News Continuous Bureau | Mumbai
દેશમાં નવા GST દરો આજે એટલે કે નવરાત્રિના પહેલા દિવસથી લાગુ થઈ ગયા છે. નિષ્ણાતોના મતે, GST દરોમાં ઘટાડો લાગુ થયા બાદ આ નાણાકીય વર્ષમાં ભારતીય કંપનીઓની આવકમાં 6 થી 7 ટકાનો વધારો થવાનો અંદાજ છે. આ અગાઉના અંદાજ કરતાં 25 થી 50 બેસિસ પોઈન્ટ્સ વધુ છે. આ ઘટાડાની વપરાશ પર સકારાત્મક અસર થશે, જે કોર્પોરેટ આવકનો 15 ટકા હિસ્સો ધરાવે છે.
ભારતીય કંપનીઓની આવક વધવાની આશા
CRISIL એ તેના રિપોર્ટમાં જણાવ્યું છે કે GST દરોમાં ઘટાડો યોગ્ય સમયે કરવામાં આવ્યો છે, કારણ કે વૈશ્વિક અનિશ્ચિતતાઓ યથાવત્ છે. આ સાથે, તે ભારતમાં તહેવારો અને લગ્નની સીઝન સાથે પણ સુસંગત છે, જ્યારે વપરાશ વાર્ષિક ધોરણે તેની ટોચ પર હોય છે. તેથી, ભારતીય કંપનીઓની આવકમાં આ નાણાકીય વર્ષમાં વધારો થવાની સંભાવના છે.
FMCG અને ઓટોમોબાઈલ ક્ષેત્રને થશે ફાયદો
CRISIL ઇન્ટેલિજન્સના સંશોધન નિર્દેશક પુષણ શર્માના જણાવ્યા અનુસાર, નવા GST દરો FMCG, ઉપભોક્તા ટકાઉ વસ્તુઓ અને ઓટોમોબાઈલ જેવા મુખ્ય ક્ષેત્રોના ઉત્પાદનોની કિંમતોને ઘટાડશે. જોકે, GST પ્રણાલીમાં નફાખોરી વિરોધી જોગવાઈઓ માર્જિન પ્રોફાઇલ પર કોઈપણ પ્રકારની અસરને મર્યાદિત કરી શકે છે.
આ સમાચાર પણ વાંચો : India-Pakistan Match: ચાહકોએ કોહલીના નામથી ચીઢવતા હરિસ રઉફ ભડક્યો, કરી શરમજનક હરકત; સોશિયલ મીડિયા પર વીડિયો વાયરલ
GDP પર સકારાત્મક અસર થવાની સંભાવના
HDFC ટ્રુના રિપોર્ટ મુજબ, આ પગલું GST ટેક્સ માળખાને સરળ બનાવવા અને ભારતના આર્થિક પુનરુત્થાનમાં મહત્વપૂર્ણ યોગદાન આપશે. લગભગ 90 ટકા પ્રોડક્ટ કેટેગરી પર ટેક્સ દર ઘટાડવાથી ગ્રોસ ડોમેસ્ટિક પ્રોડક્ટ (GDP) પર સકારાત્મક અસર થવાનો અંદાજ છે.
આ રિપોર્ટમાં કહેવામાં આવ્યું છે કે દરોમાં ઘટાડાની અસર વપરાશ વૃદ્ધિને વધારશે. આ નાણાકીય વર્ષ 2026માં GDP વૃદ્ધિને 20 થી 30 બેસિસ પોઈન્ટ્સ સુધી વધારી શકે છે, જે ભારતીય અર્થતંત્ર પર અમેરિકી ટેરિફની અસરની ભરપાઈ કરશે. આનાથી કંપનીઓના માર્જિનમાં સુધારો થવાની આશા છે.
કિંમતો ઘટવાથી પ્રીમિયમ ઉત્પાદનોની માંગ વધશે
સંશોધનમાં કહેવામાં આવ્યું છે કે આ એવું જ છે, જેવું નાણાકીય વર્ષ 2019માં થયું હતું, જ્યારે વોશિંગ મશીન પર GST માં ઘટાડાથી વેચાણમાં 50 થી 100 બેસિસ પોઈન્ટ્સનો વધારો થયો હતો. તે વર્ષે રૂપિયાના નબળા પડવા અને કાચા માલની કિંમતોમાં ભારે વધારો થવાને કારણે કંપનીઓએ પહેલા ક્વાર્ટરમાં વોશિંગ મશીનની કિંમતોમાં વધારો કર્યો હતો. જેના પરિણામે GST માં 10 ટકાનો ઘટાડો થયો હોવા છતાં, MRP પર ચોખ્ખી કિંમતમાં 3-3.5 ટકાનો ઘટાડો થયો હતો. જોકે, આ વખતે ગ્રાહકો દ્વારા આ બંને સેગમેન્ટમાં ખરીદી વધવાની આશા છે, કારણ કે કિંમતોમાં ઘટાડાથી પ્રીમિયમ ઉત્પાદનોની માંગ વધશે.
FMCG કંપનીઓની શહેરી વપરાશમાં સુધારો થશે
સંશોધન મુજબ, ફાસ્ટ મૂવિંગ કન્ઝ્યુમર ગુડ્સ એટલે કે FMCG ક્ષેત્ર છેલ્લા કેટલાક વર્ષોથી ધીમી વપરાશથી પીડાઈ રહ્યું છે. જોકે, તાજેતરના કેટલાક ક્વાર્ટરમાં ગ્રામીણ ક્ષેત્રમાં કેટલાક સકારાત્મક ફેરફારો જોવા મળ્યા છે. નમકીન અને ભુજિયા જેવા પેકેજ્ડ ફૂડ પદાર્થોમાં ટેક્સ દરમાં ફેરફારથી 5 રૂપિયા અને 10 રૂપિયાવાળા નાના પેકેટની કિંમતોમાં ઘટાડો થશે નહીં, જે વેચાણનો એક મોટો હિસ્સો છે. જોકે, આનાથી પેકેટના વજનમાં વૃદ્ધિ થશે, જેનાથી માગમાં વધારો થશે.સંશોધન દર્શાવે છે કે બિસ્કિટ, રેડી-ટુ-ઈટ મીલ અને ચોકલેટ જેવા પ્રોસેસ્ડ ફૂડ પર ઓછી GST થી સરેરાશ ગ્રાહક માટે કરિયાણાની કુલ કિંમતમાં ઘટાડો થવાની આશા છે. મુખ્ય ખાદ્ય ઉત્પાદનોની વપરાશમાં સામાન્ય રીતે ટેક્સ માં ઘટાડા પછી ધીમે ધીમે જ વૃદ્ધિ જોવા મળે છે, કારણ કે લોકો કિંમતોમાં ઘટાડો થયા પછી તરત જ વધુ વપરાશ શરૂ કરતા નથી. અમારો અંદાજ છે કે પેકેજ્ડ ફૂડની માગ 12 થી 13 ટકાના અંદાજથી 100 થી 200 બેસિસ પોઈન્ટ્સ સુધી વધવાની આશા છે. ગ્રાહકો પ્રીમિયમ ઉત્પાદનો તરફ વળવાની પણ આશા છે.
