News Continuous Bureau | Mumbai
Hyundai Motors IPO: દક્ષિણ કોરિયાની હ્યુન્ડાઈ મોટર હવે તેના ભારતીય યુનિટમાં 17.5 ટકા સુધીનો હિસ્સો ઈનિશિયલ પબ્લિક ઑફરિંગ (IPO) દ્વારા વેચવાનું વિચારી રહી છે. કંપની આટલો હિસ્સો વેચીને લગભગ ત્રણ અબજ ડોલર એકત્ર કરવા માંગે છે. જો આમ થશે તો તે ભારતનો અત્યાર સુધીનો સૌથી મોટો IPO હશે. અત્યાર સુધી દેશમાં સૌથી મોટો IPO સરકારી વીમા કંપની LICનો હતો, જે 2022માં આવ્યો હતો. તેનું મૂલ્યાંકન $2.7 બિલિયન હતું.
ન્યૂઝ એજન્સી રોઈટર્સના જણાવ્યા અનુસાર, હ્યુન્ડાઈ મોટર ઈન્ડિયા ( Hyundai Motor India ) ટૂંક સમયમાં માર્કેટ રેગ્યુલેટર સેબી ( SEBI ) પાસે આઈપીઓ માટે દસ્તાવેજો ફાઈલ કરી શકે છે. મારુતિ સુઝુકી પછી દેશની બીજી સૌથી મોટી કાર ઉત્પાદક હ્યુન્ડાઈ IPOમાં કોઈ નવા શેર ( Stock Market ) જારી કરશે નહીં. હ્યુન્ડાઈની હરીફ મારુતિ સુઝુકી ઈન્ડિયાની વાત કરીએ તો છેલ્લા 6 મહિનામાં તેના શેરની કિંમતમાં 24.35 ટકાનો વધારો થયો હતો.
Hyundai Motors IPO:હ્યુન્ડાઈના કુલ વૈશ્વિક વેચાણમાં ભારતીય યુનિટનો હિસ્સો 14 ટકા છે…
દક્ષિણ કોરિયાની બહાર હ્યુન્ડાઈનું આ પ્રથમ લિસ્ટિંગ ( Share Listing ) હશે. થોડા દિવસો પહેલા, હ્યુન્ડાઈના ભારતીય યુનિટનું મૂલ્ય $30 બિલિયન આંકવામાં આવ્યું હતું. IPOનો હેતુ દેશમાં હ્યુન્ડાઈના વિસ્તરણને વેગ આપવા અને ભંડોળ માટે તેની કોરિયન પેરેન્ટ કંપની પર તેની નિર્ભરતા ઘટાડવાનો છે. હ્યુન્ડાઈના કુલ વૈશ્વિક વેચાણમાં ભારતીય યુનિટનો હિસ્સો 14 ટકા છે. IPO પછી તેમાં વધુ વધારો થવાની હાલ ધારણા છે.
આ સમાચાર પણ વાંચો : Ranjit Savarkar : નાસિકના ત્ર્યંબકેશ્વરથી અશુદ્ધ પ્રસાદ વિક્રીને રોકવા માટે હવે શુદ્ધ પ્રસાદ ચળવળ શરુ, પ્રસાદ વિક્રેતાઓને મળશે હવે OM પ્રમાણપત્ર..
હ્યુન્ડાઈએ 1998માં ભારતમાં તેનો પહેલો મેન્યુફેક્ચરિંગ પ્લાન્ટ સ્થાપ્યો હતો અને 2008માં બીજો સ્થાપ્યો હતો. આ વર્ષે એપ્રિલમાં હ્યુન્ડાઈ મોટર ગ્રૂપના એક્ઝિક્યુટિવ ચેરપર્સન યુઈસુન ચુંગે ભારતમાં બિઝનેસને મજબૂત બનાવવાનું વિઝન રજૂ કર્યું હતું. જેમાં હ્યુન્ડાઈ વાસ્તવમાં તેના વાહનો માટે ભારતનો ઉપયોગ નિકાસ કેન્દ્ર તરીકે કરવા માંગે છે.
(ડિસ્ક્લેમરઃ અહીં રજૂ કરવામાં આવેલી માહિતી અન્ય મિડીયા પ્રેલટફોર્મ પર પણ ઉપલબ્ધ છે તેમજ તેની સત્યતા સંદર્ભે અમે કોઈ દાવો કરતા નથી. કોઈપણ રોકાણ કરતા પહેલા ફાઈનાન્શિયલ એડવાઈઝરની સલાહ ચોક્કસ લો.)
