News Continuous Bureau | Mumbai
Gold Rate Today। દેશમાં આજે એટલે કે ૧૨ મે, ૨૦૨૬ના રોજ સોના અને ચાંદીના ભાવમાં નોંધપાત્ર વધારો જોવા મળ્યો છે. મધ્ય પૂર્વમાં વધતા તણાવ અને ભારતીય શેરબજારમાં ચાલી રહેલા કડાકા વચ્ચે રોકાણકારો સુરક્ષિત રોકાણ તરીકે સોના તરફ વળ્યા છે. જેના કારણે રિટેલ માર્કેટની સાથે વાયદા બજાર (MCX) માં પણ ભાવ આસમાને પહોંચ્યા છે. રૂપિયો તેના અત્યાર સુધીના સૌથી નીચલા સ્તરે પહોંચતા સોનાચાંદીની આયાત મોંઘી થઈ છે, જેની સીધી અસર સ્થાનિક ભાવ પર પડી રહી છે.
MCX અને વાયદા બજારમાં ભાવની સ્થિતિ
મલ્ટી કોમોડિટી એક્સચેન્જ (MCX) પર આજે સવારે ૫ જૂન ૨૦૨૬ના ગોલ્ડ કોન્ટ્રાક્ટની કિંમત ૨૯૯ રૂપિયા વધીને ૧,૫૩,૯૫૩ રૂપિયા પ્રતિ ૧૦ ગ્રામ પર પહોંચી ગઈ છે. બીજી તરફ ચાંદીના ભાવમાં મોટો ઉછાળો જોવા મળ્યો છે. ૩ જુલાઈના સિલ્વર કોન્ટ્રાક્ટનો ભાવ ૩,૫૧૪ રૂપિયા વધીને ૨,૮૧,૮૨૫ રૂપિયા પ્રતિ કિલોગ્રામ થયો છે. શેરબજારમાં ચાલી રહેલી અસ્થિરતાને કારણે બુલિયન માર્કેટમાં ખરીદીનું દબાણ વધ્યું છે.
મુંબઈ અને દિલ્હીમાં સોના-ચાંદીના રેટ
દેશની આર્થિક રાજધાની મુંબઈમાં સોનાના ભાવ ૩૭૦ રૂપિયા વધીને ૧,૫૪,૪૨૦ રૂપિયા પ્રતિ ૧૦ ગ્રામ પર પહોંચ્યા છે, જ્યારે ચાંદી ૪,૦૦૦ રૂપિયા ઉછળીને ૨,૮૨,૨૪૦ રૂપિયા પ્રતિ કિલોગ્રામ પર ટ્રેડ કરી રહી છે. રાજધાની દિલ્હીમાં પણ સોનું ૨૦૦ રૂપિયા અને ચાંદી ૩,૨૦૦ રૂપિયા મોંઘી થઈ છે. ઉત્તર પ્રદેશના લખનઉમાં સોનાનો ભાવ ૧,૫૪,૪૧૦ રૂપિયા અને ચાંદી ૨,૮૧,૮૯૦ રૂપિયા પ્રતિ કિલોગ્રામના આંકડાને પાર કરી ગઈ છે.
શા માટે વધી રહ્યા છે ભાવ?
નિષ્ણાતોના મતે સોના-ચાંદીના ભાવમાં તેજી આવવા પાછળ ત્રણ મુખ્ય કારણો છે. પ્રથમ, અમેરિકા અને ઈરાન વચ્ચે યુદ્ધના ભણકારાને કારણે વૈશ્વિક બજારમાં અસ્થિરતા છે. બીજું, ભારતીય રૂપિયો નબળો પડવાને કારણે સોનાની આયાત પડતર વધી ગઈ છે. ત્રીજું, શેરબજારમાં થઈ રહેલા મોટા નુકસાનથી બચવા રોકાણકારો સોનામાં રોકાણને વધુ સુરક્ષિત માની રહ્યા છે. જોકે, વડાપ્રધાન મોદીએ તાજેતરમાં જ વિદેશી મુદ્રા ભંડાર બચાવવા માટે એક વર્ષ સુધી સોનું ન ખરીદવાની અપીલ કરી છે.
👉 આ સમાચાર વાચો:
CBI Probe Suvendu Adhikari PA। ચંદ્રનાથ રથ હત્યાકાંડ સુવેન્દુ અધિકારીના PAના મોતના કેસમાં CBIની એન્ટ્રી, બંગાળમાં ખળભળાટ; અત્યાર સુધીમાં ૩ ઝડપાયા
