News Continuous Bureau | Mumbai
અમેરિકી રાષ્ટ્રપતિ ડોનાલ્ડ ટ્રમ્પે રશિયા પાસેથી સતત તેલ ખરીદવા બદલ ભારત પર વધારાના 25% ટેરિફ ની જાહેરાત કરી છે. આ નવા ટેરિફ સાથે હવે ભારતીય સામાન પર કુલ ડ્યુટી 50% થઈ ગઈ છે. ઉદ્યોગ નિષ્ણાતોનું કહેવું છે કે આ નિર્ણયથી ભારતના ઘરેલુ નિકાસ ક્ષેત્રો જેવા કે લેધર, રસાયણો, ફૂટવેર, જેમ્સ અને જ્વેલરી, ટેક્સટાઈલ અને શ્રિમ્પ ને ગંભીર અસર થશે. આ ટેરિફ ભારતીય ચીજવસ્તુઓને યુએસ માર્કેટમાં ઘણી મોંઘી બનાવશે, જેના કારણે યુએસમાં થતી નિકાસમાં 40-50%નો ઘટાડો થઈ શકે છે.
કયા ક્ષેત્રો સૌથી વધુ પ્રભાવિત થશે?
થિંક ટેન્ક જીટીઆરઆઈના મતે, નવા ટેરિફ પછી ભારતના ઓર્ગેનિક કેમિકલ્સની નિકાસ પર 54% વધારાની ડ્યુટી લાગશે. આ ઉપરાંત, કાર્પેટ (52.9%), એપેરલ-નિટેડ (63.9%), એપેરલ-વોવન (60.3%), ટેક્સટાઈલ મેડ-અપ્સ (59%), હીરા, સોનું અને ઉત્પાદનો (52.1%), મશીનરી અને યાંત્રિક ઉપકરણો (51.3%), અને ફર્નિચર (52.3%) જેવા ક્ષેત્રો પર પણ ઊંચી ડ્યુટી લાગશે. ઉદ્યોગ નિષ્ણાતોના જણાવ્યા અનુસાર, આ ટેરિફ થી ભારતીય ઉત્પાદનોની સ્પર્ધાત્મકતા માં મોટો ઘટાડો થશે.
આ સમાચાર પણ વાંચો : Trump chip 100% tariff:ટ્રમ્પની કમ્પ્યુટર ચિપ્સ પર 100% ટેરિફ ની યોજના, જો કંપની ઓ યુ.એસ.માં ઉત્પાદન નહીં કરે તો થશે મોંઘવારી
નિકાસકારોની ચિંતા અને ભવિષ્યની રણનીતિ
કોલકાતા સ્થિત સીફૂડ નિકાસકાર યોગેશ ગુપ્તાએ કહ્યું કે આ ટેરિફ થી ભારતના શ્રિમ્પ યુએસ બજારમાં મોંઘા બનશે. ભારત પહેલા થી જ ઇક્વાડોર જેવા દેશો સાથે સ્પર્ધા કરી રહ્યું છે, જેના પર ઓછો ટેરિફ લાગુ પડે છે. કોન્ફેડરેશન ઓફ ઇન્ડિયન ટેક્સટાઇલ ઇન્ડસ્ટ્રી (CITI) એ પણ આ નિર્ણય અંગે ગંભીર ચિંતા વ્યક્ત કરી છે. યુએસ ભારત માટે ટેક્સટાઈલ અને એપેરલ નિકાસનું સૌથી મોટું બજાર છે. ઉદ્યોગના નિષ્ણાતોએ સરકારને આ મુશ્કેલ સમયમાં ક્ષેત્રને મદદ કરવા માટે તાત્કાલિક પગલાં લેવા વિનંતી કરી છે.
દ્વિપક્ષીય વેપાર કરારની આશા
નિકાસકારોને આશા છે કે ભારત અને યુએસ વચ્ચેનો દ્વિપક્ષીય વેપાર કરાર (BTA) આ ટેરિફના પડકારોનો સામનો કરવામાં મદદ કરશે. હાલમાં, ભારત અને યુએસ વચ્ચે વચગાળાના વેપાર કરાર માટે વાટાઘાટો ચાલી રહી છે, જે આ વર્ષના અંત સુધીમાં પૂર્ણ થવાની અપેક્ષા છે. જોકે, કૃષિ ઉત્પાદનો, ડેરી અને જિનેટિકલી મોડિફાઈડ ઉત્પાદનો પરની ડ્યુટી રાહતો અંગે હજુ સુધી કોઈ સમજૂતી થઈ નથી. નિકાસકારોએ નિકાસ વૃદ્ધિ જાળવી રાખવા માટે નવા બજારો શોધવા પર પણ ભાર મૂક્યો છે.
