સર્વકાલીન ઉચ્ચ સ્તરે પહોંચી ગઈ હતી. જો કે તે પછી ભાવ નરમ પડ્યા હતા. કેન્દ્રીય બેંકો દ્વારા સોનાની જંગી ખરીદી અને ભૌગોલિક-રાજકીય તણાવ આ ધાતુના ભાવ માટે સૌથી વધુ મદદરૂપ હતા. મે મહિનામાં ગોલ્ડ ઇટીએફથી પણ ભાવને ટેકો મળ્યો હતો. વૈશ્વિક સ્તરે સતત 12 મહિનાના ઘટાડા બાદ મે મહિના દરમિયાન ગોલ્ડ ETFમાં રોકાણમાં વધારો નોંધાયો હતો. મે મહિનામાં દેશના કુલ 17 ગોલ્ડ ETFમાં રૂ. 827.43 કરોડનું ચોખ્ખું રોકાણ થયું હતું.
Gold ETF flows :સોનાના ભંડારમાં લગભગ 204 ટનનો વધારો
વર્લ્ડ ગોલ્ડ કાઉન્સિલ અનુસાર, ગયા મહિને ભારતે લગભગ 722 કરોડ રૂપિયાનું સોનું ખરીદ્યું હતું. માત્ર સ્વિત્ઝર્લેન્ડ અને ચીને ભારત કરતાં વધુ સોનું ખરીદ્યું છે. છેલ્લા 5 નાણાકીય વર્ષમાં ભારતે તેના સોનાના ભંડારમાં લગભગ 204 ટનનો વધારો કર્યો છે. માર્ચ 2019માં દેશનો સોનાનો ભંડાર 618.2 ટન હતો, જે 31 માર્ચ, 2024ના રોજ 33% વધીને 822.1 ટન થયો હતો.
આ સમાચાર પણ વાંચો : Gold Silver Price: એકાએક સસ્તું થવા લાગ્યું સોનું, ચાંદીની ચમક પણ પડી ફીકી; જાણો લેટેસ્ટ રેટ
Gold ETF flows : આ કારણે સોનાના ભાવ આસમાને પહોંચ્યા
સેન્ટ્રલ બેંક ઓફ ચાઈના દ્વારા સોનાની ખરીદી પર લગાવવામાં આવેલા બ્રેકની અસર કિંમતો પર જોવા મળી રહી છે. પીપલ્સ બેંક ઓફ ચાઈનાના ડેટા અનુસાર આ વર્ષે મે મહિનામાં ચીનના સોનાના ભંડારમાં કોઈ ફેરફાર થયો નથી. જ્યારે આ પહેલા ચીનના સોનાના ભંડારમાં સતત 18 મહિના સુધી વધારો થયો હતો. ઑક્ટોબર 2022 ની સરખામણીમાં, આ લગભગ 319 ટન એટલે કે 16.5% વધુ છે. ચીનની સેન્ટ્રલ બેંકે વર્ષ 2023 દરમિયાન તેના સોનાના ભંડારમાં 225 ટનનો વધારો કર્યો હતો, જેના કારણે સોનાના ભાવ આસમાને પહોંચ્યા હતા.
(ડિસ્ક્લેમરઃ અહીં રજૂ કરવામાં આવેલી માહિતી અન્ય મિડીયા પ્રેલટફોર્મ પર પણ ઉપલબ્ધ છે તેમજ તેની સત્યતા સંદર્ભે અમે કોઈ દાવો કરતા નથી. કોઈપણ રોકાણ કરતા પહેલા ફાઈનાન્શિયલ એડવાઈઝરની સલાહ ચોક્કસ લો.
