News Continuous Bureau | Mumbai
Google ગૂગલના CEO સુંદર પિચાઈએ મંગળવારે જણાવ્યું કે તેમણે વડાપ્રધાન નરેન્દ્ર મોદી સાથે વાત કરી. PM મોદી સાથેની વાતચીત દરમિયાન સુંદર પિચાઈએ કહ્યું કે ગૂગલ આગામી પાંચ વર્ષમાં ભારતમાં $15 બિલિયનનું રોકાણ કરશે. આ સાથે જ, તેમણે આંધ્ર પ્રદેશના વિશાખાપટ્ટનમમાં એક વિશાળ ડેટા સેન્ટર અને આર્ટિફિશિયલ ઈન્ટેલિજન્સ (AI) કેન્દ્રની સ્થાપનાની જાહેરાત પણ કરી છે. ગૂગલ માટે આ સેન્ટર અમેરિકા બહારનું સૌથી મોટું AI હબ હશે.
Great to speak with India PM @narendramodi @OfficialINDIAai to share our plans for the first-ever Google AI hub in Visakhapatnam, a landmark development.
This hub combines gigawatt-scale compute capacity, a new international subsea gateway, and large-scale energy infrastructure.…
— Sundar Pichai (@sundarpichai) October 14, 2025
વિશાખાપટ્ટનમમાં AI હબની સ્થાપના
ભારતીય મૂળના CEO સુંદર પિચાઈએ આ પગલાને ઐતિહાસિક ગણાવ્યું. તેમણે કહ્યું કે આ હબ ગિગાવોટ-સ્તરની કમ્પ્યુટિંગ ક્ષમતા, એક નવું આંતરરાષ્ટ્રીય સબસી ગેટવે અને મોટા પાયે ઊર્જા માળખાને એકસાથે લાવશે. ગૂગલ અને આંધ્રપ્રદેશ સરકાર વચ્ચે સમજૂતી પર હસ્તાક્ષર થયાના તરત જ સુંદર પિચાઈએ એક્સ (X) પર એક પોસ્ટ કરી. તેમણે લખ્યું કે, “આના માધ્યમથી અમે અમારી ઉદ્યોગ-અગ્રણી ટેકનોલોજીને ભારતમાં ઉદ્યોગો અને યુઝર્સ સુધી પહોંચાડીશું, AI નવાચારને ગતિ આપીશું અને દેશભરમાં વિકાસને વેગ આપીશું.”
આ સમાચાર પણ વાંચો : Re-feeding Syndrome: બંધકો મુક્ત થયા પણ ખતરો ટળ્યો નહીં!’રી-ફીડિંગ સિન્ડ્રોમ’થી બચાવવા માટે બંધકોની સારવારમાં કેમ સાવધાની?
અદાણી ગ્રુપ સાથે ગૂગલની ભાગીદારી
મીડિયા રિપોર્ટ મુજબ, ગૂગલે AI ડેટા સેન્ટર કેમ્પસ માટે અદાણી ગ્રુપ સાથે ભાગીદારી કરી છે. કંપનીનું આ દેશમાં અત્યાર સુધીનું સૌથી મોટું રોકાણ છે. કંપનીએ એક સત્તાવાર નિવેદનમાં જણાવ્યું કે આ રોકાણ ભારત સરકારના ‘વિકસિત ભારત 2047’ વિઝન સાથે સુસંગત છે, જેના હેઠળ AI-સંચાલિત સેવાઓના વિસ્તારને વેગ મળશે. નિવેદનમાં વધુમાં કહેવામાં આવ્યું છે કે આ પહેલથી ભારત અને અમેરિકા બંને માટે વ્યાપક આર્થિક અને સામાજિક તકો ઊભી થશે અને AI ક્ષમતામાં પેઢીગત પરિવર્તનનો માર્ગ મોકળો થશે.
