News Continuous Bureau | Mumbai
LIC Housing Finance Dividend: LIC હાઉસિંગ ફાઇનાન્સે માર્ચ 2024 ક્વાર્ટરના પરિણામો સાથે રૂ. 9નું શાનદાર ડિવિડન્ડ જાહેર કર્યું છે. એક્સચેન્જ ફાઈલિંગમાં કંપની દ્વારા આપવામાં આવેલી માહિતી અનુસાર, રૂ. 2ની ફેસ વેલ્યુ ધરાવતા શેર પર 9 રૂપિયા એટલે કે 450 ટકા ડિવિડન્ડ શેરધારકોને વહેંચવામાં આવશે. જો કે, હજુ વાર્ષિક સામાન્ય સભા ( AGM ) માં આના પર શેરધારકોની મંજુરી લેવાની બાકી છે. એકવાર શેરધારકો ( shareholders ) તેને મંજૂર કરી દે, તે બાદ 30 દિવસની અંદર રોકાણકારોના ખાતામાં તેમનું ડિવિડન્ડ જમા થઈ જશે. કંપનીના બોર્ડ ઓફ ડિરેક્ટર્સની બેઠક 15 મે 2024ના રોજ થઈ હતી, જેમાં આ પ્રસ્તાવને મંજૂરી આપવામાં આવી હતી.
LIC Housing Finance Dividend: કંપનીનો ચોખ્ખો નફો ઘટયો…
હવે એલઆઈસી હાઉસિંગ ફાયનાન્સ માટે માર્ચ કેવું રહ્યું તેની વાત કરીએ તો તેમાં કંપનીને કંઈ વધારે લાભ થયા નથી. LICની હાઉસિંગ ફાઇનાન્સ કંપનીનો ચોખ્ખો નફો ગત નાણાકીય વર્ષ 2023-24 ના છેલ્લા ત્રિમાસિક ગાળામાં 7.6 ટકા ઘટીને રૂ. 1090.8 કરોડ થયો ગયો હતો. ગયા નાણાકીય વર્ષના સમાન ત્રિમાસિક ગાળામાં કંપનીએ રૂ. 1180 કરોડનો ચોખ્ખો નફો કર્યો હતો. જો કે, તે જ સમયગાળા દરમિયાન, વ્યાજમાંથી તેની ચોખ્ખી આવક વાર્ષિક ધોરણે રૂ. 1990.3 કરોડ એટલે કે 12.4 ટકા વધીને રૂ. 2,237.6 કરોડ થઈ ગઈ હતી.
આ સમાચાર પણ વાંચો : Cannes film festival 2024: હાથ માં બેન્ડ સાથે કાન્સ માટે રવાના થઇ ઐશ્વર્યા રાય બચ્ચન, આરાધ્યા એ તેની માતા સાથે કર્યું એવું કામ કે લોકો કરી રહ્યા છે વખાણ
હવે LIC હાઉસિંગ ફાઇનાન્સના શેર ( Stock Market ) વિશે વાત કરીએ તો, તેના ત્રિમાસિક પરિણામોના ( quarterly results ) દિવસે એટલે કે 15 મે, 2024ના રોજ, શેર BSE પર 0.49 ટકાના ઘટાડા સાથે રૂ. 630.25 પર બંધ થયો હતો. જો કે, ગયા વર્ષે, 9 જૂન, 2023 ના રોજ, શેર 362.65 રૂપિયાના એક વર્ષની નીચી સપાટીએ પહોંચી ગયો હતો. આ પછી, લગભગ 11 મહિનામાં, શેર ( LIC Housing Finance Share ) 88 ટકાથી વધુ ઉછળ્યો હતો અને આ મહિનાની શરૂઆતમાં 2 મે, 2024 ના રોજ શેર 682.90 રૂપિયાની કિંમતે પહોંચી ગયો હતો, જે લગભગ સાત વર્ષમાં તેના શેર માટે રેકોર્ડ ઉચ્ચ સ્તર હતો. જો કે, શેરનો આ ઉછાળો અહીં અટકી ગયો હતો અને હાલમાં તે આ ઊંચાઈથી લગભગ 8 ટકા નીચેની તરફ ઘટાડા સાથે રહ્યો હતો.
(ડિસ્ક્લેમરઃ અહીં રજૂ કરવામાં આવેલી માહિતી અન્ય મિડીયા પ્રેલટફોર્મ પર પણ ઉપલબ્ધ છે તેમજ તેની સત્યતા સંદર્ભે અમે કોઈ દાવો કરતા નથી. કોઈપણ રોકાણ કરતા પહેલા ફાઈનાન્શિયલ એડવાઈઝરની સલાહ ચોક્કસ લો.)
