News Continuous Bureau | Mumbai
Gold Silver Rate Today: સુવર્ણનગરી જલગાંવના બુલિયન માર્કેટમાં ( bullion market ) સોનામાં તીવ્ર વધારો થયો છે . છેલ્લા 48 કલાકમાં સોનામાં 2 હજારનો ઉછાળો થયો હતો. GST સાથે 24 કેરેટ સોનું 66 હજાર રૂપિયા પ્રતિ તોલા પર પહોંચી ગયું હતું. ચાલુ નાણાકીય વર્ષના છેલ્લા મહિને માર્ચમાં સોનામાં હાલ તેજી જોવા મળી રહી છે. હાલ લગ્નની સિઝન ચાલી રહી છે, ત્યારે સોનાના ભાવમાં ( gold price ) આ જોરદાર ઉછાળો ગ્રાહકોના ખિસ્સા પર અસર કરશે. હાલ એવું અનુમાન છે કે સોનું 70 હજારના આંક સુધી પહોંચશે.
જલગાંવના બુલિયન માર્કેટમાં સોનું આ વર્ષ માટે નવી ટોચે પહોંચ્યું હતું. માત્ર 48 કલાકમાં ભાવ આસમાને પહોંચી ગયા હતા. સોનાએ બે હજારનું રેકોર્ડ બ્રેક ઉછાળો માર્યો છે. 7 માર્ચે સુવર્ણનગરીમાં સોનાનો ભાવ રૂ. 64,500 હતો. જેમાં GST સાથે સોનાની કિંમત 66 હજાર રૂપિયા સુધી પહોંચી ગઈ હતી. તો જલગાંવમાં ચાંદીની કિંમત ( Silver price ) 700 રૂપિયા ઘટીને 72,800 રૂપિયા પ્રતિ કિલો પર આવી ગઈ છે.
વાયદા બજાર અને આંતરરાષ્ટ્રીય બજારમાં સોના અને ચાંદી પર હાલ કોઈ ટેક્સ, ડ્યુટી નથી…
દરમિયાન, ઈન્ડિયન બુલિયન એન્ડ જ્વેલર્સ એસોસિએશન ( IBJA ) ના એક નિવેદનમાં જણાવ્યા અનુસાર , સોનું અને ચાંદી સસ્તા થયા છે. જો કે 24 કેરેટ સોનું વધીને રૂ.64,493, 23 કેરેટ વધીને રૂ. 64,235, 22 કેરેટ વધીને રૂ. 59,075, 18 કેરેટ વધીને રૂ. 48,369, 14 કેરેટ વધીને રૂ. 37,728 પ્રતિ 10 ગ્રામ થયું છે. તો એક કિલો ચાંદીનો ભાવ હવે વધીને રૂ.71,710 થયો હતો. વાયદા બજાર અને આંતરરાષ્ટ્રીય બજારમાં સોના અને ચાંદી પર હાલ કોઈ ટેક્સ, ડ્યુટી નથી. જ્યારે બુલિયન માર્કેટમાં ડ્યુટી અને ટેક્સના સમાવેશને કારણે ભાવમાં તફાવત જોવા મળી રહ્યો છે.
આ સમાચાર પણ વાંચો : Zero Prescription Policy : મુંબઈમાં એપ્રિલથી શરુ થશે ઝીરો પ્રસ્ક્રિપ્શન પોલીસી, મુંબઈકરોએ હવે આરોગ્યની સારવાર પાછળ ખર્ચ કરવો નહીં પડેઃ મુખ્યમંત્રી એકનાથ શિંદે..
હોલમાર્ક દ્વારા કેરેટ
-શુદ્ધ સોના માટે હોલમાર્ક ભારતીય માનક સંસ્થા દ્વારા આપવામાં આવે છે. 24 કેરેટ સોનાની જ્વેલરીમાં ( gold jewellery ) 999, 23 કેરેટમાં 958, 22 કેરેટમાં 916, 21 કેરેટમાં 875 અને 18 કેરેટમાં 750 અંકિત હોય છે. તો ગ્રાહકો દ્વારા ઘણી જગ્યાએ 22 કેરેટ અને 24 કેરેટ સોનાની ભારે માંગ છે.
-કેટલાક લોકો 18 કેરેટ સોનાનો ઉપયોગ કરે છે. કેરેટ એટલે સોનું જેટલું ઊંચું હશે, એટલું શુદ્ધ સોનું હશે. 24 કેરેટ સોનું 99.9% શુદ્ધ હશે. તો 22 કેરેટ સોનું લગભગ 91 ટકા શુદ્ધ હશે તથા 22 કેરેટ સોનામાં 9% અન્ય ધાતુઓ હોય શકે છે. તેનો ઉપયોગ ઘરેણાં બનાવવા માટે થાય છે. ધરેણામાં તાંબુ, ચાંદી અને જસતનો પણ ઉપયોગ કરીને બનાવવામાં આવે છે.
