News Continuous Bureau | Mumbai
GST Collection in October: સરકારે ઓક્ટોબરમાં ગુડ્સ એન્ડ સર્વિસ ટેક્સ દ્વારા સારું ટેક્સ કલેક્શન ( Tax collection ) કર્યું છે. ઓક્ટોબરમાં GST કલેક્શનમાં 13 ટકાનો ઉછાળો આવ્યો છે. તે 1.62 લાખ કરોડ રૂપિયાથી વધીને 1.72 લાખ કરોડ રૂપિના આંકડાને પાર કરી ગયું છે. આ માહિતી આપતાં નાણા મંત્રાલયે ( Finance Ministry ) કહ્યું કે ઓક્ટોબર 2023માં 1.72 લાખ કરોડ રૂપિયાનું GST કલેક્શન થયું છે અને આ અત્યાર સુધીનું બીજું વધારેલું કલેક્શન છે. એક વર્ષ પહેલા ઓક્ટોબર 2022માં GST કલેક્શન 1.52 લાખ કરોડ રૂપિયા હતું.
નાણા મંત્રાલયે આપ્યા આ આંકડા
નાણા મંત્રાલયે માહિતી આપી છે કે ઓક્ટોબરમાં વાર્ષિક ધોરણે GST કલેક્શન 13 ટકા વધીને રૂ. 1.72 લાખ કરોડ થયું છે. આ એક મહત્વપૂર્ણ પાસું પણ છે કારણ કે આ GST સંગ્રહનો બીજો સૌથી વધુ માસિક આંકડો છે.
મંત્રાલયે નિવેદનમાં જણાવ્યું હતું કે, “ઓક્ટોબર 2023ની GST આવક એપ્રિલ 2023 પછીનો બીજો સૌથી વધુ આંકડો છે.” એપ્રિલ 2023માં જીએસટી કલેક્શન રૂ. 1.87 લાખ કરોડ હતું. નાણાકીય વર્ષ 2023-24માં સરેરાશ માસિક જીએસટી કલેક્શન રૂ. 1.66 લાખ કરોડ રહ્યું છે. જે ગયા વર્ષની સરખામણીમાં 11 ટકા વધુ છે.
GST શું છે?
ભારતમાં, સામાન્ય નાગરિકો પર બે પ્રકારના કર લાદવામાં આવે છે – પ્રત્યક્ષ કર અને પરોક્ષ કર. આવકવેરો ( Income Tax ) અને કોર્પોરેટ ટેક્સ ( Corporate Tax ) વગેરે પ્રત્યક્ષ કર છે. સેલ્સ ટેક્સ અને સર્વિસ ટેક્સ વગેરે પરોક્ષ કર છે. બંધારણમાં 122મા સુધારા વિધેયક દ્વારા, 1 જુલાઈ, 2017 થી દેશમાં તમામ પરોક્ષ કરની જગ્યાએ માત્ર એક જ કર “ગુડ્સ એન્ડ સર્વિસ ટેક્સ” લાદવામાં આવ્યો હતો. વિશ્વના 150 થી વધુ દેશોમાં સમાન ટેક્સ સિસ્ટમ લાગુ છે. GST એટલે ગુડ્સ એન્ડ સર્વિસ ટેક્સ.
આ સમાચાર પણ વાંચો : Maratha Reservation : સર્વપક્ષીય બેઠક ખતમ, મહારાષ્ટ્રના તમામ પક્ષો મરાઠા આરક્ષણના પક્ષમાં, CM શિંદેએ મનોજ જરાંગે પાટીલને કરી આ અપીલ,
ચાર ટેક્સ સ્લેબ
GST કાઉન્સિલે ( GST Council ) તમામ માલસામાન અને સેવાઓને ચાર ટેક્સ સ્લેબ (5 ટકા, 12 ટકા, 18 ટકા અને 28 ટકા)માં વિભાજિત કર્યા છે. GST કાઉન્સિલે આ ચાર કેટેગરીમાં 12011 વસ્તુઓ મૂકી છે. સામાન્ય જનતા માટે ઉપયોગી લગભગ 80 વસ્તુઓ પર ઝીરો ટેક્સ (ટેક્સ ફ્રી) રહેશે. સિગારેટ, દારૂ અને પેટ્રોલિયમ ઉત્પાદનો (પેટ્રોલ, ડીઝલ, કેરોસીન અને એલપીજી) હાલમાં GSTની બહાર રાખવામાં આવ્યા છે.
